വാഹനാപകടത്തിൽ കാലുകൾ നഷ്ടപ്പെട്ടു; 20 ലക്ഷം ദിർഹം നഷ്ടപരിഹാരം ആവശ്യപ്പെട്ടു, യുഎഇയിൽ യുവാവിന് അനുവദിച്ചത് ഇത്രമാത്രം

അബുദാബി: വാഹനാപകടത്തിൽ ഗുരുതരമായി പരിക്കേറ്റ 31-കാരന് 20 ലക്ഷം ദിർഹത്തിന് മുകളിൽ നഷ്ടപരിഹാരം നൽകണമെന്ന ആവശ്യം അബുദാബി കോടതി തള്ളി. പകരം 2,50,000 ദിർഹം നഷ്ടപരിഹാരമായി അനുവദിച്ചു.

2024 ഏപ്രിൽ 9-ന് അമിത വേഗതയിലുണ്ടായ വാഹനാപകടത്തിലാണ് ഇദ്ദേഹത്തിന്റെ വലതുകാൽ മുറിച്ചുമാറ്റേണ്ടി വന്നത്. കൂടാതെ ഒന്നിലധികം ഒടിവുകളും ശസ്ത്രക്രിയകളും മാനസികാഘാതവും സംഭവിച്ചു. അപകടത്തിന് കാരണമായ ഡ്രൈവർക്ക് 2,000 ദിർഹം പിഴ ചുമത്തിയിരുന്നു.

ശാരീരികവും മാനസികവുമായ നഷ്ടങ്ങൾക്ക് ന്യായമായ നഷ്ടപരിഹാരം ആവശ്യപ്പെട്ട് ഇരയായ യുവാവ് കാർ ഇൻഷുറൻസ് കമ്പനിക്കെതിരെ പരാതി നൽകി. മെഡിക്കൽ ചെലവുകൾ, വക്കീൽ ഫീസ്, 12% പലിശ എന്നിവയും പരാതിയിൽ ആവശ്യപ്പെട്ടു.

എന്നാൽ, ഇൻഷുറൻസ് തർക്കപരിഹാര സമിതി അദ്ദേഹത്തിന് 1,80,000 ദിർഹം നഷ്ടപരിഹാരവും 5% പലിശയും 3,929 ദിർഹം കോടതിച്ചെലവും 840 ദിർഹം വിവർത്തന ഫീസും മാത്രമാണ് ലഭിക്കാൻ അർഹതയുള്ളതെന്ന് വിധിച്ചു.

ഈ വിധിക്കെതിരെ യുവാവ് അപ്പീൽ നൽകിയപ്പോൾ അപ്പീൽ കോടതി നഷ്ടപരിഹാരം 2,50,000 ദിർഹമായി വർദ്ധിപ്പിച്ചു. എന്നാൽ ഇത് വളരെ കുറഞ്ഞ തുകയാണെന്ന് കണ്ട് ഇദ്ദേഹം കാസേഷൻ കോടതിയെ സമീപിച്ചു. വലതുകാലിന് സംഭവിച്ചതിനേക്കാൾ മറ്റ് പരിക്കുകളും തകരാറുകളും മുൻ കോടതി പരിഗണിച്ചില്ലെന്ന് അദ്ദേഹം വാദിച്ചു.

കൂടാതെ, രൂപമാറ്റം, വേദന, മാനസിക ദുരിതങ്ങൾ എന്നിവയ്ക്കും നഷ്ടപരിഹാരം ലഭിച്ചില്ലെന്നും, മെഡിക്കൽ ചെലവുകൾ, കൃത്രിമ അവയവങ്ങൾ, ഫിസിയോതെറാപ്പി എന്നിവയ്ക്കുള്ള ചെലവുകൾ ഇതിൽ ഉൾപ്പെടുത്തിയിട്ടില്ലെന്നും അദ്ദേഹം ചൂണ്ടിക്കാട്ടി. ഒരു മില്യൺ ദിർഹവും 12% പലിശയുമാണ് തനിക്ക് ലഭിക്കേണ്ട ന്യായമായ നഷ്ടപരിഹാരമെന്നും അദ്ദേഹം അവകാശപ്പെട്ടു.

