ആഗോള സാമ്പത്തിക പ്രതിസന്ധികൾക്കിടയിലും കരുത്തുറ്റ അടിത്തറയുമായി ഖത്തർ ലോകശ്രദ്ധ നേടുന്നു. 2026-ലെ ഐഎംഡി (IMD) വേൾഡ് കോംപറ്റിറ്റീവ്നെസ് ഇയർബുക്ക് പുറത്തുവിട്ട റിപ്പോർട്ട് പ്രകാരം, സാമ്പത്തിക പ്രതിരോധശേഷിയിൽ മിഡിൽ ഈസ്റ്റ് മേഖലയിൽ ഒന്നാം സ്ഥാനവും ആഗോളതലത്തിൽ മികച്ച അഞ്ച് രാജ്യങ്ങളുടെ പട്ടികയിലും ഖത്തർ ഇടംപിടിച്ചു. ഖത്തർ നാഷണൽ വിഷൻ 2030, മൂന്നാം ദേശീയ വികസന തന്ത്രം എന്നിവയിലൂടെ രാജ്യം കൈവരിച്ച കൃത്യമായ ആസൂത്രണത്തിന്റെ ഫലമാണിതെന്ന് നാഷണൽ പ്ലാനിംഗ് കൗൺസിൽ (NPC) വ്യക്തമാക്കി. പ്രാദേശികമായ വെല്ലുവിളികളെ അതിജീവിച്ച് ബിസിനസ് മേഖലയിലും ജനക്ഷേമത്തിലും ഖത്തർ നടത്തുന്ന മുന്നേറ്റം അഭിമാനകരമാണെന്ന് എൻപിസി സെക്രട്ടറി ജനറൽ ഡോ. അബ്ദുൽ അസീസ് ബിൻ നാസർ ബിൻ മുബാറക് അൽ ഖലീഫ പറഞ്ഞു. വ്യാപാര മിച്ചത്തിന്റെ കാര്യത്തിൽ ഖത്തർ ലോകത്ത് ഒന്നാമതാണ്. ലോകത്തിലെ ഏറ്റവും കുറഞ്ഞ തൊഴിലില്ലായ്മ നിരക്കുള്ള രാജ്യങ്ങളിലൊന്നായും ഖത്തർ മാറി. ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t വ്യക്തിഗത ആദായനികുതി, ഉപഭോഗ നികുതി എന്നിവ ഇല്ലാത്ത ലോകത്തിലെ ഏറ്റവും മികച്ച ബിസിനസ് സൗഹൃദ രാജ്യമായി ഖത്തർ തിരഞ്ഞെടുക്കപ്പെട്ടു. ഊർജ്ജ ഇൻഫ്രാസ്ട്രക്ചറിൽ ലോകത്ത് രണ്ടാം സ്ഥാനവും, ആരോഗ്യ മേഖലയിൽ മൂന്നാം സ്ഥാനവും ഖത്തർ സ്വന്തമാക്കി. ജീവിതനിലവാരത്തിൽ ലോകത്ത് ആറാം സ്ഥാനത്താണ് ഖത്തർ. കൂടാതെ, ലോകത്തെ ഏറ്റവും കുറഞ്ഞ കുറ്റകൃത്യ നിരക്കുള്ള രണ്ടാമത്തെ രാജ്യമെന്ന പദവിയും ഖത്തറിന് ഈ റിപ്പോർട്ട് നൽകുന്നു. സംരംഭകത്വ മേഖലയിൽ (Entrepreneurship) മേഖലയിൽ ഒന്നാമതും ആഗോളതലത്തിൽ നാലാം സ്ഥാനവുമാണ് ഖത്തറിനുള്ളത്. സുരക്ഷിതവും സുസ്ഥിരവുമായ സമൂഹമെന്ന നിലയിൽ ഖത്തർ ആഗോളതലത്തിൽ അഞ്ചാം സ്ഥാനത്താണ് നീതിന്യായ വ്യവസ്ഥയുടെ കാര്യക്ഷമതയിൽ. ലോകത്തിലെ ഏറ്റവും കുറഞ്ഞ കൊലപാതക നിരക്കുള്ള (Homicide rate) രണ്ടാമത്തെ രാജ്യമെന്ന ഖ്യാതിയും ഖത്തർ നിലനിർത്തുന്നു. ഈ മികച്ച പ്രകടനം ഖത്തറിനെ ബിസിനസ്സിനും നിക്ഷേപത്തിനും ലോകത്തിലെ ഏറ്റവും ആകർഷകമായ കേന്ദ്രങ്ങളിലൊന്നായി മാറ്റുന്നു. ഇന്റർനാഷണൽ ഇൻസ്റ്റിറ്റ്യൂട്ട് ഫോർ മാനേജ്മെന്റ് ഡെവലപ്മെന്റ് (IMD) വർഷം തോറും പുറത്തിറക്കുന്ന ഈ റിപ്പോർട്ട്, ഗവൺമെന്റിന്റെ കാര്യക്ഷമതയും സാമ്പത്തിക പ്രകടനവും അടിസ്ഥാനമാക്കിയാണ് രാജ്യങ്ങളെ വിലയിരുത്തുന്നത്.
