Pravasiinfo

ദുബായ്> ദുബായില്‍ നിന്ന് തിരുവനന്തപുരത്തേയ്ക്കുള്ള എയര്‍ ഇന്ത്യ എക്സ്പ്രസ്സ് വിമാനം അനിശ്ചിതമായി വൈകുന്നു.ശനിയാഴ്ച രാത്രി യുഎഇ സമയം 8.45-ന് പുറപ്പെടേണ്ട വിമാനം ഇതുവരെ പുറപ്പെട്ടിട്ടില്ല. ഐ എക്സ് 544 എന്ന വിമാനമാണ് വൈകുന്നത്.സ്ത്രീകളും കുട്ടികളും അടക്കം നിരവധി പേരാണ് ഇതോടെ ദുരിതത്തിലായത്. 160-ഓളം യാത്രക്കാര്‍ ശനിയാഴ്ച വൈകുന്നേരം ആറ് മണിമുതല്‍ പലയിടങ്ങളിലായി അനിശ്ചിതത്വത്തില്‍ കഴിയുകയാണ്. യാത്രക്കാരില്‍ അമ്പതോളം സ്ത്രീകളും ഇരുപതോളം കുട്ടികളും ഉള്‍പ്പെടുന്നു. രണ്ട് ഹോട്ടലുകളിലായാണ് യാത്രക്കാരെ താമസിപ്പിച്ചിരിക്കുന്നത്.ഞായറാഴ്ച വിവാഹ നിശ്ചയം നടക്കേണ്ട യുവാവും പിതാവിന്റെ മരണാനന്തര ചടങ്ങില്‍ പങ്കെടുക്കേണ്ടയാളും യാത്രക്കാരുടെ കൂട്ടത്തിലുണ്ട്