എന്നിരുന്നാലും, തെളിവുകളും വസ്തുതകളും നഷ്ടപരിഹാര തുകയും വിലയിരുത്താനുള്ള അധികാരം ഫസ്റ്റ് ഇൻസ്റ്റൻസ് കോടതിക്കാണെന്ന് (അപ്പീൽ കോടതി) കാസേഷൻ കോടതി വ്യക്തമാക്കി. അപ്പീൽ കോടതിയുടെ വിധിയിൽ മെഡിക്കൽ റിപ്പോർട്ടുകളെ ആശ്രയിച്ചാണ് നഷ്ടപരിഹാര തുക നിശ്ചയിച്ചതെന്നും കോടതി ചൂണ്ടിക്കാട്ടി. ഈ 2,50,000 ദിർഹം നഷ്ടപരിഹാരത്തിൽ ‘അർഷ്’ (ഒരു ശരീരഭാഗത്തിൻ്റെ ഉപയോഗം നഷ്ടപ്പെട്ടതിനുള്ള ഇസ്ലാമിക നിയമപരമായ നഷ്ടപരിഹാരം), കൂടാതെ മാനസികവും ശാരീരികവുമായ വേദനയ്ക്കുള്ള നഷ്ടപരിഹാരം എന്നിവയെല്ലാം ഉൾപ്പെടുന്നുണ്ടെന്നും കോടതി അറിയിച്ചു.

ഒടുവിൽ, കോടതി അപ്പീൽ തള്ളുകയും യുവാവിനോട് ഇൻഷുറൻസ് കമ്പനിക്ക് 1,000 ദിർഹം വക്കീൽ ഫീസ് നൽകാൻ ഉത്തരവിടുകയും ചെയ്തു. അപ്പീൽ ഫയൽ ചെയ്യുമ്പോൾ കെട്ടിവെച്ച തുകയും കണ്ടുകെട്ടി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിൽ വൻ തീപിടിത്തം; ബഹുനില കെട്ടിടത്തിൽ തീ പടർന്നു

ദുബായ്: ദുബായ് അൽ ബർഷയിലെ ഒരു ഉയരം കൂടിയ കെട്ടിടത്തിൽ വൻ തീപിടിത്തം. മാൾ ഓഫ് ദി എമിറേറ്റ്സിൻ്റെ പാർക്കിംഗ് സ്ഥലത്തിന് ഏതാനും മീറ്റർ അകലെയുള്ള കെട്ടിടത്തിലാണ് ചൊവ്വാഴ്ച ഉച്ചയ്ക്ക് 2 മണിയോടെ തീ പടർന്നത്. കഴിഞ്ഞ ഡിസംബർ 30-ന് തീപിടിത്തമുണ്ടായ കെട്ടിടത്തിന് തൊട്ടടുത്തുള്ള കെട്ടിടത്തിലാണ് ഇത്തവണ അപകടമുണ്ടായത്. ആളപായമൊന്നും റിപ്പോർട്ട് ചെയ്തിട്ടില്ല.

“ഞാൻ ഉച്ചഭക്ഷണം കഴിക്കുകയായിരുന്നു, അപ്പോഴാണ് നിരവധി ഫയർ ട്രക്കുകൾ വരുന്ന ശബ്ദം കേട്ടത്. പുറത്തേക്ക് പോയി നോക്കിയപ്പോൾ കെട്ടിടത്തിൻ്റെ മുകളിലത്തെ നിലകൾക്ക് തീ പിടിച്ചിരിക്കുന്നത് കണ്ടു,” അൽ ബർഷ 1-ൽ താമസിക്കുന്ന ഫിലിപ്പീൻ സ്വദേശിനിയായ മിറ പറഞ്ഞു.

പ്രതീക്ഷയോടെ യുഎഇയിലെത്തി, മൂന്നാം ദിവസം പ്രവാസി യുവാവിന് ദാരുണാന്ത്യം; ജോലിക്ക് കയറിയ ആദ്യദിവസം തന്നെ വിധി തട്ടിയെടുത്തു

ദുബായ്: മെച്ചപ്പെട്ട ജീവിതം സ്വപ്നം കണ്ട് യുഎഇയിൽ എത്തിയ ഈജിപ്ഷ്യൻ യുവാവ് അഹമ്മദ് ആദെൽ (31) വിമാനമിറങ്ങി മൂന്നാം ദിവസം ഹൃദയാഘാതം മൂലം മരണമടഞ്ഞു. കുടുംബത്തിന് തണലാകാൻ നടത്തിയ യാത്രയുടെ ലക്ഷ്യം പൂർത്തിയാക്കാൻ കഴിയാതെയാണ് അദ്ദേഹത്തിൻ്റെ മടക്കം.

