2026-ൽ നടക്കാനിരിക്കുന്ന ഫിഫ ലോകകപ്പിന്റെ സുരക്ഷാ ചുമതലകളിൽ പങ്കാളികളായി ഖത്തർ സുരക്ഷാ സേനയും. ആതിഥേയ രാജ്യങ്ങളിലെ സുരക്ഷാ ഏജൻസികളുമായി സഹകരിച്ചും ഏകോപിപ്പിച്ചുമാണ് ഖത്തർ സേന തങ്ങളുടെ ദൗത്യം നിർവ്വഹിക്കുന്നത്. നിശ്ചയിക്കപ്പെട്ട സുരക്ഷാ ചട്ടക്കൂടുകൾക്കുള്ളിൽ നിന്നുകൊണ്ട് മികച്ച രീതിയിലുള്ള പ്രവർത്തനങ്ങളാണ് ഖത്തർ സംഘം കാഴ്ചവെക്കുന്നത്. ഖത്തർ ആഭ്യന്തര മന്ത്രാലയത്തിന് കീഴിലുള്ള സെക്യൂരിറ്റി കമ്മിറ്റിയാണ് ‘എക്സ്’ (X) പ്ലാറ്റ്ഫോമിലൂടെ ഇക്കാര്യം അറിയിച്ചത്. വിവിധ ലോകകപ്പ് വേദികളിൽ ഖത്തർ സുരക്ഷാ ഉദ്യോഗസ്ഥർ തങ്ങളുടെ ഔദ്യോഗിക കൃത്യനിർവ്വഹണത്തിൽ ഏർപ്പെട്ടിരിക്കുന്ന ചിത്രങ്ങളും മന്ത്രാലയം ഇതിനോടൊപ്പം പങ്കുവെച്ചിട്ടുണ്ട്. അന്താരാഷ്ട്ര നിലവാരത്തിലുള്ള വൻകിട കായിക മേളകൾക്ക് സുരക്ഷയൊരുക്കുന്നതിൽ ഖത്തർ സുരക്ഷാ ഏജൻസികൾക്കുള്ള വൈദഗ്ധ്യവും പ്രാഗൽഭ്യവും വീണ്ടും അംഗീകരിക്കപ്പെടുകയാണെന്ന് അധികൃതർ വ്യക്തമാക്കി. ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t 2022-ലെ ലോകകപ്പ് വിജയകരമായി പൂർത്തിയാക്കിയതിലൂടെ ഖത്തർ നേടിയെടുത്ത ആഗോള വിശ്വാസ്യതയുടെ അടയാളമാണ് ഈ പുതിയ ദൗത്യമെന്നും മന്ത്രാലയം കൂട്ടിച്ചേർത്തു.
