ഈ രേഖയില്ലെങ്കിൽ വിമാനത്താവളത്തിൽ കാത്തിരിപ്പ് കൂടും, പണിയും കിട്ടും; എമിറേറ്റ്‌സിന്റെ പുതിയ യാത്രാ നിർദേശം

ദുബായ് ∙ ഇന്ത്യയിലേക്ക് യാത്ര ചെയ്യുന്ന ഇന്ത്യൻ പൗരന്മാർ അല്ലാത്ത എല്ലാ യാത്രക്കാരും ‘ഇ-അറൈവൽ കാർഡ്’ നിർബന്ധമായും പൂരിപ്പിച്ച് സമർപ്പിക്കണം എന്ന് എമിറേറ്റ്‌സ് വിമാനക്കമ്പനി അറിയിച്ചു. ഈ പുതിയ യാത്രാ നിയമങ്ങൾ പാലിച്ചില്ലെങ്കിൽ വിമാനത്താവളത്തിലെ ഇമിഗ്രേഷൻ ക്ലിയറൻസിനുള്ള കാത്തിരിപ്പ് സമയം കൂടാനും തുടർയാത്രകൾക്ക് തടസ്സം നേരിടാനും സാധ്യതയുണ്ടെന്ന് എമിറേറ്റ്‌സ് യാത്രക്കാർക്ക് മുന്നറിയിപ്പ് നൽകുന്നു.

എന്താണ് ഇ-അറൈവൽ കാർഡ്?

ഇമിഗ്രേഷൻ നടപടികൾ ഡിജിറ്റൈസ് ചെയ്യുന്നതിനുള്ള ഇന്ത്യയുടെ ശ്രമങ്ങളുടെ ഭാഗമാണിത്. പേപ്പർ ഡിസെംബാർക്കേഷൻ ഫോമുകൾക്ക് (Disembarkation Forms) പകരമായി സുരക്ഷിതമായ ഒരു ഓൺലൈൻ സംവിധാനം ഏർപ്പെടുത്തുകയാണ് ലക്ഷ്യം.ഇത് വിമാനത്താവളങ്ങളിലെ നടപടികൾ വേഗത്തിലാക്കാനും കാത്തിരിപ്പ് സമയം കുറയ്ക്കാനും ഇമിഗ്രേഷൻ പരിശോധനകളിലെ പിശകുകൾ ഒഴിവാക്കാനും സഹായിക്കും.ഇത് വീസയ്ക്ക് പകരമാവില്ല. ടൂറിസം, ബിസിനസ് തുടങ്ങിയ ആവശ്യങ്ങൾക്കായി യാത്ര ചെയ്യുന്നവർക്ക് സാധുവായ വീസ ഇപ്പോഴും ആവശ്യമാണ്.

ഇ-അറൈവൽ കാർഡ് എങ്ങനെ സമർപ്പിക്കാം?

ആർക്കാണ് നിർബന്ധം: ഇന്ത്യൻ പൗരന്മാർ അല്ലാത്ത എല്ലാവർക്കും. ഇന്ത്യൻ പൗരന്മാർക്കും OCI കാർഡ് ഉടമകൾക്കും ഇത് നിർബന്ധമില്ല.

എപ്പോൾ സമർപ്പിക്കണം: യാത്ര പുറപ്പെടുന്നതിന് 72 മണിക്കൂർ മുതൽ 24 മണിക്കൂർ മുൻപ് വരെ ഈ ഡിജിറ്റൽ ഫോം സമർപ്പിക്കാവുന്നതാണ്.

എവിടെ സമർപ്പിക്കണം: ഇന്ത്യയുടെ ബ്യൂറോ ഓഫ് ഇമിഗ്രേഷൻ വെബ്‌സൈറ്റ് വഴിയാണ് (ഉദാഹരണത്തിന്: boi.gov.in) ഈ ഫോം സമർപ്പിക്കേണ്ടത്. Indian Visa website: indianvisaonline.gov.in, Su-Swagatam മൊബൈൽ ആപ്പ് വഴിയും ഇത് പൂർത്തിയാക്കാം.

ചെലവ്: ഈ സേവനം പൂർണ്ണമായും സൗജന്യമാണ്.