സാമ്പത്തികമായി ഏറെ ബുദ്ധിമുട്ടിലായിരുന്ന അലക്സാണ്ട്രിയ സ്വദേശിയായ അഹമ്മദ്, തൻ്റെ ചെറിയ പലചരക്ക് കട നഷ്ടപ്പെട്ടതിനെ തുടർന്നാണ് പുതിയൊരു ജീവിതം തേടി യുഎഇയിലേക്ക് വന്നത്. ഭാര്യക്കും നാല് വയസ്സും 18 മാസവും പ്രായമുള്ള രണ്ട് മക്കൾക്കും വേണ്ടി എന്തെങ്കിലും ചെയ്യണമെന്ന് ആഗ്രഹിച്ചാണ് അദ്ദേഹം നിർമ്മാണ ജോലിക്ക് ചേർന്നത്.

എന്നാൽ, ജോലിക്ക് കയറിയ ആദ്യ ദിവസം തന്നെ അഹമ്മദ് കുഴഞ്ഞുവീഴുകയായിരുന്നു. ഹൃദയാഘാതമാണ് മരണകാരണമെന്ന് പിന്നീട് സ്ഥിരീകരിച്ചു. “ഒരു ദിവസം മാത്രമാണ് അവൻ ജോലി ചെയ്തത്, ജോലിയിൽ ഉറച്ചുനിൽക്കാൻ പോലും അവന് സമയം ലഭിച്ചില്ല,” ബന്ധുവായ ഇബ്രാഹിം മഹ്‌റൂസ് വേദനയോടെ പറഞ്ഞു.

അഹമ്മദിന്റെ മരണം കുടുംബത്തെയാകെ തളർത്തിക്കളഞ്ഞു. മരിക്കുന്നതിന് മണിക്കൂറുകൾക്ക് മുൻപ് ഭാര്യയുമായി സംസാരിച്ചപ്പോൾ ജോലിയിലെ സമ്മർദ്ദത്തെക്കുറിച്ച് അഹമ്മദ് സൂചിപ്പിച്ചിരുന്നു. “ഞാൻ വളരെ ക്ഷീണിതനാണ്, മറ്റൊരു ജോലി കണ്ടെത്താൻ ആഗ്രഹിക്കുന്നു,” എന്ന് അദ്ദേഹം ഭാര്യയോട് പറഞ്ഞതായി മഹ്‌റൂസ് ഓർത്തെടുത്തു.

അഹമ്മദിന്റെ മൃതദേഹം നാട്ടിലെത്തിക്കാൻ 11 ദിവസമെടുത്തു. ഈജിപ്ഷ്യൻ ഇൻഫ്ലുവൻസറായ ഹുസൈൻ അൽ ഗോഹാരിയുടെ ഇടപെടലുകളാണ് ഈ നടപടികൾ വേഗത്തിലാക്കിയത്. മുൻപ് ബോഡിബിൽഡിങ് ചാമ്പ്യനായിരുന്ന അഹമ്മദിന് മറ്റ് ആരോഗ്യപ്രശ്നങ്ങളോ ദുശ്ശീലങ്ങളോ ഉണ്ടായിരുന്നില്ലെന്ന് ബന്ധുക്കൾ വ്യക്തമാക്കി. അദ്ദേഹത്തിൻ്റെ മൃതദേഹം അലക്സാണ്ട്രിയയിലെ കുടുംബ കല്ലറയിൽ സംസ്കരിച്ചു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

പ്രായം വെറും സംഖ്യ മാത്രം, യുഎഇയിൽ 13,000 അടി ഉയരത്തിൽ നിന്നും സ്‌കൈഡെവിംഗ് ചെയ്ത് മലയാളിയായ 71 കാരി

