അബുദാബി: സ്വപ്നങ്ങളുമായി പ്രവാസലോകത്തെത്തുന്ന ഏതൊരു സാധാരണക്കാരന്റെയും ജീവിതം മാറിമറിയാൻ നിമിഷങ്ങൾ മതിയെന്ന് തെളിയിച്ചിരിക്കുകയാണ് ഫിലിപ്പിനോ പ്രവാസിയായ അന്ന ലീ ഗയോംഗൻ. പുതുവർഷം പിറന്ന് മൂന്നാം ദിവസം നടന്ന ബിഗ് ടിക്കറ്റ് നറുക്കെടുപ്പിലൂടെ 30 മില്യൺ ദിർഹം (ഏകദേശം 68 കോടിയിലധികം ഇന്ത്യൻ രൂപ) സ്വന്തമാക്കിയ അന്നയ്ക്ക് പക്ഷേ ഈ വിജയം കേവലം ഒരു ഭാഗ്യമല്ല, തന്റെയും കുടുംബത്തിന്റെയും കഷ്ടപ്പാടുകൾക്കുള്ള ദൈവത്തിന്റെ ഉത്തരമാണ്.
ദാരിദ്ര്യം നിറഞ്ഞ കുട്ടിക്കാലത്തെക്കുറിച്ച് ബിഗ് ടിക്കറ്റ് പ്രതിനിധികളോട് സംസാരിക്കവെ അന്നയ്ക്ക് കണ്ണുനീർ അടക്കാനായില്ല. ആറ് സഹോദരങ്ങളുള്ള കുടുംബത്തിൽ നിന്ന് ആദ്യമായി ബിരുദം നേടിയത് അന്നയായിരുന്നു. ഒരു അക്കൗണ്ടന്റ് ആയി കരിയർ കെട്ടിപ്പടുക്കാൻ ബോർഡ് പരീക്ഷ എഴുതണം എന്നാഗ്രഹിച്ചപ്പോൾ, അതിനുള്ള പണം പോലും നൽകാൻ അമ്മയുടെ കൈവശം ഉണ്ടായിരുന്നില്ല. തെരുവോരങ്ങളിൽ പഴങ്ങളും മീനും വിറ്റ് കുടുംബം പോറ്റാൻ കഷ്ടപ്പെട്ടിരുന്ന തന്റെ അമ്മയെക്കുറിച്ച് വിതുമ്പലോടെയാണ് അന്ന ഓർത്തെടുത്തത്. സ്വന്തമായി ഒരു വീട് പോലുമില്ലാതെ വാടകവീടുകളിലായിരുന്നു അവരുടെ ജീവിതം.
തന്റെ കുടുംബത്തിന്റെ ഏക അത്താണിയായ ഈ യുവതി, ലഭിച്ച തുക ഉപയോഗിച്ച് ആദ്യം തന്റെ കുടുംബത്തിന് സുരക്ഷിതമായ ഒരു വീട് ഒരുക്കുമെന്നും സഹോദരങ്ങളെ സഹായിക്കുമെന്നും ഉറപ്പിച്ചു പറയുന്നു. “നമുക്ക് വിധിച്ചതാണെങ്കിൽ അത് നമ്മെ തേടിയെത്തും” എന്ന ഉറച്ച വിശ്വാസമാണ് തന്റെ വിജയത്തിന് പിന്നിലെന്ന് അന്ന കൂട്ടിച്ചേർത്തു. ഇത്തരം വമ്പൻ സമ്മാനങ്ങൾ പ്രവാസികളുടെ കടബാധ്യതകൾ തീർക്കാനും മക്കളുടെ വിദ്യാഭ്യാസത്തിനും വലിയൊരു സഹായമാകാറുണ്ട്. ബിഗ് ടിക്കറ്റിലൂടെ ഇതിനുമുമ്പ് വിജയികളായ പലരും തങ്ങളുടെ ജീവിതം കെട്ടിപ്പടുത്തതും ബിസിനസ്സ് സാമ്രാജ്യങ്ങൾ തുടങ്ങിയതും പ്രവാസികൾക്കിടയിൽ വലിയ പ്രചോദനമാണ് നൽകുന്നത്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwtമലയാളി സോഷ്യൽ മീഡിയ സ്റ്റാറിന്റെ ചിത്രം മസാജ് സെന്റർ പരസ്യത്തിന്; യുഎഇയിൽ പ്രവാസി മലയാളി യുവതി അറസ്റ്റിൽ, കോടികൾ പിഴ ലഭിക്കാൻ സാധ്യത
യുഎഇയിലെ പ്രമുഖ മലയാളി സോഷ്യൽ മീഡിയ ഇൻഫ്ലുവൻസറായ ഹഫീസയുടെ ചിത്രങ്ങൾ അനുവാദമില്ലാതെ മസാജ് സെന്ററുകളുടെ പരസ്യത്തിനായി ദുരുപയോഗം ചെയ്ത സംഭവത്തിൽ കണ്ണൂർ സ്വദേശിയെ അജ്മാൻ പോലീസ് അറസ്റ്റ് ചെയ്തു. ഇൻസ്റ്റഗ്രാമിൽ ലക്ഷക്കണക്കിന് ഫോളോവേഴ്സുള്ള ഹഫീസയുടെ ചിത്രങ്ങൾ അശ്ലീലച്ചുവയുള്ള അടിക്കുറിപ്പുകളോടെ പ്രചരിപ്പിച്ചത് ശ്രദ്ധയിൽപ്പെട്ടതിനെ തുടർന്ന് യുവതി യാബ് ലീഗൽ സർവീസിന്റെ സഹായത്തോടെ അജ്മാൻ പബ്ലിക് പ്രോസിക്യൂഷനിൽ പരാതി നൽകുകയായിരുന്നു. തുടർന്ന് പോലീസ് നടത്തിയ പഴുതടച്ച അന്വേഷണത്തിലാണ് പ്രതി വലയിലായത്.
യുഎഇ സൈബർ നിയമപ്രകാരം സോഷ്യൽ മീഡിയ വഴി ഒരാളെ അപകീർത്തിപ്പെടുത്തുന്നതും സ്വകാര്യത ലംഘിക്കുന്നതും അതീവ ഗൗരവകരമായ കുറ്റമാണ്. കുറ്റം തെളിയിക്കപ്പെട്ടാൽ പ്രതിക്ക് തടവ് ശിക്ഷയും 2.5 ലക്ഷം മുതൽ 5 ലക്ഷം ദിർഹം വരെ പിഴയും ലഭിക്കാൻ സാധ്യതയുണ്ട്. അതായത് ഏകദേശം 56 ലക്ഷം മുതൽ 1.1 കോടി രൂപ വരെ പിഴയായി നൽകേണ്ടി വരും. സൈബർ അതിക്രമങ്ങൾ നേരിടുമ്പോൾ ഭയപ്പെടാതെ നിയമപരമായി മുന്നോട്ട് പോകണമെന്നും ഇത്തരം കുറ്റകൃത്യങ്ങളിൽ ഏർപ്പെടുന്നവർക്കെതിരെ കർശന നടപടി സ്വീകരിക്കുമെന്നും അധികൃതർ മുന്നറിയിപ്പ് നൽകി.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt
Leave a Reply