ദുബായ്: എമിറേറ്റ്സ് എയർലൈൻസ് തങ്ങളുടെ സ്കൈവാർഡ്സ് മൈൽസ് നയത്തിൽ മാറ്റങ്ങൾ വരുത്തി. പുതുക്കിയ നയം അനുസരിച്ച്, എട്ട് വയസ്സോ അതിൽ താഴെയോ പ്രായമുള്ള കുട്ടികൾക്ക് ഇനി മുതൽ ഫസ്റ്റ് ക്ലാസ് ക്ലാസിക് റിവാർഡ്സ്, അപ്ഗ്രേഡ് റിവാർഡ്സ് എന്നിവ ലഭിക്കില്ല.
പുതിയ നയം എന്തിനെല്ലാം ബാധിക്കും?
ക്ലാസിക് റിവാർഡ്സ്: എമിറേറ്റ്സ് അല്ലെങ്കിൽ ഫ്ലൈദുബായ് വിമാനങ്ങളിൽ സ്കൈവാർഡ്സ് മൈൽസ് ഉപയോഗിച്ച് ടിക്കറ്റുകൾ ബുക്ക് ചെയ്യുന്നതിനുള്ള റിവാർഡാണ് ഇത്. 5,000 മൈൽസ് മുതൽ ക്ലാസിക് റിവാർഡ്സ് ഉപയോഗിക്കാം.
റിവാർഡ് അപ്ഗ്രേഡ്സ്: സ്കൈവാർഡ്സ് മൈൽസ് ഉപയോഗിച്ച് ഉയർന്ന ക്ലാസ്സിലേക്ക് ടിക്കറ്റ് അപ്ഗ്രേഡ് ചെയ്യുന്നതിനുള്ള ഓപ്ഷനാണിത്. 7,020 മൈൽസ് മുതൽ അപ്ഗ്രേഡ് ചെയ്യാം.
ഈ മാറ്റം മൈൽസ് ഉപയോഗിച്ച് കുട്ടികൾക്കായി ഫസ്റ്റ് ക്ലാസ് ടിക്കറ്റ് ബുക്ക് ചെയ്യാനോ അപ്ഗ്രേഡ് ചെയ്യാനോ ആഗ്രഹിക്കുന്നവരെ മാത്രമാണ് ബാധിക്കുക. അതേസമയം, പണം നൽകി കുട്ടികൾക്കായി ഫസ്റ്റ് ക്ലാസ് ടിക്കറ്റുകൾ വാങ്ങുന്നതിന് നിലവിൽ തടസ്സങ്ങളില്ല.
എമിറേറ്റ്സ് സ്കൈവാർഡ്സ് മൈൽസ്
ലോകത്തിലെ ഏറ്റവും വലിയ എയർലൈൻ ലോയൽറ്റി പ്രോഗ്രാമുകളിൽ ഒന്നാണ് എമിറേറ്റ്സ് സ്കൈവാർഡ്സ് മൈൽസ്. 35 ദശലക്ഷത്തിലധികം അംഗങ്ങളാണ് ഇതിനുള്ളത്. ഓരോ മിനിറ്റിലും ഏഴ് പുതിയ അംഗങ്ങൾ ഈ പ്രോഗ്രാമിൽ ചേരുന്നു. കൂടാതെ, ഓരോ മിനിറ്റിലും ഒരാൾക്ക് അപ്ഗ്രേഡ് റിവാർഡ് ലഭിക്കുമ്പോൾ, ഒരു ദിവസം 100,000 ഇടപാടുകളിലൂടെ മൈൽസ് നേടുന്നതായി എമിറേറ്റ്സ് വ്യക്തമാക്കുന്നു.
2024-25 സാമ്പത്തിക വർഷത്തിൽ 53.7 ദശലക്ഷം യാത്രക്കാരെ വഹിച്ചുകൊണ്ട് എമിറേറ്റ്സ് ലോകത്തിലെ ഏറ്റവും വലിയ അന്താരാഷ്ട്ര യാത്രാ വിമാനക്കമ്പനിയായി തുടരുകയാണ്. ഇത് മുൻവർഷത്തെ അപേക്ഷിച്ച് 3 ശതമാനം വർധനവാണ് കാണിക്കുന്നത്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t
Leave a Reply