നൽകേണ്ട വിവരങ്ങൾ: പാസ്‌പോർട്ട് നമ്പർ, രാജ്യം, ഫ്ലൈറ്റ് നമ്പർ, സന്ദർശന ലക്ഷ്യം (ടൂറിസം, ബിസിനസ്, പഠനം), ഇന്ത്യയിലെ താമസസ്ഥലം, ബന്ധപ്പെടാനുള്ള വിവരങ്ങൾ, കഴിഞ്ഞ ആറ് ദിവസങ്ങളിൽ സന്ദർശിച്ച രാജ്യങ്ങൾ തുടങ്ങിയ പ്രധാന വിവരങ്ങൾ നൽകണം.

സ്ഥിരീകരണം: വിവരങ്ങൾ സമർപ്പിച്ച ശേഷം ലഭിക്കുന്ന സ്ഥിരീകരണം ഡിജിറ്റലായി സേവ് ചെയ്യുകയോ പ്രിന്റ് എടുക്കുകയോ ചെയ്ത് ഇമിഗ്രേഷൻ കൗണ്ടറിൽ ഹാജരാക്കണം. ഒരു പ്രിന്റ് കോപ്പി കൈവശം കരുതുന്നത് കൂടുതൽ സൗകര്യപ്രദമാകും.

യാത്രക്കാർ ശ്രദ്ധിക്കാൻ: തടസ്സങ്ങളില്ലാത്ത യാത്ര ഉറപ്പാക്കാൻ, വിമാനവുമായി ബന്ധപ്പെട്ട എല്ലാ അറിയിപ്പുകളും കൃത്യസമയത്ത് ലഭിക്കുന്നതിനായി എയർലൈൻ വെബ്‌സൈറ്റിലെ ‘മാനേജ് യുവർ ബുക്കിങ്’ (Manage Your Booking) പോർട്ടൽ വഴി നിങ്ങളുടെ ബന്ധപ്പെടാനുള്ള വിവരങ്ങൾ പരിശോധിച്ച് അപ്‌ഡേറ്റ് ചെയ്യണം എന്നും എമിറേറ്റ്‌സ് അറിയിച്ചിട്ടുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

വൻ ശമ്പളമുള്ള പാർട്ട് ടൈം ജോലി? സോഷ്യൽ മീഡിയയിലെ തട്ടിപ്പ് കെണി, യുഎഇ പോലീസിന്റെ മുന്നറിയിപ്പ്

ദുബായിൽ മികച്ച ശമ്പളമുള്ള പാർട്ട് ടൈം ജോലി വാഗ്ദാനം ചെയ്യുന്ന സോഷ്യൽ മീഡിയയിലെ വ്യാജ പരസ്യങ്ങൾക്കെതിരെ ദുബായ് പോലീസ് ശക്തമായ മുന്നറിയിപ്പ് നൽകി. ഇത്തരം കെണികൾ നിയമവിരുദ്ധ പ്രവർത്തനങ്ങളിലേക്ക് ആളുകളെ ആകർഷിക്കാനുള്ള തട്ടിപ്പാണ്.

സൈബർ സുരക്ഷാ കാമ്പയിന്റെ ഭാഗമായാണ് പോലീസ് ഈ മുന്നറിയിപ്പ് നൽകിയത്. ഈ തട്ടിപ്പ് സംഘങ്ങൾ ആളുകളെ ഉപയോഗിച്ച് അവരുടെ പേരിൽ ബാങ്ക് അക്കൗണ്ടുകൾ തുറക്കുകയും അജ്ഞാത ഉറവിടങ്ങളിൽ നിന്നുള്ള പണം സ്വീകരിക്കുകയും കൈമാറ്റം ചെയ്യുകയും ചെയ്യുന്നു. കൂടാതെ, മറ്റ് തട്ടിപ്പുകൾക്ക് ഈ അക്കൗണ്ടുകൾ ദുരുപയോഗം ചെയ്യുകയും ചെയ്യുന്നുണ്ട്.

