യു.എ.ഇ. ഓൺലൈൻ പണമിടപാട് പുതിയ ചുവടുവെപ്പ്: ഒടിപി ഇല്ല, മൊബൈൽ ആപ്പിൽ മാത്രം അനുമതി

യുഎഇയിലെ എല്ലാ ബാങ്കുകളും ഓൺലൈൻ പർച്ചേസുകൾക്ക് ബാങ്ക് കാർഡുകൾ ഉപയോഗിച്ച് പണം കൈമാറുമ്പോൾ ഒടിപി (OTP) സേവനം മൊബൈൽ ആപ്പിലുടനീളം മാത്രം ലഭ്യമാകും എന്ന് പുതിയ നിർദ്ദേശം പുറത്തിറക്കി. മുൻപുണ്ടായിരുന്ന ഓടിപി സന്ദേശങ്ങൾ ഘട്ടം ഘട്ടമായി നിർത്തുന്നതിന്റെ ഭാഗമാണ് ഈ നീക്കം. ഇത് പ്രകാരം, ഉപഭോക്താക്കൾക്ക് പണമിടപാട് പൂർത്തിയാക്കാൻ ബാങ്ക് മൊബൈൽ ആപ്പിൽ പ്രവേശിച്ച് അന്തിമ അനുമതി നൽകണം. ഈ സംവിധാനത്തിലൂടെ, അക്കൗണ്ട് ഉടമയെ കബളിപ്പിച്ച് പണം തട്ടുന്നതും മറ്റ് തട്ടിപ്പുകളും തടയാനാകും.

കഴിഞ്ഞ ജൂലൈ 25 മുതൽ തന്നെ ചില ഇടപാടുകളിൽ ഒടിപി സേവനം നിർത്തി, ഇപ്പോള്‍ ഇത് രാജ്യത്തെ എല്ലാ മേഖലയിലും വ്യാപിപ്പിക്കുകയായിരുന്നു. എന്നാൽ, സ്മാർട് ആപ്പ് ഉപയോഗിക്കാൻ താൽപര്യമില്ലാത്തവർക്കായി പുതിയ അപേക്ഷ സമർപ്പിക്കുന്നവർക്കു മാത്രമേ ഒടിപി ലഭിക്കൂ. അപേക്ഷ രേഖാമൂലമായി ബാങ്കിൽ നൽകണം. പുതിയ സംവിധാനം പ്രകാരം, ഓൺലൈൻ പെയ്മെന്റ് സമയത്ത് സ്‌ക്രീനിൽ “പേയ്‌മെന്റ് റിവ്യൂ” എന്ന സന്ദേശം തെളിയും. ഉപഭോക്താവ് ആപ്ലിക്കേഷനിൽ പ്രവേശിച്ച് പാസ്‌വേർഡ് നൽകിയും അനുമതി നൽകി മാത്രമേ പണം ട്രാൻസാക്ഷൻ പൂർത്തിയാവൂ. ബാങ്ക് ആപ്ലിക്കേഷനിലെ ഓരോ ചെറിയ വ്യത്യാസവും മുൻകൂട്ടി ശ്രദ്ധിക്കേണ്ടതാണ്.

സുരക്ഷ ശക്തമാക്കലും സൗകര്യവുമാണ് ലക്ഷ്യം:

-മൊബൈൽ ആപ്പ് വഴി ട്രാൻസാക്ഷൻ നടത്തുന്നത് കൂടുതൽ സുരക്ഷിതമാക്കും.

-തട്ടിപ്പ് സാധ്യത കുറക്കാൻ സഹായിക്കും.

-ബാങ്ക് ഇടപാടുകളിൽ പൂർണ വിവരവും ആപ്ലിക്കേഷനിലൂടെയും ലഭ്യമാണ്.

ഇതനുസരിച്ച്, ഉപഭോക്താക്കൾ ഇനി ഓൺലൈൻ പെയ്മെന്റിനായി ബാങ്ക് മൊബൈൽ ആപ്പ് നിർബന്ധമായും ഉപയോഗിക്കേണ്ടതാണ്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

ഒരു നിമിഷം ശ്രദ്ധിക്കൂ! യുഎഇയിലെ പള്ളികളിൽ നാളെ മുതൽ പ്രാർഥനാ സമയം മാറ്റി

ദുബായ്: പുതുവർഷ പിറവിയോടെ യുഎഇയിലെ ആരാധനാക്രമങ്ങളിൽ ചരിത്രപരമായ മാറ്റം വരുന്നു. രാജ്യത്തെ മുഴുവൻ എമിറേറ്റുകളിലുമുള്ള പള്ളികളിൽ വെള്ളിയാഴ്ചത്തെ ജുമുഅ നമസ്‌കാരവും പ്രസംഗവും (ഖുതുബ) ഇനി മുതൽ ഉച്ചയ്ക്ക് 12.45-ന് ഒരേ സമയത്ത് നടക്കും. പുതുവർഷത്തിലെ ആദ്യ വെള്ളിയാഴ്ചയായ നാളെ മുതലാണ് ജനറൽ അതോറിറ്റി ഓഫ് ഇസ്‌ലാമിക് അഫയേഴ്‌സ് ആൻഡ് എൻഡോവ്‌മെന്റ് (ഔഖാഫ്) പ്രഖ്യാപിച്ച ഈ ഏകീകൃത സമയക്രമം പ്രാബല്യത്തിൽ വരുന്നത്.

രാജ്യമുടനീളം ആരാധനാക്രമങ്ങൾ ഒരുമിപ്പിക്കുകയും വിശ്വാസികൾക്ക് ഒരേസമയം കൃത്യമായ മതപരമായ മാർഗ്ഗനിർദ്ദേശങ്ങൾ നൽകുകയുമാണ് ഈ നീക്കത്തിലൂടെ അധികൃതർ ലക്ഷ്യമിടുന്നത്. മുൻപ് ഓരോ എമിറേറ്റിലും ചെറിയ സമയവ്യത്യാസങ്ങൾ നിലനിന്നിരുന്ന സ്ഥാനത്താണ് ഇനി മുതൽ ഉച്ചയ്ക്ക് കൃത്യം 12.45-ന് പ്രാർത്ഥനകൾ ആരംഭിക്കുക. ഖുതുബ പൂർണ്ണമായും കേൾക്കാൻ വിശ്വാസികൾ നേരത്തെ തന്നെ പള്ളികളിൽ എത്തണമെന്ന് ഔഖാഫ് പ്രത്യേകം നിർദ്ദേശിച്ചിട്ടുണ്ട്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

മാതൃകയായി മടക്കം; യുഎഇയിൽ ആറു പേർക്ക് പുതുജീവൻ നൽകി പ്രവാസി മലയാളി

അബുദാബിയിൽ ഇ-സ്കൂട്ടറിടിച്ച് മസ്തിഷ്ക മരണം സംഭവിച്ച മലയാളി പ്രവാസി എം. ബാബുരാജൻ മരണാനന്തരവും ആറുപേരിലൂടെ ജീവിതത്തിലേക്ക് മടങ്ങിവരുന്നു. പുതുവർഷത്തിന് തൊട്ടുമുൻപ് ആറ് കുടുംബങ്ങൾക്ക് പ്രത്യാശയുടെ വെളിച്ചം നൽകിക്കൊണ്ടാണ് ബാബുരാജന്റെ അവയവങ്ങൾ ദാനം ചെയ്യാൻ അദ്ദേഹത്തിന്റെ കുടുംബം തീരുമാനമെടുത്തത്. സ്വർണ്ണപ്പണിക്കാരനായ ബാബുരാജൻ ഈ മാസം 16-ന് അബുദാബി വേൾഡ് ട്രേഡ് സെന്ററിന് സമീപമുണ്ടായ വാഹനാപകടത്തിലാണ് അന്തരിച്ചത്.

അബുദാബി വേൾഡ് ട്രേഡ് സെന്ററിനടുത്തുള്ള ട്രാഫിക് സിഗ്നലിൽ റോഡ് മുറിച്ചുകടക്കുന്നതിനിടെയാണ് ഇലക്ട്രിക് സ്കൂട്ടർ ബാബുരാജനെ ഇടിച്ചത്. ജോലിസ്ഥലത്തേക്ക് പോകുന്നതിനിടെയുണ്ടായ അപകടത്തിൽ തലയ്ക്ക് ഗുരുതരമായി പരിക്കേറ്റ അദ്ദേഹത്തെ ഉടൻ ആശുപത്രിയിൽ എത്തിച്ച് ശസ്ത്രക്രിയയ്ക്ക് വിധേയനാക്കിയെങ്കിലും മസ്തിഷ്ക മരണം സംഭവിക്കുകയായിരുന്നു. പ്രിയപ്പെട്ടവന്റെ വിയോഗവാർത്ത കേട്ട ആഘാതത്തിനിടയിലും മറ്റുള്ളവർക്ക് ജീവൻ പകർന്നു നൽകുക എന്ന പുണ്യപ്രവൃത്തിയിലേക്ക് അദ്ദേഹത്തിന്റെ കുടുംബം ധീരമായ ചുവടുവെച്ചു.

യുഎഇ ആരോഗ്യ മന്ത്രാലയത്തിന്റെ അവയവദാന സംരംഭമായ ‘ഹയാത്ത് പ്രോഗ്രാമുമായി’ ഏകോപിപ്പിച്ചാണ് ഹൃദയം, വൃക്കകൾ, പാൻക്രിയാസ്, കരൾ, ശ്വാസകോശം എന്നിവ ദാനം ചെയ്തത്. തങ്ങൾക്ക് പ്രിയപ്പെട്ടവനെ നഷ്ടപ്പെട്ടെങ്കിലും മറ്റുള്ളവരിലൂടെ അദ്ദേഹം ജീവിക്കട്ടെ എന്ന കുടുംബത്തിന്റെ ആഗ്രഹം മനുഷ്യത്വത്തിന്റെ വലിയൊരു മാതൃകയാണ് സമൂഹത്തിന് മുന്നിൽ വെക്കുന്നത്. മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങളിൽ ഹയാത്ത് ടീം കുടുംബത്തെ സഹായിക്കുന്നുണ്ട്. കുമാരിയാണ് ബാബുരാജന്റെ ഭാര്യ. പ്രീതി, കൃഷ്ണ പ്രിയ എന്നിവർ മക്കളാണ്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt