കടുത്ത വേനൽ ചൂടിൽ ഓഫറുകളുടെ പെരുമഴയുമായി വാഹന വിപണി. ഏഷ്യൻ കമ്പനികളുടെ വാഹനങ്ങൾക്കാണ് ഓഫറുകൾ കൂടുതൽ. സൗജന്യ ഇൻഷൂറൻസ് മുതൽ കാഷ് ബാക്ക് വരെ പട്ടിക നീളും.ഏഴുവർഷം വരെ ഇൻഷൂറൻസ് കാലാവധി നീട്ടിയും സൗജന്യമായി വാഹനം റജിസ്റ്റർ ചെയ്തു നൽകിയും ആകർഷിക്കുകയാണ് വിൽപ്പനക്കാർ. രണ്ടു മുതൽ മൂന്നു വർഷം വരെ വാഹനത്തിനു സൗജന്യ മെയ്ന്റനൻസ് വാഗ്ദാനം ചെയ്യുന്ന ഏജൻസികളുമുണ്ട്. ഇതു കരാർ രൂപപ്പെടുത്തിയാണ് നൽകുക.

ചില ഏജൻസികൾ ഗ്ലാസുകളിൽ സൗജന്യമായി ടിന്റുകൾ നൽകും. 5 വർഷത്തേക്ക് റോഡ് സൈഡ് അസിസ്റ്റൻസ് സൗജന്യമാക്കുകയാണ് മറ്റു ചിലർ. 5000 ദിർഹം മുതൽ 10,000 ദിർഹം വരെ കാഷ് ബാക്ക് നൽകുന്നവരുമുണ്ട്. മൂന്ന് വർഷം മുതൽ അഞ്ച് വർഷം വരെ പലിശരഹിത വായ്പ, 10 കിലോമീറ്റർ വാറന്റി തുടങ്ങിയ ആനുകൂല്യങ്ങളുമുണ്ട്. സൗജന്യ ഇൻഷൂറൻസ് വാഹന വിപണിയിൽ അപൂർവമാണ്. പത്തു ലക്ഷം കിലോമീറ്റർ വാറന്റിയും കേട്ടുകേൾവിയില്ല.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t