Qatar Airways; ആഫ്രിക്കൻ ഭൂഖണ്ഡത്തിലെ തങ്ങളുടെ സാന്നിധ്യം കൂടുതൽ ശക്തമാക്കുന്നതിന്റെ ഭാഗമായി ഖത്തർ എയർവേയ്സ് പോർട്ട് സുഡാനിലേക്ക് നേരിട്ടുള്ള വിമാന സർവീസ് ആരംഭിച്ചു. വ്യാഴാഴ്ച പോർട്ട് സുഡാൻ വിമാനത്താവളത്തിൽ എയർലൈനിന്റെ ആദ്യ വിമാനം ഇറങ്ങി. ആഫ്രിക്കൻ മേഖലയിലെ വിമാനയാത്ര സുഗമമാക്കുന്നതിനും ആഗോളതലത്തിൽ കണക്റ്റിവിറ്റി വർദ്ധിപ്പിക്കുന്നതിനുമുള്ള എയർലൈനിന്റെ നീക്കമാണിതെന്ന് ഖത്തർ എയർവേയ്സ് അറിയിച്ചു. ആഴ്ചയിൽ മൂന്ന് സർവീസുകളാണ് പോർട്ട് സുഡാനിലേക്ക് ഉണ്ടാവുക. ദോഹയിലെ ഹമദ് അന്താരാഷ്ട്ര വിമാനത്താവളം വഴി ലോകമെമ്പാടുമുള്ള 160-ലധികം ലക്ഷ്യസ്ഥാനങ്ങളിലേക്ക് സുഡാനിൽ നിന്നുള്ള യാത്രക്കാർക്ക് ഇനി എളുപ്പത്തിൽ എത്തിച്ചേരാനാകും. 1994-ൽ ഖാർത്തൂമിലേക്ക് സർവീസ് തുടങ്ങിയ ഖത്തർ എയർവേയ്സിന്റെ ആഫ്രിക്കയിലെ ആദ്യ ലക്ഷ്യസ്ഥാനം സുഡാനായിരുന്നു. 12 ബിസിനസ് ക്ലാസ് സീറ്റുകളും 120 ഇക്കണോമി ക്ലാസ് സീറ്റുകളുമുള്ള എയർബസ് എ320 വിമാനമാണ് പുതിയ റൂട്ടിൽ ഉപയോഗിക്കുന്നത്. ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t ഇതോടെ ആഫ്രിക്കയിലെ ഖത്തർ എയർവേയ്സ് സർവീസുകൾ 27 നഗരങ്ങളിലായി വ്യാപിച്ചു. നിലവിൽ ആഫ്രിക്കൻ ഭൂഖണ്ഡത്തിലേക്ക് ആഴ്ചയിൽ 190-ലധികം വിമാനങ്ങൾ എയർലൈൻ ഓപ്പറേറ്റ് ചെയ്യുന്നുണ്ട്.