ഈ കുറ്റകൃത്യങ്ങളിൽ കുടുങ്ങാതിരിക്കാൻ എല്ലാവരും ജാഗ്രത പാലിക്കണം എന്നും പോലീസ് ആവശ്യപ്പെട്ടു. സംശയാസ്പദമായ പരസ്യങ്ങളെക്കുറിച്ച് ശ്രദ്ധയിൽപ്പെട്ടാൽ ഇ-ക്രൈം പ്ലാറ്റ്‌ഫോം വഴിയോ ടോൾ ഫ്രീ നമ്പർ 901 വഴിയോ പോലീസിനെ അറിയിക്കണമെന്നും അഭ്യർഥിച്ചു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിൽ കടക്കെണിയിലായവർക്ക് ആശ്വാസം: വായ്പകൾ ഒറ്റ തവണയായി പുനഃക്രമീകരിക്കാം; എങ്ങനെയെന്ന് അറിയാം!

അബുദാബി ∙ യുഎഇയിൽ സാമ്പത്തികമായി പ്രയാസം നേരിടുന്നവർക്ക് അവരുടെ നിലവിലുള്ള വായ്പകളും ക്രെഡിറ്റ് കാർഡ് കടങ്ങളും ഒറ്റ വായ്പയായി പുനഃക്രമീകരിച്ച് (Restructuring/Consolidation) പ്രതിമാസ തവണകളായി അടച്ചു തീർക്കാൻ അവസരം. ബഹുമുഖ വായ്പകളുള്ള ഉപഭോക്താക്കൾക്ക് തങ്ങളുടെ ബാങ്കുകളെ സമീപിക്കാമെന്നും, ഇത്തരം അപേക്ഷകൾക്ക് ന്യായമായ പരിഗണന നൽകാൻ ബാങ്കുകൾക്ക് ബാധ്യതയുണ്ടെന്നും യുഎഇ സെൻട്രൽ ബാങ്കിന്റെ ഉപഭോക്തൃ സംരക്ഷണ മാനദണ്ഡങ്ങൾ വ്യക്തമാക്കുന്നു.

ഒന്നിലധികം ബാങ്കുകളിൽ നിന്നുള്ള വായ്പകളും ക്രെഡിറ്റ് കാർഡ് കടങ്ങളും തിരിച്ചടയ്ക്കാൻ ബുദ്ധിമുട്ടുന്ന ഒരു ഉപഭോക്താവിന്റെ ചോദ്യത്തിന് മറുപടിയായാണ് ഈ നിയമപരമായ വിശദീകരണം പുറത്തുവന്നത്.

സെൻട്രൽ ബാങ്കിന്റെ സർക്കുലർ 8/2020 പ്രകാരമുള്ള ഉപഭോക്തൃ സംരക്ഷണ മാനദണ്ഡങ്ങളിലെ ആർട്ടിക്കിൾ 5.2.4.1 അനുസരിച്ച്, സാമ്പത്തിക പ്രതിസന്ധി നേരിടുന്ന ഉപഭോക്താക്കളെ സഹായിക്കാൻ ലൈസൻസുള്ള സാമ്പത്തിക സ്ഥാപനങ്ങൾക്ക് (ബാങ്കുകൾ) ബാധ്യതയുണ്ട്:

അർഹതയുള്ള കൗൺസിലിംഗ്: ഉപഭോക്താക്കൾക്ക് കടത്തെക്കുറിച്ച് കൗൺസിലിംഗ് നൽകുക.

തുറന്ന ചർച്ച: സാമ്പത്തിക ആശങ്കകൾ തുറന്നു സംസാരിക്കാൻ ഉപഭോക്താക്കളെ പ്രോത്സാഹിപ്പിക്കുക.

പുനഃക്രമീകരണത്തിന് പരിഗണന: തിരിച്ചടവ് പ്രയാസങ്ങൾ മറികടക്കാൻ സഹായിക്കുന്ന, വായ്പകൾ പുനഃക്രമീകരിക്കുക (Rescheduling) പോലുള്ള ഇതര മാർഗ്ഗങ്ങൾക്ക് ന്യായമായ പരിഗണന നൽകുക.

