യു.എ.ഇയിലെ ആരോഗ്യ മേഖലയിൽ തൊഴിലവസരങ്ങൾ വർധിക്കുന്നു. ദുബായിൽ ഒരു പ്രമുഖ സ്ഥാപനമായ HMS Mirdif Hospital രജിസ്റ്റേർഡ് മിഡ്‌വൈഫ്, മെഡിക്കൽ ട്രാൻസ്ക്രിപ്ഷനിസ്റ്റ് എന്നീ തസ്തികകളിലേക്ക് അപേക്ഷ ക്ഷണിച്ചു. യോഗ്യരായ ഉദ്യോഗാർത്ഥികൾക്ക് ഈ അവസരം പ്രയോജനപ്പെടുത്താവുന്നതാണ്.

രജിസ്റ്റേർഡ് മിഡ്‌വൈഫ്

ഒരു ഒഴിവാണ് ഈ തസ്തികയിൽ നിലവിലുള്ളത്. മിഡ്‌വൈഫറി പരിചരണത്തിൽ രോഗികൾക്ക് നേരിട്ടുള്ള സേവനം നൽകുന്നതിലാണ് ഈ ജോലിയുടെ പ്രധാന ഉത്തരവാദിത്തം.

യോഗ്യതകൾ:

കുറഞ്ഞത് 5 വർഷത്തെ പ്രവൃത്തിപരിചയം. യു.എ.ഇയിൽ ജോലി ചെയ്തുള്ള പരിചയം നിർബന്ധമാണ്.

ദുബായ് ഹെൽത്ത് അതോറിറ്റി (DHA), മിനിസ്ട്രി ഓഫ് ഹെൽത്ത് ആൻഡ് പ്രിവൻഷൻ (MOH), അല്ലെങ്കിൽ ഡിപ്പാർട്ട്‌മെൻ്റ് ഓഫ് ഹെൽത്ത് (DOH) എന്നിവയിൽ ഏതെങ്കിലും ഒരു മെഡിക്കൽ ലൈസൻസ് ഉണ്ടായിരിക്കണം.

ഉടനടി ജോലിയിൽ പ്രവേശിക്കാൻ കഴിയുന്നവർക്ക് മുൻഗണന. അല്ലെങ്കിൽ പരമാവധി രണ്ട് മാസത്തെ നോട്ടീസ് പീരിയഡ്.

വനിതാ ഉദ്യോഗാർത്ഥികൾക്ക് മാത്രമാണ് അവസരം.

മെഡിക്കൽ ട്രാൻസ്ക്രിപ്ഷനിസ്റ്റ്

ഒ.പി വിഭാഗത്തിലേക്കാണ് മെഡിക്കൽ ട്രാൻസ്ക്രിപ്ഷനിസ്റ്റിനെ ആവശ്യമുണ്ട്. രോഗികളുടെ വിവരങ്ങൾ രേഖപ്പെടുത്തുക, മെഡിക്കൽ റിപ്പോർട്ടുകൾ തയ്യാറാക്കുക, അപ്പോയിന്റ്മെന്റുകൾ ക്രമീകരിക്കുക തുടങ്ങിയ നിരവധി ഭരണപരമായ ജോലികൾ ചെയ്യണം.

പ്രധാന ഉത്തരവാദിത്തങ്ങൾ:

രോഗികളെ സ്വീകരിക്കുക, അപ്പോയിന്റ്മെന്റുകൾ പിന്തുടരുക.

മെഡിക്കൽ റിപ്പോർട്ടുകൾ എഴുതുക.

മെഡിക്കൽ രേഖകൾ രോഗികളുടെ ഇലക്ട്രോണിക് മെഡിക്കൽ റെക്കോർഡ് (EMR) ചാർട്ടുകളിൽ ചേർക്കുക.

ഡാറ്റാ എൻട്രിയും ക്ലറിക്കൽ ജോലികളും ചെയ്യുക.

നഴ്സിംഗ് ജീവനക്കാരുമായി സഹകരിച്ച് രോഗികൾക്ക് മികച്ച സേവനം ഉറപ്പാക്കുക.

രഹസ്യ സ്വഭാവം പാലിച്ചുകൊണ്ട് രോഗികളുടെ രേഖകൾ കൃത്യമായി സൂക്ഷിക്കുക.

ഇൻഷുറൻസ് ക്ലെയിം ഫോമുകൾ പൂരിപ്പിക്കാൻ സഹായിക്കുക.

ആവശ്യമായ സാധനങ്ങളുടെ സ്റ്റോക്ക് ഉറപ്പാക്കുക.

രണ്ട് തസ്തികകളിലേക്കും അപേക്ഷിക്കാൻ താൽപര്യമുള്ളവർക്ക് കമ്പനിയുടെ വെബ്സൈറ്റിൽ ലഭ്യമായ ‘അപ്ലൈ’ ലിങ്ക് വഴി അപേക്ഷ സമർപ്പിക്കാവുന്നതാണ്. https://hr.hmsco.ae/candidate/LoginPage.aspx?obj=0qKjcPeCekWtrC4F8eOgXqBDYoIfQ90A#

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t