Pravasiinfo

തലച്ചോറിൽ കോശങ്ങളുടെ അസാധാരണ വളർച്ച മൂലം സൃഷ്ടിക്കപ്പെടുന്ന മുഴകളെയാണ് ബ്രെയ്ൻ ട്യൂമർ എന്ന് വിളിക്കുന്നത്. ഇത് അർബുദമുഴകളോ അല്ലാതെയുള്ള മുഴകളോ ആകാം. എന്നാൽ ബ്രെയ്ൻ ട്യൂമർ മുഴകളുടെ ലക്ഷണങ്ങൾ പലപ്പോഴും പലരും നിസ്സാരമായി അവഗണിക്കാറാണ് പതിവ്. രോഗം മൂർച്ഛിച്ച് മുഴ വലുതായി കഴിയുമ്പോഴാണ് പലരും രോഗം തിരിച്ചറിയുകതന്നെ.തലയോട്ടിക്കുള്ളിലെ ഇടം മുഴകൾ അപഹരിക്കാൻ തുടങ്ങുന്നതിനാലോ മുഴകളുടെ സ്ഥാനം മൂലമോ ആകാം ബ്രെയ്ൻ ട്യൂമർ ലക്ഷണങ്ങൾ പുറമേക്ക് കണ്ട് തുടങ്ങുകയെന്ന് കാൻസർ റിസർച്ച് യുകെ ചൂണ്ടിക്കാണിക്കുന്നു. മുഴകളുടെ വളർച്ചയ്ക്ക് എടുക്കുന്ന സമയം ഓരോരുത്തരിലും വ്യത്യസ്തമായിരിക്കും. ചിലരിൽ ഏതാനും മാസങ്ങൾ കൊണ്ടോ ചിലരിൽ വർഷങ്ങളെടുത്തോ മുഴ വളർച്ച പ്രാപിക്കാം.

തലച്ചോറിൽ മുഴകൾ ഉണ്ടായി തുടങ്ങുന്നതിൻറെ ലക്ഷണങ്ങൾ ഇനി പറയുന്നവയാണ്.

1. തലവേദന. വല്ലപ്പോഴും വരുന്ന തലവേദന പതിവാകുകയും രൂക്ഷമാകുകയും ചെയ്യും.
2. വിശദീകരിക്കാനാകാത്ത ഛർദ്ദിൽ, മനംമറിച്ചിൽ
3. മങ്ങിയ കാഴ്ച, ഇരട്ടക്കാഴ്ച, വശങ്ങളിലെ കാഴ്ച നഷ്ടമാകൽ തുടങ്ങിയവ
4. കാലിന്റെയോ കൈയുടെയോ ചലനവും സംവേദനക്ഷമതയും പതിയെ നഷ്ടമാകുക
5. ബാലൻസ് നഷ്ടമാകുകതലയിൽ മുഴയുള്ള രോഗികളിൽ 10ൽ എട്ടിനും ചുഴലിരോഗവും വരാറുണ്ടെന്ന് കാൻസർ റിസർച്ച് യുകെ ചൂണ്ടിക്കാട്ടുന്നു. ഇതിൻറെ ഭാഗമായി പേശികൾ വലിഞ്ഞുമുറുകുകയും ബോധം നഷ്ടമാകുകയുമൊക്കെ ചെയ്യാമെന്ന് യുഎസ് നാഷണൽ ബ്രെയ്ൻ ട്യൂമർ സൊസൈറ്റി അഭിപ്രായപ്പെടുന്നു. തലച്ചോറിലെ മുഴ വ്യക്തിത്വത്തിൽ മാറ്റം വരുത്താമെന്നും രോഗിയുടെ മൂഡ് അടിക്കടി മാറാമെന്നും ഡോക്ടർമാർ പറയുന്നു. മുഴ തലച്ചോറിൻറെ ഫ്രോണ്ടൽ ലോബിൽ വന്നവർക്കാണ് ഈ ലക്ഷണങ്ങൾ കാണപ്പെടുക. തലച്ചോറിൻറെ ഈ ഭാഗമാണ് വ്യക്തിത്വത്തെയും വികാരങ്ങളെയുമൊക്കെ നിയന്ത്രിക്കുന്നത്.

കുടുംബത്തിൽ ആർക്കെങ്കിലും ബ്രെയ്ൻ ട്യൂമർ വന്നവരുണ്ടെങ്കിൽ ഒരാൾക്ക് ഈ രോഗം വരാനുള്ള സാധ്യത കൂടുതലാണ്. റേഡിയേഷൻ ഏൽക്കേണ്ടി വരുന്നവർക്കും തലച്ചോറിൽ മുഴകളുണ്ടാകാൻ സാധ്യതയുണ്ടെന്ന് ആരോഗ്യവിദഗ്ധർ കൂട്ടിച്ചേർക്കുന്നു.

6. സംസാരിക്കുമ്പോൾ ബുദ്ധിമുട്ട്
7. അമിതമായ ക്ഷീണം
8. നിത്യവുമുള്ള കാര്യങ്ങളിൽ പോലുമുള്ള ആശയക്കുഴപ്പം