പുതിയ നിബന്ധനകൾ രേഖാമൂലം നൽകണം

ബാങ്കും ഉപഭോക്താവും ഒരു പുതിയ തിരിച്ചടവ് പ്ലാനിൽ എത്തിച്ചേർന്നാൽ, 10 ബിസിനസ് ദിവസങ്ങൾക്കുള്ളിൽ പുതിയ നിബന്ധനകൾ വ്യക്തമാക്കുന്ന രേഖ ഉപഭോക്താവിന് നൽകണം. ഇതിൽ, ഓരോ പേയ്‌മെന്റും എങ്ങനെ പലിശയിലേക്കും (Interest/Profit) ബാധ്യതയിലേക്കും (Outstanding Balance) പോകുന്നു എന്ന് വ്യക്തമാക്കുന്ന ഒരു വിശദമായ പേയ്‌മെന്റ് ഷെഡ്യൂൾ ഉണ്ടായിരിക്കണം. കൂടാതെ, കുടിശ്ശിക (Arrears) വിവരങ്ങൾ ക്രെഡിറ്റ് ബ്യൂറോയെ അറിയിക്കുമെന്നും ഉപഭോക്താവിനെ രേഖാമൂലം അറിയിക്കേണ്ടതുണ്ട്.

ബാങ്കിന്റെ പരിശോധനകൾ

വായ്പ പുനഃക്രമീകരിക്കുന്നതിന് മുൻപ്, ബാങ്കുകൾ ഉപഭോക്താവിന്റെ മൊത്തത്തിലുള്ള കടബാധ്യതകൾ (സെക്യുവേർഡ്, അൺസെക്യുവേർഡ് വായ്പകൾ ഉൾപ്പെടെ) ശ്രദ്ധാപൂർവ്വം പരിശോധിക്കുകയും ക്രെഡിറ്റ് ഇൻഫർമേഷൻ ഏജൻസിയുമായി വിവരങ്ങൾ സ്ഥിരീകരിക്കുകയും ചെയ്യും.

നിയമത്തിന്റെ ഈ പിൻബലത്തോടെ, ഒന്നിലധികം കടങ്ങൾ ഒറ്റ തവണകളാക്കി മാറ്റാൻ സഹായിക്കുന്ന കൺസോളിഡേഷൻ ലോൺ അല്ലെങ്കിൽ പുനഃക്രമീകരണം ആവശ്യപ്പെട്ട് നിങ്ങൾക്ക് ബാങ്കുകളെ സമീപിക്കാം. അന്തിമ അനുമതി ബാങ്കിന്റെ പരിശോധനകൾക്കും, സെൻട്രൽ ബാങ്ക് നിശ്ചയിച്ചിട്ടുള്ള കടബാധ്യത അനുപാതം (DBR) പാലിക്കുന്നതിനും വിധേയമായിരിക്കും. എങ്കിലും, നിങ്ങളുടെ അപേക്ഷകൾ അവഗണിക്കാതെ, ന്യായവും സുതാര്യവുമായ വഴികൾ ബാങ്കുകൾ നൽകണമെന്ന് നിയമം ഉറപ്പാക്കുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

ലാൻഡ് ചെയ്യാൻ 400 അടി മാത്രം: എയർ ഇന്ത്യ ഡ്രീംലൈനർ വിമാനത്തിന്റെ റാറ്റ് പുറത്ത്; പരിശോധന

ബർമിങ്ങാം ∙ അമൃത്സറിൽനിന്ന് ബർമിങ്ങാമിലേക്ക് പുറപ്പെട്ട എയർ ഇന്ത്യയുടെ ഡ്രീംലൈനർ (AI117) വിമാനത്തിൽ ലാൻഡിങ്ങിന് തൊട്ടുമുമ്പ് റാം എയർ ടർബൈൻ (RAT) പുറത്തേക്ക് വന്നു. ഏകദേശം 400 അടി ഉയരത്തിൽ വെച്ചാണ് റാറ്റ് വിമാനത്തിന്റെ അടിയിൽ നിന്നും സജ്ജമായത്. വൈദ്യുതി സംവിധാനങ്ങളിലെ തകരാറിനെ തുടർന്ന് വിമാനത്തിലെ അത്യാവശ്യ ഘട്ടങ്ങളിൽ വൈദ്യുതി നൽകാനായി സ്വയം പ്രവർത്തിക്കുന്ന സംവിധാനമാണിത്.

