![](https://www.pravasiinfo.com/wp-content/uploads/2024/01/download.jpg)
യുഎഇയില് വേനല്ക്കാലത്ത് ബീച്ചിലേക്ക് പോകുന്നവര്ക്ക് മുന്നറിയിപ്പുമായി അധികൃതര്
യുഎഇയില് വേനല്ക്കാലം ഇങ്ങെത്തി. മെയ് 12 ന് ‘അല് ഷുര്ത്താന്’ നക്ഷത്രസമൂഹം പ്രത്യക്ഷപ്പെട്ടതിന് ശേഷം വേനല്ക്കാലം യുഎഇയില് എത്തിയതോടെ രാജ്യത്തെ താപനില 40 ഡിഗ്രി സെല്ഷ്യസിനു മുകളില് ഉയരാന് തുടങ്ങി. ചൂടിന് പുറമെ, ‘അല് സയുറ’ എന്നറിയപ്പെടുന്ന അപകടകരമായ പ്രവാഹത്തെക്കുറിച്ചോ അല്ലെങ്കില് ഡ്രോയിംഗ് കറന്റിനെക്കുറിച്ചും ബീച്ച് യാത്രക്കാര് ബോധവാന്മാരായിരിക്കണം. ഈ സാഹചര്യത്തില് ബീച്ചിലേക്ക് പോകുന്നവര്ക്ക് മുന്നറിയിപ്പുമായി അധികൃതര് രംഗത്തെത്തി.
ആളുകളെ കടലിലേക്ക് വലിച്ചിഴയ്ക്കുന്ന ‘അല് സയുറ’ എന്നറിയപ്പെടുന്ന അപകടകരമായ പ്രവാഹങ്ങള് രൂപപ്പെടുന്നതിനെക്കുറിച്ച് എമിറേറ്റ്സ് അസ്ട്രോണമിക്കല് സൊസൈറ്റി പ്രസിഡന്റ് ഇബ്രാഹിം അല് ജര്വാന് ബീച്ച് യാത്രക്കാര്ക്ക് മുന്നറിയിപ്പ് നല്കി. കൂടാതെ, ജൂലൈ പകുതി വരെ ‘ബരാ’ എന്ന് വിളിക്കപ്പെടുന്ന വരണ്ടതും പൊടി നിറഞ്ഞതുമായ വടക്കുപടിഞ്ഞാറന് കാറ്റിന്റെ തീവ്രത അദ്ദേഹം എടുത്തുകാണിച്ചു, തുടര്ന്ന് ചൂടുള്ളതും വരണ്ടതുമായ കാറ്റായ ‘സുമൂം’ ശക്തിപ്പെടും.
അല് ജര്വാന് പറയുന്നതനുസരിച്ച്, പച്ചപ്പ് ഉണക്കുന്നതിനൊപ്പം ഈത്തപ്പഴം, അത്തിപ്പഴം, മാങ്ങ എന്നിവ പാകമാകുന്ന സീസണാണിത്. കൂടാതെ, അറേബ്യന് ഗള്ഫില് മത്സ്യബന്ധന സീസണിന്റെ ആരംഭവും കൂടിയാണ്. ബാരാക്കുഡ, ഗ്രൂപ്പറുകള്, സ്രാവുകള് എന്നിവയുള്പ്പെടെ വിവിധ ജീവജാലങ്ങള് ഈ സമയത്ത് അധികമായി വളരും.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EANBHWLFffe92xCMznk7pv
Comments (0)