Qatar-Italy Bilateral Cooperation; ഖത്തറും ഇറ്റലിയും തമ്മിലുള്ള ഉഭയകക്ഷി സഹകരണം കൂടുതൽ മേഖലകളിലേക്ക് വ്യാപിപ്പിക്കുന്നത് സംബന്ധിച്ച് ഇരുരാജ്യങ്ങളും ചർച്ച നടത്തി. ഖത്തർ വിദേശകാര്യ മന്ത്രാലയം ഔദ്യോഗിക വക്താവും പ്രധാനമന്ത്രിയുടെ ഉപദേഷ്ടാവുമായ ഡോ. മാജിദ് ബിൻ മുഹമ്മദ് അൽ അൻസാരി, ഇറ്റാലിയൻ വിദേശകാര്യ മന്ത്രാലയം സെക്രട്ടറി ജനറൽ റിക്കാർഡോ ഗ്വാരിഗ്ലിയയുമായി റോമിൽ വെച്ചാണ് കൂടിക്കാഴ്ച നടത്തിയത്.
ഇരുരാജ്യങ്ങളും തമ്മിലുള്ള സൗഹൃദം ദൃഢമാക്കുന്നതിനൊപ്പം പരസ്പര താൽപ്പര്യമുള്ള വിവിധ വിഷയങ്ങളിൽ യോജിച്ച നീക്കങ്ങൾ നടത്താനും യോഗത്തിൽ ധാരണയായി.ഖത്തറിലെ വാർത്തകൾ അറിയാൻ ചാനൽ ഇപ്പോൾ തന്നെ ഫോളോ ചെയ്യൂ
https://chat.whatsapp.com/DYPO80C5nNo3Qv0FLcH5EY?mode=gi_t  പശ്ചിമേഷ്യയിലെ നിലവിലെ രാഷ്ട്രീയ സാഹചര്യങ്ങളും മേഖലയിലെ സുരക്ഷാ ക്രമീകരണങ്ങളും ചർച്ചയുടെ പ്രധാന ഭാഗമായി. അമേരിക്കയും ഇറാനും തമ്മിൽ അടുത്തിടെ ഒപ്പുവെച്ച ധാരണാപത്രത്തിന്റെ പശ്ചാത്തലത്തിൽ, മിഡിൽ ഈസ്റ്റിൽ സമാധാനവും സുസ്ഥിരതയും നിലനിർത്തുന്നതിനുള്ള നയതന്ത്ര ശ്രമങ്ങളെക്കുറിച്ചും ഇരു നേതാക്കളും സംസാരിച്ചു. മേഖലയിലെ സുരക്ഷ ഉറപ്പാക്കുന്നതിൽ ഖത്തർ വഹിക്കുന്ന മധ്യസ്ഥ ശ്രമങ്ങളെ ഇറ്റാലിയൻ പ്രതിനിധി അഭിനന്ദിച്ചു.