എങ്കിലും, റാറ്റ് പുറത്തുവന്നെങ്കിലും വിമാനം സുരക്ഷിതമായി ലാൻഡ് ചെയ്തു. വിമാനത്തിൽ സുരക്ഷാ പ്രശ്‌നങ്ങളൊന്നുമില്ലെന്നാണ് എയർ ഇന്ത്യയുടെ പ്രാഥമിക വിശദീകരണം. വിമാനത്തിന്റെ എല്ലാ ഇലക്ട്രിക്കൽ, ഹൈഡ്രോളിക് സംവിധാനങ്ങളും സാധാരണ നിലയിലായിരുന്നു എന്നും എയർ ഇന്ത്യ അറിയിച്ചു.

എന്താണ് റാറ്റ് (RAT)?

ഒരു വിമാനത്തിലെ എല്ലാ വൈദ്യുതി സ്രോതസ്സുകളും (ജനറേറ്റർ, എപിയു, ബാറ്ററി) പ്രവർത്തനരഹിതമാകുമ്പോൾ വിമാനത്തിന്റെ അടിയിൽനിന്ന് തനിയെ പുറത്തു വരുന്ന ഒരു സംവിധാനമാണ് റാം എയർ ടർബൈൻ (RAT). കാറ്റിൽ കറങ്ങി അത്യാവശ്യ കാര്യങ്ങൾക്കുള്ള വൈദ്യുതി മാത്രം ഇത് ഉത്പാദിപ്പിക്കുന്നു. ഡ്രീംലൈനർ പോലുള്ള ചില വിമാനങ്ങളിൽ പൈലറ്റിന് ഇത് ഓൺ ആക്കാൻ കഴിയില്ല, അപകട ഘട്ടത്തിൽ തനിയെ പ്രവർത്തിക്കുകയാണ് ചെയ്യുന്നത്. എന്നാൽ, റാറ്റ് പ്രവർത്തിച്ചാൽ പോലും വിമാനത്തിന് സുരക്ഷിതമായി ലാൻഡ് ചെയ്യാൻ കഴിയണമെന്നില്ല.

സംഭവത്തെത്തുടർന്ന് വിമാനത്തിൽ വിശദമായ സുരക്ഷാ പരിശോധനകൾ നടക്കുകയാണ്. ഇതിനാൽ, ബർമിങ്ങാമിൽനിന്ന് ഡൽഹിയിലേക്കുള്ള എഐ114 വിമാനം റദ്ദാക്കി. യാത്രക്കാർക്കായി ബദൽ ക്രമീകരണങ്ങൾ ഏർപ്പെടുത്തുമെന്നും സുരക്ഷയ്ക്കാണ് പരമമായ മുൻ‌ഗണന നൽകുന്നതെന്നും എയർ ഇന്ത്യ പ്രസ്താവനയിൽ വ്യക്തമാക്കി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിൽ നിന്ന് എത്തിയ പ്രവാസിയുടെ റോളക്സ് വാച്ച് പിടിച്ചെടുത്തു; 1.8 ലക്ഷം രൂപ പിഴ അടച്ച് വീണ്ടെടുക്കാം

2024 മാർച്ച് 7-നാണ് സംഭവം. ദുബായിൽ താമസിക്കുന്ന ഇന്ത്യൻ പൗരൻ മഹേഷ് ഡൽഹി വിമാനത്താവളത്തിൽ ഇറങ്ങുമ്പോൾ കസ്റ്റംസ് ഉദ്യോഗസ്ഥർ തടഞ്ഞു. തുടർന്ന് 13,48,500 രൂപ വില വരുന്ന മോഡൽ നമ്പർ 126610LV റോളക്സ് വാച്ച് പിടിച്ചെടുത്ത് തടങ്കൽ റെസീപ്റ്റ് നൽകി. യാത്രക്കാരുടെ ബാഗേജായി സാധനങ്ങൾ എത്തിക്കുന്നതിനിടെ നിയമലംഘനം നടത്തിയെന്നും, വാച്ച് വ്യക്തിഗത ആവശ്യത്തിനല്ലാതെ വാണിജ്യ ഉപയോഗത്തിനുവേണ്ടിയുള്ളതാണെന്നും കസ്റ്റംസ് ഉദ്യോഗസ്ഥർ ആരോപിച്ചിരുന്നു.

2025 ജനുവരി 30-ന് കസ്റ്റംസ് വകുപ്പ് വാച്ച് 1.8 ലക്ഷം രൂപ പിഴ അടച്ച് വീണ്ടെടുക്കാൻ അനുമതി നൽകിയിരുന്നു. എന്നാൽ കസ്റ്റംസ് ആക്ട് പ്രകാരം ഉത്തരവ് ലഭിച്ച് 120 ദിവസത്തിനുള്ളിൽ വീണ്ടെടുക്കൽ പൂർത്തിയാക്കണമെന്ന് നിബന്ധനയുണ്ടായിരുന്നു. നിശ്ചിത കാലാവധിക്കുള്ളിൽ നടപടികൾ പൂർത്തിയാക്കാൻ കഴിഞ്ഞില്ലെങ്കിലും, മഹേഷ് കേസ് കോടതിയിൽ ഫയൽ ചെയ്തതിനെ തുടർന്ന് ഹൈക്കോടതി പ്രത്യേക അനുമതി നൽകി.

.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിൽ നവവരനിൽ നിന്ന് പിടിച്ചെടുത്തത് 80 ഗ്രാം ലഹരിമരുന്ന്; തടവ് ശിക്ഷ വിധിച്ച് കോടതി

ലഹരിക്കടത്ത് കേസിൽ പിടിയിലായ 26കാരനായ യുവാവിന് ദുബൈ കോടതി 10 വർഷം തടവ് ശിക്ഷ വിധിച്ചു. നവവരനായ യുവാവിൽ നിന്ന് 80 ഗ്രാം ലഹരിമരുന്നാണ് പോലീസ് പിടിച്ചെടുത്തത്. വിൽപ്പനയ്ക്കായി ലഹരി സൂക്ഷിച്ചിരുന്നതായി അന്വേഷണത്തിൽ വ്യക്തമായതായി അധികൃതർ അറിയിച്ചു.

.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t

യുഎഇയിലെ സോഷ്യൽമീഡിയ ഇൻഫ്‌ളുവൻസർമാർക്ക് നിയന്ത്രണങ്ങൾ; വിശദാംശങ്ങൾ അറിയാം

യുഎഇയിലെ സോഷ്യൽമീഡിയ ഇൻഫുളൻസർമാർക്ക് നിയന്ത്രണങ്ങൾ. യുഎഇ മീഡിയ കൗൺസിലാണ് സോഷ്യൽ മീഡിയ ഉള്ളടക്കങ്ങൾ നിയന്ത്രിക്കുന്നതിനായി പുതിയ നിയമങ്ങൾ പ്രഖ്യാപിച്ചത്. തെറ്റായ വിവരങ്ങളോ ദോഷകരമായ ഉള്ളടക്കങ്ങളോ പ്രസിദ്ധീകരിക്കുന്നവർക്ക് 5000 ദിർഹം മുതൽ 150,000 ദിർഹം വരെ പിഴ ചുമത്തും.

വിനാശകരമായ ആശയങ്ങൾ പ്രോത്സാഹിപ്പിക്കുകയോ യുവാക്കളെ അപമാനിക്കുകയോ ചെയ്താൽ 100,000 ദിർഹം വരെ പിഴ ലഭിക്കും. കുറ്റകൃത്യങ്ങൾക്ക് പ്രേരിപ്പിക്കൽ (കൊലപാതകം, ബലാത്സംഗം, മയക്കുമരുന്ന് ഉപയോഗം) എന്നിവയ്ക്ക് 150,000 ദിർഹം വരെ പിഴ ലഭിക്കുമെന്ന് പുതിയ നിയമത്തിൽ വ്യക്തമാക്കുന്നു.

