കീശകാലിയാകുമോ? യുഎഇയിൽ പുതിയ ഇന്ധനവില പ്രഖ്യാപിച്ചു

അബുദാബി: ഡിസംബർ മാസത്തേക്കുള്ള ഇന്ധന വില യുഎഇ പ്രഖ്യാപിച്ചു. കഴിഞ്ഞ മാസത്തെ നിരക്കുകളെ അപേക്ഷിച്ച് ഡിസംബറിൽ വില വർധിച്ചു. പുതിയ നിരക്കുകൾ ഡിസംബർ 1 മുതൽ പ്രാബല്യത്തിൽ വരും.

ഡിസംബറിലെ പുതുക്കിയ ഇന്ധനവില (ലിറ്ററിന്)

ഇന്ധനം	നവംബറിലെ വില (ദിർഹം)	ഡിസംബറിലെ വില (ദിർഹം)
സൂപ്പർ 98 പെട്രോൾ	2.63	2.70
സ്‌പെഷ്യൽ 95 പെട്രോൾ	2.51	2.58
ഇ-പ്ലസ് 91 പെട്രോൾ	2.44	2.44
ഡീസൽ	2.67	2.85

അന്താരാഷ്ട്ര വിപണിയിലെ വിലയുമായി പൊരുത്തപ്പെടുന്നതിനായി 2015-ലാണ് യുഎഇ പെട്രോൾ വില നിയന്ത്രണം എടുത്തു കളഞ്ഞത്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

നിക്ഷേപ ലക്ഷ്യവുമായി മുഖ്യമന്ത്രി ഇന്ന് യുഎഇയിലേക്ക്: ഭരണാധികാരികളുമായും പ്രമുഖരുമായും കൂടിക്കാഴ്ച

തിരുവനന്തപുരം: ഗൾഫ് രാജ്യങ്ങളിലെ തന്റെ സുപ്രധാന സന്ദർശന പരമ്പരയുടെ അവസാന ഘട്ടത്തിനായി മുഖ്യമന്ത്രി പിണറായി വിജയൻ ഇന്ന് യു.എ.ഇയിലേക്ക് തിരിക്കും. തിങ്കൾ, ചൊവ്വ ദിവസങ്ങളിലാണ് അദ്ദേഹം യു.എ.ഇയിൽ ഔദ്യോഗിക പരിപാടികളിൽ പങ്കെടുക്കുക. യു.എ.ഇയിലെ ഭരണാധികാരികൾ, പ്രമുഖ ബിസിനസ് നേതാക്കൾ, ഇന്ത്യൻ കോൺസൽ ജനറൽ എന്നിവരുമായി മുഖ്യമന്ത്രി കൂടിക്കാഴ്ച നടത്തും. കേരളത്തിലേക്ക് നിക്ഷേപം ആകർഷിക്കുന്നതിനും പ്രവാസികളുടെ വിഷയങ്ങൾ ചർച്ച ചെയ്യുന്നതിനും ഈ കൂടിക്കാഴ്ചകൾ നിർണായകമാകും. യു.എ.ഇ സന്ദർശനത്തോടെ മുഖ്യമന്ത്രിയുടെ അഞ്ച് ഗൾഫ് രാജ്യങ്ങളിലെ പര്യടനം പൂർത്തിയാകും. ചൊവ്വാഴ്ച അദ്ദേഹം തിരികെ കേരളത്തിലേക്ക് മടങ്ങും.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

ഗതാഗതക്കുരുക്ക് ഒഴിവാക്കാൻ കടുപ്പിച്ച് യുഎഇ; ഈ വാഹനങ്ങൾക്ക് വാരാന്ത്യത്തിൽ റോഡിൽ ‘നോ എൻട്രി’

അ​ബൂ​ദ​ബി: തിരക്ക് കുറയ്ക്കുന്നതിനും റോഡ് സുരക്ഷ മെച്ചപ്പെടുത്തുന്നതിനുമായി വാരാന്ത്യത്തിൽ വലിയ വാഹനങ്ങൾക്കും തൊഴിലാളികളെ കൊണ്ടുപോവുന്ന ബസുകൾക്കും അബൂദബി മൊബിലിറ്റി കർശന നിയന്ത്രണങ്ങൾ ഏർപ്പെടുത്തി. പ്രധാനമായും വാരാന്ത്യ അവധി ദിനങ്ങളിലാണ് ഈ നിയന്ത്രണങ്ങൾ പ്രാബല്യത്തിൽ വരിക.അബൂദബി, സഅദിയാത്ത് ഐലൻഡ്: ഡിസംബർ 1 ഉച്ചകഴിഞ്ഞ് 3 മണി മുതൽ ഡിസംബർ 2 രാത്രി 11.59 വരെ വലിയ വാഹനങ്ങൾക്കും ലേബർ ബസുകൾക്കും നിയന്ത്രണമേർപ്പെടുത്തിയിട്ടുണ്ട്. അബൂദബി-അൽ ഐൻ റോഡിൽ (E22)ഈ ദിവസങ്ങളിൽ (ഡിസംബർ 1 ഉച്ചകഴിഞ്ഞ് 3 മുതൽ ഡിസംബർ 2 രാത്രി 11.59 വരെ) ലേബർ ബസുകൾ റോഡിൽ പ്രവേശിക്കുന്നതിന് വിലക്കുണ്ട്. അൽ ഐൻ (ഹസ്സ ബിൻ സുൽത്താൻ സ്ട്രീറ്റിൽ ഡിസംബർ 2 ഉച്ച മുതൽ ഡിസംബർ 3 പുലർച്ചെ 1 മണി വരെയാണ് ഇവിടെ വലിയ വാഹനങ്ങൾക്ക് വിലക്ക് ഏർപ്പെടുത്തിയിരിക്കുന്നത്. മറ്റ് പ്രധാന റോഡുകൾ: ശൈഖ് മഖ്തൂം ബിൻ റാഷിദ് റോഡ് (E11), അൽ റാഹ ബീച്ച് റോഡ് (E10) എന്നിവിടങ്ങളിലും ഡിസംബർ 1 മുതൽ വലിയ വാഹനങ്ങൾക്ക് വിലക്കുണ്ട്. കൂടാതെ, മുസ്സഫയിലെ അൽ റൗദ റോഡിൽ തിരക്കേറിയ സമയങ്ങളിൽ ട്രക്കുകൾക്ക് പ്രവേശനം നിരോധിച്ചു. ഗതാഗത നിയമങ്ങൾ പാലിച്ച് യാത്രക്കാർ സഹകരിക്കണമെന്ന് അധികൃതർ അഭ്യർഥിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

സുരക്ഷ മുഖ്യം! യുഎഇ വിമാനക്കമ്പനികളുടെ 106എയർബസ് എ320 വിമാനങ്ങളിൽ അടിയന്തര പരിശോധന

അബുദാബി ∙ യുഎഇയിലെ വിമാനക്കമ്പനികളുടെ കൈവശമുള്ള മുഴുവൻ എയർബസ് എ320 വിമാനങ്ങളിലും സുരക്ഷാ പരിശോധനകളും അറ്റകുറ്റപ്പണികളും പുരോഗമിക്കുന്നതായി യുഎഇ ജനറൽ സിവിൽ ഏവിയേഷൻ അതോറിറ്റി (GCAA) അറിയിച്ചു. വിമാനങ്ങൾ പൂർണ്ണമായും സുരക്ഷിതമാണെന്നും യാത്രയ്ക്ക് യോഗ്യമാണെന്നും ഉറപ്പുവരുത്തുന്നതിന്റെ ഭാഗമായാണ് ഈ നടപടി. ആഗോള തലത്തിൽ ഏകദേശം 6,000-ത്തിലധികം ജെറ്റുകളിൽ അടിയന്തര അറ്റകുറ്റപ്പണികൾ നടത്തണമെന്ന് വിമാന നിർമ്മാതാക്കളായ എയർബസ് നിർദ്ദേശം നൽകിയതിനെ തുടർന്നാണ് യുഎഇ അധികൃതർ പരിശോധനകൾ കർശനമാക്കിയത്. ഇത്തിഹാദ് എയർവേയ്‌സ്, എയർ അറേബ്യ എന്നീ വിമാനക്കമ്പനികളുടെ കൈവശമുള്ള, മൊത്തം 106 എയർബസ് എ320 വിമാനങ്ങളിലാണ് നിലവിൽ സുരക്ഷാ പരിശോധനകളും അറ്റകുറ്റപ്പണികളും നടന്നുവരുന്നത്. പ്രവാസികൾ ഉൾപ്പെടെയുള്ള യാത്രക്കാരുടെ സുരക്ഷ ഉറപ്പാക്കാനുള്ള യുഎഇയുടെ പ്രതിബദ്ധതയാണ് ഈ അടിയന്തര നടപടിയിലൂടെ വ്യക്തമാകുന്നത്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

നൊമ്പരമായി ഫസ; പ്രവാസി മലയാളി ബാലൻ യുഎഇയിൽ മരിച്ചു

ദുബായ് ∙ പ്രവാസലോകത്തെ കണ്ണീരിലാഴ്ത്തി കാസർകോട് സ്വദേശിയായ ആറു വയസ്സുകാരൻ ദുബായിൽ മരിച്ചു. കാസർകോട് ചൗക്കി സ്വദേശി കലന്തർ ഷംസീറിന്റെ മകൻ ഫസ സുൽത്താൻ ആണ് ചികിത്സയിലിരിക്കെ മരണപ്പെട്ടത്. അസുഖം മൂലം ദുബായ് ഖിസൈസിലുള്ള ആസ്റ്റർ ഹോസ്പിറ്റലിൽ ചികിത്സയിലായിരുന്ന ഫസ സുൽത്താന്റെ ആകസ്മിക വിയോഗം മലയാളി സമൂഹത്തെ ദുഃഖത്തിലാഴ്ത്തി. ആറു വയസ്സുകാരന്റെ നിര്യാണത്തിൽ ദുബായ് കെഎംസിസി കാസർകോട് മണ്ഡലം കമ്മിറ്റി അഗാധമായ അനുശോചനം രേഖപ്പെടുത്തി. മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ പുരോഗമിച്ചുവരികയാണ്.ജോലിതേടി യുഎഇയിൽ എത്തി ദിവസങ്ങൾക്കകം മരണം തട്ടിയെടുത്തു; നൊമ്പരമായി പ്രവാസി മലയാളി

ഷാ​ർ​ജ: തൊഴിൽ തേടി ഷാ​ർ​ജ​യി​ലെ​ത്തി ദിവസങ്ങൾക്കുള്ളിൽ മലപ്പുറം സ്വദേശി ചി​കി​ത്സ​ക്കി​ടെ ​നി​ര്യാ​ത​നാ​യി. തെ​ന്ന​ല കു​റ്റി​പ്പാ​ല സ്വ​ദേ​ശി​യാ​യ പ​റ​മ്പി​ൽ ശ​റ​ഫു​ദ്ദീ​നാ​ണ് (42) ശ​നി​യാ​ഴ്ച രാ​വി​ലെ മ​രി​ച്ച​ത്. ന​വം​ബ​ർ മൂ​ന്നി​ന് നാ​ട്ടി​ൽ നി​ന്ന് തൊ​ഴി​ൽ വി​സ​യി​ൽ ഷാ​ർ​ജ​യി​ലെ​ത്തി​യ ഷ​റ​ഫു​ദ്ദീ​നെ ദേ​ഹാ​സ്വാ​സ്ഥ്യ​ത്തെ തു​ട​ർ​ന്ന് ന​വം​ബ​ർ 12ന് ​ഷാ​ർ​ജ​യി​ലെ ബു​ർ​ജി​ൽ ഹോ​സ്പി​റ്റ​ലി​ൽ പ്ര​വേ​ശി​പ്പി​ച്ചി​രു​ന്നു. ഹൃ​ദ​യ​ത്തി​ൽ ബ്ലോ​ക്ക് ക​ണ്ടെ​ത്തി​യ​തി​നെ തു​ട​ർ​ന്ന് തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​യി​രു​ന്നു.ഹാ​ർ​ട്ട് ബ്ലോ​ക്കി​നു​ള്ള ശ​സ്ത്ര​ക്രി​യ​ക്ക് വി​ധേ​യ​നാ​ക്കിയ ശേഷം അ​സു​ഖം ഭേ​ദ​മാ​യി വരുന്നു എന്ന പ്ര​തീ​ക്ഷ​ക്കി​ട​യി​ലാ​ണ് മരണം സംഭവിച്ചത്.

പ​രേ​ത​രാ​യ പ​റ​മ്പി​ൽ കു​ഞ്ഞി​മു​ഹ​മ്മ​ദ് – സു​ലൈ​ഖ ദ​മ്പ​തി​ക​ളു​ടെ മ​ക​നാ​ണ് ഷ​റ​ഫു​ദ്ദീ​ൻ. ഭാ​ര്യ: മു​ഹ്സി​ന. മ​ക്ക​ൾ: മു​ഹ​മ്മ​ദ് നാ​ഫി​ഹ്, മു​ഹ​മ്മ​ദ് നാ​യി​ഫ്, മു​ഹ​മ്മ​ദ് ന​ജ്‌​വാ​ൻ, ഫാ​ത്തി​മ നാ​ഫി​ഹ. സ​ഹോ​ദ​ര​ങ്ങ​ൾ: ഉ​മ്മ​ർ, മു​ഹ​മ്മ​ദ് റാ​ഫി, നൗ​ഷാ​ദ്, ഹാ​ജ​റ, ആ​മി​ന പ​രേ​ത​യാ​യ സു​ലൈ​ഖ. ന​ട​പ​ടി​ക​ൾ പൂ​ർ​ത്തി​യാ​ക്കി മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​കാ​നു​ള്ള ശ്ര​മ​ത്തി​ലാ​ണെ​ന്ന് ബ​ന്ധു​ക്ക​ൾ അ​റി​യി​ച്ചു. യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt