Indian Embassy Advisory; നിലവിലെ സാഹചര്യങ്ങളുടെ പശ്ചാത്തലത്തിൽ സൗദി അറേബ്യയിലുള്ള ഇന്ത്യൻ പൗരന്മാർ അതീവ ജാഗ്രത പാലിക്കണമെന്ന് റിയാദിലെ ഇന്ത്യൻ എംബസി നിർദേശം നൽകി. അത്യാവശ്യ ഘട്ടങ്ങളിൽ വീടുകൾക്കുള്ളിൽ തന്നെ കഴിയാൻ ശ്രദ്ധിക്കണമെന്നും, പ്രാദേശിക ഭരണകൂടവും അധികൃതരും ഔദ്യോഗികമായി നൽകുന്ന സുരക്ഷാ മാനദണ്ഡങ്ങൾ കർശനമായി പാലിക്കണമെന്നും എംബസി പുറത്തിറക്കിയ ജാഗ്രതാക്കുറിപ്പിൽ വ്യക്തമാക്കുന്നു. നിലവിലെ സംഭവങ്ങളുമായി ബന്ധപ്പെട്ട വീഡിയോകളോ സ്ഥിരീകരിക്കാത്ത വാർത്തകളോ സമൂഹമാധ്യമങ്ങൾ വഴി പ്രചരിപ്പിക്കുകയോ ഫോർവേഡ് ചെയ്യുകയോ അരുതെന്നും പൗരന്മാർക്ക് കർശന മുന്നറിയിപ്പുണ്ട്. അതേസമയം, റിയാദിലെ ഇന്ത്യൻ എംബസിയുടെയും ജിദ്ദ കോൺസുലേറ്റിന്റെയും പ്രവർത്തനങ്ങളും വിഎഫ്എസ് (VFS) വഴിയുള്ള കോൺസുലാർ സേവനങ്ങളും തടസ്സമില്ലാതെ സാധാരണ നിലയിൽ തുടരുന്നുണ്ട്. വരും ദിവസങ്ങളിലെ സ്ഥിതിഗതികൾ വിലയിരുത്തി ആവശ്യാനുസരണം കൂടുതൽ വിവരങ്ങളും നിർദേശങ്ങളും പങ്കുവെക്കുമെന്നും എംബസി അറിയിച്ചു.
24 മണിക്കൂർ ഹെൽപ്പ്‌ലൈൻ
സഹായങ്ങൾക്കും വിവരങ്ങൾക്കുമായി പ്രവാസി ഭാരതീയ സഹായതാ കേന്ദ്രത്തിന്റെ (PBSK) ടോൾഫ്രീ നമ്പർ: 8002471234 (24 മണിക്കൂറും ലഭ്യമാണ്).
ഔദ്യോഗിക വിവരങ്ങൾക്ക് എംബസിയുടെ സമൂഹമാധ്യമ അക്കൗണ്ടുകൾ ശ്രദ്ധിക്കുക
X (ട്വിറ്റർ): @IndianEmbRiyadh
ഫേസ്ബുക്ക്: India in Saudi Arabia
ഇൻസ്റ്റഗ്രാം: indianembriyadh
ലിങ്ക്ഡ്ഇൻ: Embassy of India in Riyadh
