യു.എ.ഇ ലോട്ടറിക്ക് കീഴിൽ പുതിയ രണ്ട് ഡിജിറ്റൽ ഗെയിമുകൾക്ക് തുടക്കമായി. ജെംസ്റ്റോൺ റിച്ചസ്, സ്പോർട്സ് മാനിയ എന്നിവയാണ് ഈ ഗെയിമുകൾ. കളിക്കുന്നതിനൊപ്പം ആകർഷകമായ സമ്മാനങ്ങളും നേടാം എന്നതാണ് ഇവയുടെ പ്രധാന ആകർഷണം.
ജെംസ്റ്റോൺ റിച്ചസ് ഗെയിമിൽ, നമ്പറുകൾ ഒത്തുവരുന്ന ഭാഗ്യശാലികൾക്ക് 5 ലക്ഷം ദിർഹം വരെ സമ്മാനം നേടാൻ അവസരമുണ്ട്. ആകെ 196 സമ്മാനങ്ങളാണ് ജെംസ്റ്റോൺ റിച്ചസിലുള്ളത്. ഒരു ടിക്കറ്റ് ഉപയോഗിച്ച് പലതവണ കളിക്കാം. ടിക്കറ്റ് വില 2 ദിർഹം മുതൽ 50 ദിർഹം വരെയാണ്.
സ്പോർട്സ് മാനിയ ഒരു സ്ക്രാച്ച് ആൻഡ് വിൻ ഗെയിമാണ്. ഇതിൽ കളിക്കാർ തിരഞ്ഞെടുക്കുന്ന ചിഹ്നങ്ങൾ ഒത്തുവന്നാൽ സമ്മാനം ലഭിക്കും. സ്പോർട്സ് മാനിയയിലൂടെയും 5 ലക്ഷം ദിർഹം വരെ നേടാൻ സാധിക്കും. ഈ ഗെയിമിൽ 41 സമ്മാനങ്ങളുണ്ട്. ടിക്കറ്റ് നിരക്ക് 2 ദിർഹം മുതൽ 50 ദിർഹം വരെയാണ്.
യു.എ.ഇ ലോട്ടറി സർക്കാർ അംഗീകൃത ലോട്ടറിയാണ്. കൂടുതൽ വിവരങ്ങൾക്കായി www.theuaelottery.ae എന്ന വെബ്സൈറ്റ് സന്ദർശിക്കാവുന്നതാണ്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t