Qatar Copyright Enforcement; ഖത്തറിൽ അനുമതിയില്ലാതെ സിനിമകൾ പ്രദർശിപ്പിച്ച സ്ഥാപനങ്ങൾക്കെതിരെ നടപടി. രാജ്യത്തിന്റെ വിവിധ ഭാഗങ്ങളിൽ നടത്തിയ പരിശോധനയിലാണ് നിരവധി നിയമലംഘനങ്ങൾ കണ്ടെത്തിയത്. സിനിമകൾ, കായിക മത്സരങ്ങൾ തുടങ്ങിയവ പകർപ്പവകാശ ഉടമകളുടെ അനുമതിയില്ലാതെ പൊതുസ്ഥലങ്ങളിൽ പ്രദർശിപ്പിച്ചതിനാണ് നടപടി. മതിയായ ലൈസൻസോ അനുമതിയോ ഇല്ലാതെ ദൃശ്യങ്ങൾ കാണിക്കുന്നത് നിയമവിരുദ്ധമാണെന്ന് മന്ത്രാലയം വ്യക്തമാക്കി. രാജ്യത്തെ ബൗദ്ധിക സ്വത്തവകാശ നിയമങ്ങളും, പകർപ്പവകാശ സംരക്ഷണവുമായി ബന്ധപ്പെട്ട 2002-ലെ ഏഴാം നമ്പർ നിയമവും (Law No. 7 of 2002) സ്ഥാപനങ്ങൾ കൃത്യമായി പാലിക്കുന്നുണ്ടെന്ന് ഉറപ്പാക്കാനാണ് മന്ത്രാലയം ഈ പരിശോധനാ കാമ്പയിനുകൾ സംഘടിപ്പിച്ചത്. ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t  വാണിജ്യ സ്ഥാപനങ്ങൾ രാജ്യത്തെ നിലവിലുള്ള നിയമങ്ങൾക്കും ചട്ടങ്ങൾക്കും വിധേയമായാണോ പ്രവർത്തിക്കുന്നതെന്ന് മന്ത്രാലയം നിരീക്ഷിച്ചുവരികയാണ്. പ്രക്ഷേപണ അവകാശങ്ങളും ബൗദ്ധിക സ്വത്തവകാശങ്ങളും സംരക്ഷിക്കുന്നത് സമൂഹത്തിന്റെ കൂട്ടുത്തരവാദിത്തമാണെന്ന് മന്ത്രാലയം വ്യക്തമാക്കി. യഥാർത്ഥ അവകാശികൾക്ക് അർഹമായ പ്രതിഫലം ഉറപ്പാക്കുന്നതിലൂടെ മാത്രമേ ക്രിയാത്മകമായ പ്രവർത്തനങ്ങളെയും പുതിയ ആശയങ്ങളെയും പിന്തുണയ്ക്കാൻ സാധിക്കൂ എന്നും അധികൃതർ കൂട്ടിച്ചേർത്തു. വരും ദിവസങ്ങളിലും പരിശോധനകൾ തുടരുമെന്നും നിയമലംഘകർക്കെതിരെ കർശന നടപടിയുണ്ടാകുമെന്നും മന്ത്രാലയം മുന്നറിയിപ്പ് നൽകി.