ഇസ്ലാമിക വിശ്വാസങ്ങളെയോ മറ്റ് മതങ്ങളെയോ അനാദരിക്കുന്ന തരത്തിലുള്ള ഉള്ളടക്കങ്ങൾ പ്രസിദ്ധീകരിച്ചാൽ 1 മില്യൺ ദിർഹം വരെ പിഴ ലഭിക്കും. സംസ്ഥാന ചിഹ്നങ്ങളെയോ നേതൃത്വത്തെയോ അപമാനിക്കുന്ന തരത്തിലുള്ള ഉള്ളടക്കങ്ങൾക്ക് 500,000 ദിർഹം വരെ പിഴ. ദേശീയ ഐക്യത്തിനോ വിദേശ ബന്ധത്തിനോ തുരങ്കം വയ്ക്കുന്ന തരത്തിലുള്ള ഉള്ളടക്കങ്ങൾക്ക് 250,000 ദിർഹം വരെ പിഴയും ഭരണ സംവിധാനത്തെയോ ദേശീയ ചിഹ്നങ്ങളെയോ സംസ്ഥാന സ്ഥാപനങ്ങളെയോ അനാദരിച്ചാൽ 50,000 ദിർഹം മുതൽ 500,000 ദിർഹം വരെ പിഴയും ലഭിക്കും. സംസ്ഥാനത്തിന്റെ ആഭ്യന്തര അല്ലെങ്കിൽ അന്താരാഷ്ട്ര നയങ്ങളെ അവഹേളിച്ചാൽ 50,000 ദിർഹം മുതൽ 500,000 ദിർഹം വരെയായിരിക്കും പിഴ. വിദേശ ബന്ധങ്ങൾക്ക് ഹാനികരമോ ദേശീയ ഐക്യം/സാമൂഹിക ഐക്യം എന്നിവ തകർക്കുന്നതോ ആയ ഉള്ളടക്കം പ്രസിദ്ധീകരിക്കുന്നതിന് 250,000 ദിർഹം വരെ പിഴ ചുമത്തുന്നത്.

ഡിജിറ്റൽ, പരമ്പരാഗത മാധ്യമ മേഖലയിൽ സുതാര്യതയും ഉത്തരവാദിത്തവും ഉറപ്പാക്കുന്നതിന് മാധ്യമ പ്രവർത്തകരെയും സോഷ്യൽ മീഡിയ ഇൻഫ്‌ളുവൻസർമാരെയും സംരക്ഷിക്കുന്നതിനൊപ്പം അവരുടെ പ്രവർത്തനങ്ങൾ നിയന്ത്രിക്കുന്ന വ്യവസ്ഥകളും പുതിയ നിയമത്തിൽ ഉൾപ്പെടുന്നു.

അപകീർത്തിപ്പെടുത്തലിന് 20,000 ദിർഹം വരെ പിഴയും, അപവാദം പറഞ്ഞാൽ 20,000 ദിർഹം വരെ പിഴയും ജയിൽ ശിക്ഷയും ലഭിക്കുമെന്നും പുതിയ നിയമത്തിൽ വ്യവസ്ഥ ചെയ്യുന്നു. ലൈസൻസില്ലാതെ മാധ്യമ പ്രവർത്തനങ്ങൾ നടത്തുന്നവർക്ക് 10,000 ദിർഹം പിഴ ചുമത്തും. കുറ്റകൃത്യം ആവർത്തിക്കുകയാണെങ്കിൽ 40,000 ദിർഹം വരെ പിഴ ലഭിച്ചേക്കാം. അംഗീകാരമില്ലാതെ അധിക മാധ്യമ പ്രവർത്തനം പരിശീലിക്കുന്നതിന് 5000 ദിർഹം പിഴ ലഭിക്കും. നിയമലംഘനം ആവർത്തിച്ചാൽ 16,000 ദിർഹം വരെ പിഴ ചുമത്തുന്നതാണ്. 30 ദിവസത്തിനുള്ളിൽ ലൈസൻസ് പുതുക്കിയില്ലെങ്കിൽ പ്രതിദിനം 150 ദിർഹം പിഴയായി ലഭിക്കും. പരമാവധി 3,000 ദിർഹം പിഴ ലഭിച്ചേക്കാനിടയുണ്ട്. ട്രേഡ് ലൈസൻസ് ഇല്ലാതെ സോഷ്യൽ മീഡിയയിൽ വിൽപ്പന നടത്തുകയാണെങ്കിൽ 500,000 ദിർഹം വരെ പിഴയും സാധനങ്ങൾ കണ്ടുകെട്ടൽ, തടവ് തുടങ്ങിയവയും ലഭിക്കും.

.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t