യുഎഇ സെൻട്രൽ ബാങ്ക് ഒരു വിദേശ ഇൻഷുറൻസ് കമ്പനിയുടെ യുഎഇ ബ്രാഞ്ചിന്റെ ലൈസൻസ് റദ്ദാക്കി. സാമ്പത്തിക നിയമങ്ങൾ ലംഘിച്ചതായി കണ്ടെത്തിയതിനെ തുടർന്നാണ് ഈ നടപടി. പുതിയ ഇൻഷുറൻസ് പോളിസികൾ നൽകുന്നതിൽ നിന്ന് കമ്പനിയെ വിലക്കിയിട്ടുണ്ട്. എന്നാൽ, നിലവിൽ നൽകിയിട്ടുള്ള എല്ലാ പോളിസികളുടെയും പൂർണ ഉത്തരവാദിത്തം കമ്പനിക്ക് തന്നെയായിരിക്കുമെന്ന് സെൻട്രൽ ബാങ്ക് അറിയിച്ചു.
ഇൻഷുറൻസ് പ്രവർത്തനങ്ങളുമായി ബന്ധപ്പെട്ട് 2023-ൽ പുറത്തിറക്കിയ ഫെഡറൽ നിയമത്തിലെ ആർട്ടിക്കിൾ 33, 44 വ്യവസ്ഥകൾ പ്രകാരമാണ് ഈ നടപടി സ്വീകരിച്ചിരിക്കുന്നത്. ഇൻഷുറൻസ് മേഖലയെ നിയന്ത്രിക്കുന്ന നിയമങ്ങളിൽ പറയുന്ന സാമ്പത്തിക, ഗ്യാരണ്ടി ബാധ്യതകൾ പാലിക്കുന്നതിൽ പരാജയപ്പെട്ടതിനാലാണ് സ്ഥാപനത്തിന്റെ പ്രവർത്തനാനുമതി റദ്ദാക്കിയതെന്ന് സെൻട്രൽ ബാങ്ക് വ്യക്തമാക്കി. ലൈസൻസ് റദ്ദാക്കിയ സ്ഥാപനത്തിന്റെ പേര് വിവരങ്ങൾ നിലവിൽ പുറത്തുവിട്ടിട്ടില്ല.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t