സ്വർണം വിറ്റഴിക്കേണ്ട; ഇനി നേരിട്ട് ചെലവാക്കാം — സൂപ്പർ മാസ്റ്റർകാർഡുമായി ‘ഓ ഗോൾഡ്’

പണത്തിന് പകരമായി സ്വർണം വിനിമയ ഉപാധിയായി ഉപയോഗിക്കാൻ സാധിക്കുന്ന പുതിയ ഓ ഗോൾഡ് മാസ്റ്റർകാർഡ് വിപണിയിൽ അവതരിപ്പിച്ചു. കുറഞ്ഞ അളവിൽ പോലും സ്വർണം സ്വന്തമാക്കാൻ കഴിയുന്ന ഓ ഗോൾഡ് ഡിജിറ്റൽ പ്ലാറ്റ്‌ഫോം ലൈഫ്‌സ്റ്റൈൽ സൂപ്പർ ആപ്പായി പുനഃലോഞ്ച് ചെയ്തതായി ഓ ഗോൾഡ് മാനേജ്മെന്റ് ദുബായിൽ അറിയിച്ചു. പുതിയ മാസ്റ്റർകാർഡ് സ്വന്തമാക്കുന്നതിലൂടെ, ഉപയോക്താക്കൾക്ക് കൈവശമുള്ള സ്വർണം വിറ്റഴിക്കാതെ തന്നെ പണത്തിന് തുല്യമായ രീതിയിൽ ഉപയോഗിക്കാനാകും. ഓ ഗോൾഡ് മാസ്റ്റർകാർഡ് ഉപയോഗിച്ച് സാധനങ്ങളും സേവനങ്ങളും നേരിട്ട് വാങ്ങാൻ സാധിക്കുമെന്നതാണ് പ്രത്യേകത. ഇത്തരം ഇടപാടുകൾ ലളിതവും സുരക്ഷിതവും നിലവിലുള്ള നിയമങ്ങൾ പൂർണമായും പാലിച്ചുള്ളതുമാണെന്ന് അധികൃതർ വ്യക്തമാക്കി.

മവാറിദ് ഫിനാൻസും മാസ്റ്റർകാർഡും ചേർന്നാണ് ഈ നൂതന സൗകര്യം നടപ്പാക്കിയത്. ഉപയോക്താക്കൾക്ക് ആകർഷകമായ നിരവധി ആനുകൂല്യങ്ങളും ഓഫറുകളും കാർഡിനൊപ്പം ഓ ഗോൾഡ് വാഗ്ദാനം ചെയ്യുന്നു. വിമാനത്താവളങ്ങളിലെ ലോഞ്ചുകളിലേക്കുള്ള സൗജന്യ പ്രവേശനം, ഹോട്ടൽ താമസത്തിൽ ഇളവുകൾ, പ്രമുഖ ബ്രാൻഡ് ഉൽപ്പന്നങ്ങളിലെ ഓഫറുകൾ, റസ്റ്ററന്റുകൾ, ഇ-കൊമേഴ്‌സ്, വിനോദ മേഖലകളിലെ പ്രത്യേക ഡിസ്‌കൗണ്ടുകൾ എന്നിവ ഇതിൽ ഉൾപ്പെടും. ഓ ഗോൾഡ് മാസ്റ്റർകാർഡ് ഉപയോഗിച്ച് 80,000-ത്തിലധികം ബ്രാൻഡ് ഉൽപ്പന്നങ്ങൾ വാങ്ങാനാകുമെന്നതും ശ്രദ്ധേയമാണ്. ഇവയുടെ വൗച്ചറുകളും ഗിഫ്റ്റ് കാർഡുകളും ആപ്പിലൂടെയുതന്നെ റിഡീം ചെയ്യാൻ സാധിക്കും. കൂടാതെ വിദേശയാത്ര ചെയ്യുന്നവർക്കാവശ്യമായ ഇ-സിം കാർഡുകൾ, റിവാർഡുകൾ, ലോയൽറ്റി പ്രോഗ്രാമുകൾ എന്നിവയും ആപ്പ് മുഖേന ലഭ്യമാക്കുമെന്ന് ഓ ഗോൾഡ് സ്ഥാപകൻ ബന്ദർ അൽ ഒത്ത്മാൻ അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

യുഎഇയിൽ ‘ജോലി മാറ്റ’ സീസൺ; പുതിയ അവസരങ്ങൾ തേടി പ്രവാസികൾ, പ്രൊഫഷണലുകൾക്കിടയിൽ വൻ മാറ്റത്തിന് സാധ്യത!

ദുബായ്: പുതുവർഷത്തിൽ യുഎഇയിലെ തൊഴിൽ വിപണി വലിയൊരു അഴിച്ചുപണിക്ക് സാക്ഷ്യം വഹിക്കാനൊരുങ്ങുന്നു. പ്രമുഖ പ്രൊഫഷണൽ നെറ്റ്‍വർക്കിംഗ് പ്ലാറ്റ്‌ഫോമായ ലിങ്ക്ഡ്ഇൻ (LinkedIn) നടത്തിയ ഏറ്റവും പുതിയ സർവേ പ്രകാരം, യുഎഇയിൽ ജോലി ചെയ്യുന്ന 72 ശതമാനം ആളുകളും ഈ വർഷം നിലവിലെ ജോലി മാറി പുതിയ അവസരങ്ങൾ കണ്ടെത്താൻ ആഗ്രഹിക്കുന്നവരാണ്. അതായത് ഓരോ പത്ത് ജീവനക്കാരിലും ഏഴ് പേരും പുതിയ മേച്ചിൽപ്പുറങ്ങൾ തേടുകയാണെന്ന് റിപ്പോർട്ട് വ്യക്തമാക്കുന്നു.

നിലവിലെ ജോലിയിൽ 74 ശതമാനം പേരും സന്തുഷ്ടരാണെന്ന് മുൻപ് റിപ്പോർട്ടുകൾ വന്നിരുന്നെങ്കിലും, പുതിയ തൊഴിലവസരങ്ങളുടെ ആധിക്യമാണ് ആളുകളെ ജോലി മാറാൻ പ്രേരിപ്പിക്കുന്നത്. പുതിയ മേഖലകളിലേക്ക് ചേക്കേറുന്നത് കൂടുതൽ വെല്ലുവിളികൾ ഉയർത്തുമെന്ന് ഭൂരിഭാഗം പേരും കരുതുന്നുണ്ടെങ്കിലും, മെച്ചപ്പെട്ട ജീവിതസാഹചര്യങ്ങളും യുഎഇയിലെ അനുകൂലമായ തൊഴിൽ സാഹചര്യങ്ങളും ഈ മാറ്റത്തിന് ധൈര്യം നൽകുന്നു.

ജീവനക്കാർ കൂട്ടത്തോടെ ജോലി മാറാൻ ശ്രമിക്കുമ്പോൾ, വൈദഗ്ധ്യമുള്ള പുതിയ ഉദ്യോഗാർത്ഥികളെ കണ്ടെത്താൻ ബുദ്ധിമുട്ടുകയാണ് യുഎഇയിലെ തൊഴിലുടമകൾ. കഴിഞ്ഞ അഞ്ച് വർഷത്തിനിടെ രണ്ട് ദശലക്ഷത്തോളം ആളുകൾ പുതുതായി യുഎഇയിലേക്ക് എത്തിയത് തൊഴിൽ വിപണിയിൽ വലിയ മത്സരം സൃഷ്ടിച്ചിട്ടുണ്ട്. പ്രത്യേകിച്ച് ഉയർന്ന വൈദഗ്ധ്യം ആവശ്യമായ തസ്തികകളിലേക്കാണ് ഇപ്പോൾ കൂടുതൽ പ്രാധാന്യം നൽകുന്നത്.

ആർട്ടിഫിഷ്യൽ ഇന്റലിജൻസ് (AI), ഡിജിറ്റൽ മാർക്കറ്റിംഗ്, ഡാറ്റ അനലിറ്റിക്‌സ് തുടങ്ങിയ നൂതന മേഖലകളിൽ വലിയ തോതിലുള്ള തൊഴിലവസരങ്ങളാണ് യുഎഇയിൽ വരാനിരിക്കുന്നത്. അതിനാൽ തന്നെ കൃത്യമായ തൊഴിൽ നൈപുണ്യമുള്ളവർക്ക് ജോലി കണ്ടെത്തുക എന്നത് എളുപ്പമാകുമെന്നാണ് വിദഗ്ധരുടെ വിലയിരുത്തൽ. ഡിജിറ്റൽ പ്ലാറ്റ്‌ഫോമുകൾ ഉപയോഗിച്ച് ശരിയായ തൊഴിൽ വേഗത്തിൽ കണ്ടെത്താനുള്ള സൗകര്യങ്ങളും ഇപ്പോൾ സജീവമാണ്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt