Hamad International Airport; ഖത്തർ ഹമദ് അന്താരാഷ്ട്ര വിമാനത്താവളത്തിൽ നിന്ന് കൂടുതൽ വിമാനക്കമ്പനികൾ സർവീസ് പുനരാരംഭിക്കുന്നു. ജൂലൈ മാസത്തിൽ അഞ്ച് പ്രമുഖ വിമാനക്കമ്പനികൾ കൂടി പ്രവർത്തനങ്ങൾ തുടങ്ങുമെന്ന് വിമാനത്താവള അധികൃതർ അറിയിച്ചു. ഇതോടെ ഏപ്രിൽ 21-ന് ശേഷം സർവീസ് പുനരാരംഭിച്ച വിമാനക്കമ്പനികളുടെ ആകെ എണ്ണം 36 ആയി ഉയരും.
- ജൂലൈ 1 മുതൽ: റോയൽ എയർ മാറോക്ക് (Royal Air Maroc), ഫിലിപ്പീൻ എയർലൈൻസ് (Philippine Airlines), അകാശ എയർ (Akasa Air) എന്നിവ സർവീസ് ആരംഭിക്കും.
- ജൂലൈ 2 മുതൽ: മലേഷ്യ എയർലൈൻസ് (Malaysia Airlines) പ്രവർത്തനം തുടങ്ങും.
- ജൂലൈ 3 മുതൽ: ഐബീരിയ (Iberia) വിമാനങ്ങൾ സർവീസ് നടത്തും.
കഴിഞ്ഞ ഏപ്രിൽ 21 മുതൽ ഘട്ടംഘട്ടമായി സർവീസുകൾ പുനരാരംഭിച്ച വരികയാണ്. നിലവിൽ 31 എയർലൈനുകൾ ഹമദ് വിമാനത്താവളത്തിൽ നിന്ന് സർവീസ് നടത്തുന്നുണ്ട്. ജൂലൈയിലെ അഞ്ച് കമ്പനികൾ കൂടി ചേരുന്നതോടെ വിമാനത്താവളം കൂടുതൽ സജീവമാകും.
വിമാനക്കമ്പനികളുമായും ബന്ധപ്പെട്ട സർക്കാർ ഏജൻസികളുമായും ഏകോപിപ്പിച്ചാണ് സർവീസുകൾ ക്രമീകരിച്ചിരിക്കുന്നത്. ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t എന്നാൽ അപ്രതീക്ഷിതമായ കാരണങ്ങളാൽ വിമാന സമയക്രമത്തിൽ മാറ്റം വരാൻ സാധ്യതയുള്ളതിനാൽ യാത്രക്കാർ അതത് വിമാനക്കമ്പനികളുമായി ബന്ധപ്പെട്ട് സമയം ഉറപ്പുവരുത്തണമെന്ന് അധികൃതർ നിർദ്ദേശിച്ചു. സാഹചര്യങ്ങൾക്കനുസരിച്ച് സർവീസുകൾ മാറ്റാനോ റദ്ദാക്കാനോ ഉള്ള അധികാരം വിമാനത്താവളത്തിനുണ്ടായിരിക്കുമെന്നും അറിയിപ്പിൽ പറയുന്നു.