ദുബായിൽ 13,000 അടി ഉയരത്തിൽ നിന്നും സ്‌കൈഡൈവിംഗ് ചെയ്ത് മലയാളിയായ 71 കാരി. ഇടുക്കി ജില്ലയിലെ കൊന്നത്താടിക്കാരിയായ ലീല ജോസാണ് പ്രായം ഒരാഗ്രഹത്തിനും തടസമല്ലെന്ന് തെളിയിച്ചത്. ലീല സ്‌കൈഡൈവ് ചെയ്യുന്ന വീഡിയോ ദൃശ്യങ്ങൾ സാമൂഹ്യ മാദ്ധ്യമങ്ങളിൽ വൈറലായി മാറിയിരിക്കുകയാണ്. മകനെ കാണാനായി ദുബായിൽ പോയപ്പോഴാണ് ലീല ജോസ് 13,000 അടി ഉയരത്തിൽ നിന്നും സ്‌കൈഡൈവിംഗ് നടത്തിയത്. തന്റെ ആഗ്രഹം പറഞ്ഞപ്പോൾ ആദ്യം ആരും അത് കാര്യമായെടുത്തില്ലെന്നും എന്നാൽ ആ ആഗ്രഹം സാധിച്ചപ്പോൾ എല്ലാവരും അത്ഭുതപ്പെട്ടെന്നും ലീലാ ജോസഫ് പറയുന്നു.

കേരളത്തിൽ നിന്ന് സ്‌കൈ ഡൈവിംഗിനായി ഔദ്യോഗികമായി രജിസ്റ്റർ ചെയ്ത ഏറ്റവും പ്രായം കൂടിയ വ്യക്തി എന്ന നേട്ടവും ലീല ജോസഫ് സ്വന്തമാക്കി. സുഹൃത്തുക്കൾ തമ്മിലുള്ള ഒരു സാധാരണ സംഭാഷണത്തിനിടെയാണ് താൻ തന്റെ ആഗ്രഹം വെളിപ്പെടുത്തിയത്. തന്റെ ആഗ്രഹം ആദ്യം പറഞ്ഞപ്പോൾ ആരും അത് കാര്യമായി എടുത്തില്ല. പ്രായത്തിന്റെ കാര്യം പറഞ്ഞ് പലരും തന്നെ നിരുത്സാഹപ്പെടുത്തി. പക്ഷേ, സ്‌കൈഡൈവിംഗ് ചെയ്യണമെന്ന് താൻ ആത്മാർത്ഥമായി ആഗ്രഹിച്ചു. കഴിഞ്ഞ മാസം മകനെ കാണാനായി ദുബായിലേക്ക് പോയപ്പോൾ, മകൻ അവിടെ തനിക്കായി ഡൈവിംഗ് സ്ലോട്ട് ബുക്ക് ചെയ്തിട്ടുണ്ടെന്ന് അറിഞ്ഞത്. അക്ഷരാർത്ഥത്തിൽ ലീല ഞെട്ടിപ്പോയി. സ്‌കൈഡൈവിംഗിനായി അവിടെ എത്തിയപ്പോൾ ടീം സ്തബ്ധരായി. കാരണം വന്നിരിക്കുന്നത് 71 വയസുള്ള ഒരു സ്ത്രീയാണെന്നത് അവരെ ഞെട്ടിപ്പിച്ചു കളഞ്ഞു. എന്നാൽ, 13,000 അടി മുകളിൽ നിന്നും ലീല സ്‌കൈഡൈവിംഗ് നടത്തി. മേഘങ്ങൾക്കിടയിലൂടെ താഴേക്ക് ഊർന്നിറങ്ങി 6,000 അടിയെത്തിയപ്പോൾ പാരച്യൂട്ട് തുറന്നു. പിന്നാലെ കാറ്റിൽ തട്ടി പതുക്കെ താഴെ ഭൂമിയിലേക്ക് അവർ പറന്ന് ഇറങ്ങി. അങ്ങനെ ചരിത്രത്തിലേക്ക് തന്നെ ലീല പറന്നിറങ്ങി. ഇനിയും കൂടുതൽ ഉയരത്തിൽ നിന്നും ചാടണമെന്നും ഗിന്നസ് റെക്കോർഡ് നേടണമെന്ന് ആഗ്രഹമുണ്ടെന്നും ഇനിയും മോഹങ്ങളേറെയുണ്ടെന്നും ലീല പറയുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t