വിദ്യാർഥിനിയുടെ കത്തിന് യുഎഇ പൊലീസിന്റെ ‘മാസ് ‘ മറുപടി; ക്ലാസ് മുറിയിലേക്ക് മാർച്ച്

ദുബായ്: സ്കൂളിന് പുറത്ത് ഡ്യൂട്ടിയിലുണ്ടായിരുന്ന പോലീസ് ഉദ്യോഗസ്ഥന് നന്ദി അറിയിച്ചെഴുതിയ കത്തിന് ദുബായ് പോലീസിന്റെ വക ‘മാസ്’ മറുപടി. അമേരിക്കൻ ഇൻ്റർനാഷനൽ സ്കൂളിലെ വിദ്യാർഥിനി ഹിബത്തുല്ല അഹമ്മദിനെ ആദരിക്കാൻ പോലീസുദ്യോഗസ്ഥർ ക്ലാസ് മുറിയിലേക്ക് നേരിട്ടെത്തിയപ്പോൾ സഹപാഠികളും അധ്യാപകരും ഒരുപോലെ അമ്പരന്നു.

സമൂഹത്തിന് സുരക്ഷയേകുന്ന പോലീസുകാരുടെ പ്രയത്നങ്ങൾക്ക് നന്ദി അറിയിച്ചുകൊണ്ട് ഹിബത്തുല്ല സ്വന്തം കൈപ്പടയിലെഴുതിയ കത്ത് നേരത്തെ ഒരു പോലീസ് ഉദ്യോഗസ്ഥന് കൈമാറിയിരുന്നു. “നിങ്ങൾ ചെയ്യുന്നത് പ്രഫഷനലിസത്തിന്റെയും മികവിന്റെയും മാതൃകയാണ്. ഈ രാജ്യത്തെയും ഇവിടുത്തെ താമസക്കാരെയും സംരക്ഷിക്കുന്ന പ്രതിരോധത്തിൻ്റെ ആദ്യനിരയായി നിങ്ങളെ ലഭിച്ചതിൽ ഞങ്ങൾ അഭിമാനിക്കുന്നു. നിങ്ങളുടെ അർപ്പണബോധത്തിനും പെട്ടെന്നുള്ള പ്രതികരണത്തിനും ആവശ്യമായവർക്ക് സഹായം നൽകാനുള്ള മനസ്സിനും നന്ദി പറയാൻ എനിക്ക് വാക്കുകളില്ല,” എന്നായിരുന്നു കത്തിലെ ഉള്ളടക്കം.

ഈ ഹൃദയസ്പർശിയായ സന്ദേശത്തിന് മറുപടിയായി ഖിസൈസ് പോലീസ് സ്റ്റേഷനിലെ പ്രതിനിധികൾ ഹിബത്തുല്ലയെ അവിസ്മരണീയമായൊരു സന്ദർശനം കൊണ്ട് അമ്പരപ്പിച്ചു. ഖിസൈസ് പോലീസ് സ്റ്റേഷൻ ഡയറക്ടർ ലഫ്. കേണൽ റാഷിദ് മുഹമ്മദ് സാലെമും അദ്ദേഹത്തിൻ്റെ ഡെപ്യൂട്ടി ലഫ്. കേണൽ അഹമ്മദ് അൽ ഹാഷ്മിയും ചേർന്നാണ് സഹപാഠികളുടെയും അധ്യാപകരുടെയും മുന്നിൽവെച്ച് ഹിബത്തുല്ലയ്ക്ക് പുരസ്കാരം സമ്മാനിച്ചത്.

ഹിബത്തുല്ലയുടെ വാക്കുകൾ പോലീസുദ്യോഗസ്ഥരെ വല്ലാതെ സ്പർശിച്ചുവെന്നും ആ പ്രശംസ പ്രചോദിപ്പിച്ചുവെന്നും ലഫ്. കേണൽ റാഷിദ് മുഹമ്മദ് പറഞ്ഞു. സഹകരണവും സന്മനസ്സും പ്രകടിപ്പിക്കുന്ന വ്യക്തികളെയും സാമൂഹിക പങ്കാളികളെയും ആദരിക്കുന്ന ദുബായ് പോലീസിൻ്റെ “നിങ്ങൾക്ക് നന്ദി പറയാൻ ഞങ്ങൾ എത്തുന്നു” എന്ന സംരംഭത്തിൻ്റെ ഭാഗമായാണ് ഹിബത്തുല്ലയെ ആദരിച്ചതെന്നും അദ്ദേഹം വിശദീകരിച്ചു.

പോലീസിൻ്റെ ആദരവിൽ അതിയായ സന്തോഷം പ്രകടിപ്പിച്ച ഹിബത്തുല്ല, സ്കൂളിന് പുറത്ത് ഗതാഗതം നിയന്ത്രിക്കുന്നതും രക്ഷിതാക്കളെയും വിദ്യാർഥികളെയും സഹായിക്കുന്നതുമായ പോലീസുകാരുടെ സേവനം കണ്ടാണ് താൻ നന്ദി കത്തെഴുതിയതെന്നും അത് സുരക്ഷിതത്വം നൽകുന്നുവെന്നും കൂട്ടിച്ചേർത്തു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

പ്രേ​ത​ക​ഥ​ക​ളി​ലെ നി​ഗൂ​ഢ സൗ​ധം, യുഎഇയിലെ ‘വൈ​റ​ൽ കൊ​ട്ടാ​രം’ വി​ൽ​പ​ന​യ്ക്ക്! വിലകേട്ടാൽ ഞെട്ടും

യു.​എ.​ഇ​യി​ൽ ഏ​റെ​ക്കാ​ലം അ​ഭ്യൂ​ഹ​ങ്ങ​ളി​ൽ നി​റ​ഞ്ഞു​നി​ന്ന റാ​സ​ൽഖൈ​മ​യി​ലെ പ്ര​സി​ദ്ധ​മാ​യ ‘വൈ​റ​ൽ കൊ​ട്ടാ​രം’ വി​ൽ​ക്കാ​നൊ​രു​ങ്ങു​ന്നു. ഉ​ട​മ താ​രീ​ഖ് അ​ൽ ശ​ർഹാ​ൻ അ​ൽ നു​ഐ​മി, 2.5 കോ​ടി ദി​ർഹ​മാ​ണ് വി​ല​യാ​യി അ​റി​യി​ച്ച​ത്.

റാ​ക് നോ​ർത്ത് ദൈ​ത്ത് കു​ന്നി​ൻ​മു​ക​ളി​ലു​ള്ള നാ​ലു​നി​ല ഭ​വ​ന​ത്തെ​ക്കു​റി​ച്ച് ‘പ്രേ​ത​ബാ​ധ​യേ​ൽ​ക്കും’, ‘ജി​ന്നു​ക​ളു​ടെ വി​ള​യാ​ട്ട​മാ​ണ്’ എ​ന്നീ രീ​തി​യി​ലു​ള്ള വ​ർ​ത്ത​മാ​ന​ങ്ങ​ൾ ത​ദ്ദേ​ശീ​യ​ർ​ക്കി​ട​യി​ലും മ​ല​യാ​ളി​ക​ൾ ഉ​ൾ​പ്പെ​ടെ വി​ദേ​ശി​ക​ൾ​ക്കി​ട​യി​ലും നി​ല​നി​ന്നി​രു​ന്നു. ഏ​ഴ്​ വ​ർഷം മു​മ്പ് ഭ​വ​നം വി​ല​ക്ക് വാ​ങ്ങി​യ താ​രീ​ഖ് അ​ൽ ശ​ർഹാ​ൻ, ഇ​തി​ന് ‘അ​ൽ ഖ​സ്ര് ആ​ൽ ഗാ​മി​ദ്’ എ​ന്ന പേ​രി​ടു​ക​യും ചെ​യ്തു.

20,000 ച​തു​ര​ശ്ര വി​സ്തൃ​തി​യി​ൽ 35ഓ​ളം മു​റി​ക​ളു​ള്ള ഈ ​പാ​ർപ്പി​ടം 1985ൽ ​ശൈ​ഖ് അ​ബ്ദു​ൽ അ​സീ​സ് ബി​ൻ ഹു​മൈ​ദ് ആ​ൽ ഖാ​സി​മി​യു​ടെ മു​ൻകൈ​യി​ലാ​ണ് നി​ർ​മാ​ണം തു​ട​ങ്ങി​യ​ത്. 1990ൽ ​പൂ​ർ​ത്തി​യാ​യ ഭ​വ​ന​ത്തി​ന്റെ പ്ര​ധാ​ന ആ​ക​ർ​ഷ​ണം ഇ​ന്ത്യ​ൻ, മൊ​റോ​ക്കോ, ഇ​റാ​ൻ, ഇ​സ്‍ലാ​മി​ക വാ​സ്തു​വി​ദ്യ​ക​ളു​ടെ മ​നോ​ഹാ​രി​ത​യാ​ണ്. ചു​മ​രു​ക​ളി​ലും മ​ച്ചു​ക​ളി​ലും സ്ഥാ​നം പി​ടി​ച്ച ലോ​കോ​ത്ത​ര ചി​ത്ര​പ്പ​ണി​ക​ളും മൃ​ഗ​ങ്ങ​ളു​ടെ​യും പ​ക്ഷി​ക​ളു​ടെ​യും രൂ​പ​ങ്ങ​ളും വീ​ടി​നെ​ക്കു​റി​ച്ച് പ്രേ​ത വ​ർ​ത്ത​മാ​ന​ങ്ങ​ൾ​ക്ക് വ​ഴി​വെ​ച്ചു. കൊ​ച്ചു കു​ട്ടി​ക​ളു​ടെ മു​ഖം ജാ​ല​ക​ങ്ങ​ളി​ലൂ​ടെ കാ​ണു​ന്ന​തും ആ​ളു​ക​ളെ വി​ളി​ക്കു​ന്ന​തു​മാ​യ കിം​വ​ദ​ന്തി​ക​ളും പ​ര​ന്നു.

മൂ​ന്ന് പ​തി​റ്റാ​ണ്ട് കാ​ലം നി​ഗൂ​ഢ​ത​യി​ൽ ക​ഴി​ഞ്ഞ പാ​ർപ്പി​ടം, താ​രീ​ഖ് അ​ൽ ശ​ർഹാ​ൻറെ ഉ​ട​മ​സ്ഥ​ത​യി​ലെ​ത്തി​യ​തോ​ടെ വി​നോ​ദ സ​ഞ്ചാ​ര കേ​ന്ദ്ര​മാ​യി മാ​റി. മ​ഞ്ജു വാ​ര്യ​ർ കേ​ന്ദ്ര ക​ഥാ​പാ​ത്ര​മാ​യ ‘ആ​യി​ശ’​യു​ടെ ചി​ത്രീ​ക​ര​ണ​വും ഇ​വി​ടെ ന​ട​ന്നി​രു​ന്നു. നി​ല​വി​ൽ 50 ദി​ർഹം ഫീ​സി​ൽ രാ​വി​ലെ 9 മു​ത​ൽ വൈ​കീ​ട്ട് 7 വ​രെ സ​ന്ദ​ർ​ശ​ക​രെ സ്വീ​ക​രി​ക്കു​ന്നു​ണ്ട്.

പാ​ർപ്പി​ട​ത്തി​ന്റെ യ​ഥാ​ർ​ഥ സൗ​ന്ദ​ര്യം അ​തി​ന്റെ ക​ര​കൗ​ശ​ല​ത്തി​ലും പൈ​തൃ​ക​ത്തി​ലു​മാ​ണെ​ന്നാ​ണ് താ​രീ​ഖ് അ​ൽ ശ​ർഹാ​ന്റെ അ​ഭി​പ്രാ​യം. റാ​സ​ൽഖൈ​മ​യു​ടെ നി​യ​മ​മ​നു​സ​രി​ച്ച് പാ​ർപ്പി​ടം ഒ​രു ത​ദ്ദേ​ശീ​യ​ന്റെ പേ​രി​ൽ മാ​ത്ര​മേ ര​ജി​സ്റ്റ​ർ ചെ​യ്യാ​ൻ ക​ഴി​യു​ക​യു​ള്ളൂ. നി​ക്ഷേ​പം ല​ക്ഷ്യ​മാ​ക്കി​യാ​ണ് വി​ൽ​പ​ന. സാം​സ്കാ​രി​ക​വും ച​രി​ത്ര​പ​ര​വു​മാ​യ ഈ ​പാ​ർപ്പി​ട​ത്തെ വി​ല​മ​തി​ക്കു​ന്ന ഒ​രു ഉ​ട​മ​യെ​യാ​ണ് താ​ൻ തേ​ടു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിൽ ഇനി അമിതവേഗം നടക്കില്ല! യുഎഇയിൽ ടാക്സികളിൽ ‘സ്മാർട്ട് സ്പീഡ് ലിമിറ്റർ’

അജ്മാൻ: റോഡപകടങ്ങൾ കുറയ്ക്കുന്നതിനും സുരക്ഷ വർധിപ്പിക്കുന്നതിൻ്റെയും ഭാഗമായി അജ്മാൻ എമിറേറ്റിലെ ടാക്സികളിലും ലിമോസിനുകളിലും സ്മാർട്ട് സ്പീഡ് ലിമിറ്റർ സംവിധാനം സ്ഥാപിക്കാൻ അധികൃതർ ഉത്തരവിട്ടു. വാഹനത്തിൻ്റെ തത്സമയ ലൊക്കേഷനും റോഡിലെ വേഗപരിധിയും അനുസരിച്ച് കാറിൻ്റെ വേഗം സ്വയമേവ ക്രമീകരിക്കുന്ന അത്യാധുനിക സാങ്കേതികവിദ്യയാണിത്.

നിലവിൽ യുഎഇയിൽ ഉപയോഗത്തിലുള്ള സംവിധാനങ്ങളിൽ നിന്ന് സാങ്കേതികമായി ഏറെ മുന്നിട്ട് നിൽക്കുന്ന ഈ സ്മാർട്ട് സംവിധാനം നടപ്പിലാക്കുന്ന രാജ്യത്തെ ആദ്യ എമിറേറ്റ് ആണ് അജ്മാൻ. റോഡുകളിലെ അമിത വേഗം നിയന്ത്രിക്കുക, അപകടകരമായ ഡ്രൈവിങ് രീതികൾ കുറയ്ക്കുക എന്നിവയാണ് പുതിയ പദ്ധതിയുടെ മുഖ്യ ലക്ഷ്യം. പുതിയ ഉപകരണം വാഹനത്തിൻ്റെ തത്സമയ ലൊക്കേഷൻ തിരിച്ചറിയുകയും ഓരോ പ്രദേശത്തെയും നിശ്ചിത വേഗപരിധി കൃത്യതയോടെ ശേഖരിക്കുകയും ചെയ്യും. തുടർന്ന്, വാഹനത്തിൻ്റെ വേഗം അനുവദനീയമായ പരിധിയുമായി താരതമ്യം ചെയ്ത് ഓട്ടോമാറ്റിക്കായി നിയന്ത്രിക്കും.

ഓരോ പ്രദേശത്തെയും അനുവദനീയമായ വേഗം തിരിച്ചറിയുന്ന സംയോജിത സ്മാർട്ട് മാപ്പിങ് സിസ്റ്റം ഇതിൻ്റെ പ്രധാന പ്രത്യേകതയാണ്. വേഗം നിയന്ത്രണത്തിൽ ഉയർന്ന കൃത്യത ഉറപ്പാക്കാൻ ഇലക്ട്രോണിക് ഡ്രൈവിങ് സിസ്റ്റവുമായി നേരിട്ടുള്ള സമന്വയവും ഇതിനുണ്ട്. നിർദ്ദിഷ്ട വേഗപരിധി പാലിക്കുന്നുണ്ടെന്ന് ഉറപ്പാക്കാൻ തൽക്ഷണവും തുടർച്ചയായതുമായ ഡാറ്റാ അപ്‌ഡേഷനുകൾ ലഭ്യമാകും. റോഡിലെ അപകടസാധ്യതയുള്ള ഡ്രൈവിങ് ശീലങ്ങൾ കുറയ്ക്കുന്നതിലൂടെ യാത്രക്കാരുടെയും ഡ്രൈവറുടെയും സുരക്ഷ ഉറപ്പാക്കാനും ഈ സംവിധാനം ലക്ഷ്യമിടുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

അടിച്ചുമോനെ! ബിഗ് ടിക്കറ്റ് ഇ-ഡ്രോയിൽ മലയാളിത്തിളക്കം: സ്വർണ്ണക്കട്ടി സമ്മാനം

അബുദാബി: ഒക്ടോബറിലെ രണ്ടാമത്തെ ആഴ്ചയിൽ നടന്ന ബിഗ് ടിക്കറ്റിന്റെ ഇ-ഡ്രോ നറുക്കെടുപ്പിൽ രണ്ട് മലയാളികൾ ഉൾപ്പെടെ അഞ്ച് പേർക്ക് 250 ഗ്രാം വീതം 24 കാരറ്റ് സ്വർണ്ണക്കട്ടി സമ്മാനം ലഭിച്ചു. യുഎഇ, ശ്രീലങ്ക, ബംഗ്ലാദേശ് എന്നീ നാല് രാജ്യങ്ങളിൽ നിന്നുള്ളവരാണ് ഇത്തവണത്തെ വിജയികൾ.

സമ്മാനം നേടിയ മലയാളികൾ:

അജിത് സാമുവൽ ആണ് സമ്മാനം നേടിയ ഒരു മലയാളി. യു.എ.ഇയിൽ താമസിക്കുന്ന മെക്കാനിക്കൽ എൻജിനീയറാണ് അജിത്. ഇദ്ദേഹം പത്ത് സുഹൃത്തുക്കൾക്കൊപ്പം ചേർന്നാണ് ബിഗ് ടിക്കറ്റ് എടുത്തത്. വിബിൻ വാസുദേവനാണ് രണ്ടാമത്തെ മലയാള. ഐ.ടി. പ്രൊഫഷണലായ വിബിൻ, ഓഫീസിലെ 20 സഹപ്രവർത്തകരുമായി ചേർന്നെടുത്ത ടിക്കറ്റിലൂടെയാണ് സമ്മാനത്തിന് അർഹനായത്.

ഈ മാസം ഇനി രണ്ട് ഇ-ഡ്രോകൾ കൂടിയാണ് ബാക്കിയുള്ളത്. ഒക്ടോബർ മാസത്തെ ഗ്രാൻഡ് പ്രൈസായ 25 മില്യൺ ദിർഹത്തിനുള്ള ലൈവ് ഡ്രോ നറുക്കെടുപ്പ് നവംബർ മൂന്നിന് നടക്കും.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

ഐഎസ്ആർഒയിൽ നൂറിലധികം ഒഴിവുകൾ: പത്താം ക്ലാസുകാർക്കും അവസരം; ശമ്പളം 1.77 ലക്ഷം രൂപ വരെ

ഇന്ത്യൻ ബഹിരാകാശ ഗവേഷണ സ്ഥാപനത്തിന് (ISRO) കീഴിലുള്ള സതീഷ് ധവാൻ സ്‌പേസ് സെന്ററിൽ (SDSC SHAR) നൂറിലധികം ഒഴിവുകളിലേക്ക് റിക്രൂട്ട്‌മെന്റ് വിജ്ഞാപനം പുറത്തിറക്കി. സയന്റിസ്റ്റ്/എഞ്ചിനീയർ തസ്തികകൾ മുതൽ ടെക്‌നീഷ്യൻ, പാചകക്കാർ, ഡ്രൈവർമാർ എന്നിവർക്ക് വരെ ഇത് സുവർണാവസരമാണ്.

അപേക്ഷിക്കാനുള്ള അവസാന തീയതി 2025 നവംബർ 14 ആണ്. താൽപര്യമുള്ള ഉദ്യോഗാർത്ഥികൾ ഐഎസ്ആർഒയുടെ ഔദ്യോഗിക വെബ്സൈറ്റായ isro.gov.in വഴി അപേക്ഷ നൽകണം.

പ്രധാന ഒഴിവുകളും യോഗ്യതകളും

സയന്റിസ്റ്റ്/എഞ്ചിനീയർ വിഭാഗത്തിൽ 23 ഒഴിവുകളുണ്ട്. ബി.ഇ/ബി.ടെക്, എഞ്ചിനീയറിംഗ് ബിരുദം എന്നിവയാണ് പ്രധാന യോഗ്യത. ഈ തസ്തികയിലേക്ക് തിരഞ്ഞെടുക്കപ്പെടുന്നവർക്ക് ₹56,100 മുതൽ ₹1,77,500 വരെ ശമ്പളം ലഭിക്കും.

ടെക്‌നീഷ്യൻ ‘ബി’ തസ്തികയിലാണ് ഏറ്റവും കൂടുതൽ ഒഴിവുകൾ, 70 എണ്ണം. എസ്.എസ്.എൽ.സി/എസ്.എസ്.സി, ഐ.ടി.ഐ. യോഗ്യതയുള്ളവർക്ക് അപേക്ഷിക്കാം.

ടെക്‌നിക്കൽ അസിസ്റ്റന്റ് (28 ഒഴിവ്), സയന്റിഫിക് അസിസ്റ്റന്റ് (3 ഒഴിവ്) എന്നീ തസ്തികകളിലേക്കും അപേക്ഷ ക്ഷണിച്ചിട്ടുണ്ട്.

ഫയർമാൻ (6 ഒഴിവ്), പാചകക്കാർ (3 ഒഴിവ്), ഡ്രൈവർ (3 ഒഴിവ്) തുടങ്ങിയ തസ്തികകളിലേക്ക് പത്താം ക്ലാസ് യോഗ്യതയുള്ളവർക്ക് അപേക്ഷിക്കാം.

മറ്റു തസ്തികകളായ റേഡിയോഗ്രാഫർ, ഡ്രാഫ്റ്റ്‌സ്‌മാൻ, ലൈബ്രറി അസിസ്റ്റന്റ് എന്നിവയിലേക്കും ഒഴിവുകളുണ്ട്.

ടെക്‌നീഷ്യൻ, പാചകക്കാർ, ഡ്രൈവർ തുടങ്ങിയ തസ്തികകളിലേക്ക് ₹21,700 മുതൽ ₹69,100 രൂപ വരെയാണ് ശമ്പളപരിധി.

തിരഞ്ഞെടുപ്പും അപേക്ഷാ ഫീസും

18 വയസ് മുതൽ 35 വയസ് വരെ പ്രായമുള്ളവർക്കാണ് അപേക്ഷിക്കാൻ അവസരം.

സയന്റിസ്റ്റ്/എഞ്ചിനീയർ തസ്തികകളിലേക്ക് എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും നിയമനം. എന്നാൽ, ടെക്‌നിക്കൽ അസിസ്റ്റന്റ് ഉൾപ്പെടെയുള്ള മറ്റ് തസ്തികകളിലേക്ക് അഭിമുഖത്തിനു പകരം സ്കിൽ ടെസ്റ്റ് (പ്രാവീണ്യ പരീക്ഷ) നടത്തും.

അപേക്ഷാ ഫീസ് 750 രൂപയാണ്. സ്ത്രീകൾ, എസ്.സി/എസ്.ടി., മുൻ സൈനികർ എന്നിവർക്ക് ഈ ഫീസ് പൂർണ്ണമായും തിരികെ നൽകും. മറ്റുള്ള അപേക്ഷകർക്ക് 500 രൂപ പരീക്ഷയ്ക്ക് ശേഷം തിരികെ ലഭിക്കുന്നതാണ്.

വിശദമായ വിജ്ഞാപനത്തിനായി ഉദ്യോഗാർത്ഥികൾ ഐഎസ്ആർഒയുടെ വെബ്സൈറ്റ് സന്ദർശിക്കണം.https://www.isro.gov.in/Careers.html

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t