Pravasiinfo

ദീർഘദൂര വിമാനയാത്രക്കാർക്ക് പലപ്പോഴും ദുബായിലോ അബുദാബിയിലോ സ്റ്റോപ്പ്ഓവർ ലഭിക്കുക പതിവാണ്. യുഎഇയിലെ പ്രമുഖ സ്ഥലങ്ങൾ ല​ഗേജ് ഭാരമില്ലാതെ ആസ്വദിക്കാൻ എയർപോർട്ടുകളിൽ യാത്രക്കാർക്ക് സൗകര്യമൊരുക്കിയിട്ടുണ്ട്. ഡൗൺടൗൺ ദുബായിലെ ബുർജ് ഖലീഫയിലോ ലൂവ്രെ അബുദാബിയിലോ എവിടേക്കുള്ള യാത്രയിലും യാത്രക്കാർ ബാ​ഗും തൂക്കി നടക്കേണ്ടതില്ല. എയർപോർട്ടുകളിലെ പ്രത്യേക സ്ഥലങ്ങളിൽ ഫീസ് നൽകി ബാ​ഗുകൾ സൂക്ഷിക്കാൻ ഏൽപ്പിക്കാവുന്നതാണ്.

ദുബായ് ഇൻ്റർനാഷണൽ എയർപോർട്ടിൻ്റെ (DXB) ടെർമിനലുകൾ 1, 3 എന്നിവയിൽ ഹ്രസ്വകാല ബാഗേജ് സംഭരണം ഇരുപത്തിനാല് മണിക്കൂറും ലഭ്യമാണ്. ടെർമിനൽ 1-ൽ ഉള്ളവർക്ക് അവരുടെ ലഗേജുകൾ ബൂട്ട്സ് ഫാർമസിക്കും എത്തിസലാത്തിനും സമീപമുള്ള അറൈവൽ സെക്ഷനിലെ Dnata Baggage Services-ൽ നൽകാം. സ്റ്റാൻഡേർഡ് സൈസ് ലഗേജിന് 12 മണിക്കൂർ നേരത്തേക്ക് 40 ദിർഹവും വലുതും വിലപിടിപ്പുള്ള ബാഗേജുകൾക്ക് 12 മണിക്കൂർ നേരത്തേക്ക് 50 ദിർഹവും നൽകണം. ടെർമിനൽ 3-ൽ ഉള്ളവർക്ക് ബൂട്ട്സ് ഫാർമസിക്ക് പുറകിലുള്ള എക്സിറ്റ് 1-ന് സമീപമുള്ള ‘എമിറേറ്റ്സ് ലെഫ്റ്റ് ലഗേജ്’ ഏരിയയിൽ ല​ഗേജുകൾ നൽകാം. സാധാരണ വലുപ്പത്തിലുള്ള ലഗേജിന് 12 മണിക്കൂറിനന് 35 ദിർഹവും വലുതും വിലപിടിപ്പുള്ള ബാഗേജുകൾക്ക് 12 മണിക്കൂർ നേരത്തേക്ക് 40 ദിർഹവുമാണ് ഈടാക്കുക.

അബുദാബിയിലെത്തുന്ന ട്രാൻസിറ്റ് യാത്രക്കാർക്ക് സായിദ് ഇൻ്റർനാഷണൽ എയർപോർട്ടിലെ സ്റ്റോറേജ് സൗകര്യം സന്ദർശിക്കാം. ഇത്തിസലാത്തിന് കുറുകെയും ലോസ്റ്റ് ആൻഡ് ഫൗണ്ട് സെൻ്ററിന് സമീപമുള്ള ലെവൽ 0 എന്ന അറൈവൽ വിഭാഗത്തിൽ ഈ സേവനം ലഭ്യമാണ്. ഫീസ് ഇപ്രകാരമാണ്,
3 മണിക്കൂർ വരെ 35 ദിർഹം
24 മണിക്കൂർ വരെ 70 ദിർഹം
48 മണിക്കൂർ വരെ 105 ദിർഹം
72 മണിക്കൂർ വരെ 140 ദിർഹം
72 മണിക്കൂറിന് ശേഷം, ഒരു യാത്രക്കാരന് പ്രതിദിനം 35 ദിർഹം അധിക ഫീസ് ഈടാക്കുമെന്ന് ശ്രദ്ധിക്കുക.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DvVM3Xxcs2LDVtv1LaJl9o

ടൈപ്പ് ചെയ്യാൻ ബുദ്ധിമുട്ടുന്നവരാണോ നിങ്ങൾ? എന്നാൽ നമ്മൾ പറയുന്നവ ഏതൊരു ഭാഷയിലും ടൈപ്പ് ചെയ്ത് തരുന്ന ഈ ആപ്പ് ഡൗൺലോഡ് ചെയ്യൂ

മൂല്യം അറിഞ്ഞ് നാട്ടിലേക്ക് പണം അയയ്ക്കാം; ഇന്നത്തെ യുഎഇ ദിർഹം – രൂപ വിനിമയ നിരക്ക് ഇപ്രകാരം‌

വ‍ർഷങ്ങളായി ഭാ​ഗ്യപരീക്ഷണം, ഒടുവിൽ അടിച്ചത് 22 കോടി; ബി​ഗ് ടിക്കറ്റിലൂടെ ഭാ​ഗ്യം തേടിയെത്തിയത് ഇന്ത്യൻ പ്രവാസിയെ