യുഎഇയിൽ സുപ്രധാന പ്രഖ്യാപനം:152 പുതിയ പാർക്കുകൾ, ഡിജിറ്റൽ പ്രതിരോധ നയം; പൗരന്മാരുടെ ക്ഷേമത്തിന് മുൻഗണന!

ദുബൈയുടെ കിരീടാവകാശിയും എക്‌സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം നഗരാസൂത്രണം, പൗരന്മാരുടെ ഭവനം, എമിറേറ്റിൻ്റെ ഡിജിറ്റൽ പ്രതിരോധശേഷി എന്നിവ ശക്തിപ്പെടുത്തുന്നതിനായി സുപ്രധാനമായ നയരേഖകൾക്ക് അംഗീകാരം നൽകി. പൗരന്മാരുടെ ക്ഷേമത്തിന് പ്രാധാന്യം നൽകിക്കൊണ്ടുള്ള പുതിയ റെസിഡൻഷ്യൽ കമ്മ്യൂണിറ്റി പ്ലാനിംഗ് മോഡലിനാണ് അംഗീകാരം നൽകിയിരിക്കുന്നത്. ഇതിൻ്റെ ഭാഗമായി ദുബൈയിൽ 152 പുതിയ പാർക്കുകൾ സ്ഥാപിക്കും. പുതിയ പാർക്കുകൾ വഴി താമസക്കാർക്ക് 150 മീറ്റർ ദൂരത്തിനുള്ളിൽ ഒരു ഗ്രീൻ സ്‌പേസിലേക്ക് എത്താൻ സാധിക്കും. ഇതിനുപുറമെ, 33 കിലോമീറ്റർ സൈക്ലിംഗ് ട്രാക്കുകളും പൊതു സൗകര്യങ്ങളും പുതിയ കമ്മ്യൂണിറ്റികളിൽ ഒരുക്കും.ഡിജിറ്റൽ പ്രതിരോധ നയം (Digital Resilience Policy): സൈബർ സുരക്ഷയും ഡിജിറ്റൽ സേവനങ്ങളുടെ സുശക്തമായ നിലനിൽപ്പും ഉറപ്പാക്കുന്നതിനായി ‘ഡിജിറ്റൽ റെസിലിയൻസ് പോളിസി’ നടപ്പാക്കും. ദുബൈയുടെ ഡിജിറ്റൽ സേവനങ്ങൾ ശക്തിപ്പെടുത്താനും, ഏത് പ്രതിസന്ധിയിലും ഡിജിറ്റൽ സംവിധാനങ്ങൾ പ്രവർത്തനക്ഷമമായി നിലനിർത്താനും ഈ നയം സഹായിക്കും.ഈ പുതിയ നയങ്ങൾ ‘ദുബൈ സോഷ്യൽ അജണ്ട 33’ നും ‘കുടുംബ വർഷം’ (Year of the Family) പ്രഖ്യാപനത്തിനും അനുസൃതമാണ്. പൗരന്മാരുടെ ക്ഷേമവും കുടുംബ ശാക്തീകരണവുമാണ് ദുബൈയുടെ ഭാവി പദ്ധതികളുടെ അടിസ്ഥാനമെന്ന് ഷെയ്ഖ് ഹംദാൻ വ്യക്തമാക്കി. പുതിയ പദ്ധതികളിലൂടെ ലോകത്തിലെ ഏറ്റവും മികച്ചതും മനോഹരവുമായ നഗരമായി ദുബൈയെ മാറ്റിയെടുക്കുകയാണ് ലക്ഷ്യം.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

യുഎഇയിൽ മൂടൽമഞ്ഞിന് സാധ്യത; താപനില കുറയും, റെഡ് അലേർട്ട്

യുഎഇയിലെ നാഷണൽ സെൻ്റർ ഓഫ് മെറ്റിയോറോളജി (എൻസിഎം) പുറത്തുവിട്ട കാലാവസ്ഥാ പ്രവചനമനുസരിച്ച് ഡിസംബർ 7-ന് രാജ്യത്ത് പൊതുവെ തെളിഞ്ഞതും ചില പ്രദേശങ്ങളിൽ ഭാഗികമായി മേഘാവൃതവുമായ കാലാവസ്ഥയായിരിക്കും അനുഭവപ്പെടുക. പുലർച്ചെ 2 മണിമുതൽ രാവിലെ 9.30 വരെയുള്ള സമയത്ത് ചുവപ്പ്, മഞ്ഞ മുന്നറിയിപ്പുകളോടെയുള്ള മൂടൽമഞ്ഞ് സാധ്യതയുണ്ടെന്ന് എൻസിഎം അറിയിച്ചു. ദ്വീപുകളിലും ചില പടിഞ്ഞാറൻ മേഖലകളിലും താഴ്ന്ന മേഘങ്ങൾ രൂപപ്പെടാൻ സാധ്യതയുണ്ടെന്നും മുന്നറിയിപ്പുണ്ട്. ഇന്നത്തെ രാത്രിയിലും തിങ്കളാഴ്ച രാവിലെയും ചില പടിഞ്ഞാറൻ പ്രദേശങ്ങളിൽ ഈർപ്പം വർധിച്ചേക്കാം. അബുദാബിയിലും ദുബായിലും ഈർപ്പനില 30 ശതമാനം മുതൽ 85 ശതമാനം വരെ ഉയരാൻ സാധ്യതയുണ്ടെന്നു കേന്ദ്രം അറിയിച്ചു.

രാജ്യത്തിന്റെ വിവിധ ഭാഗങ്ങളിൽ പരമാവധി താപനില 31 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിലും ദുബായിലും പരമാവധി 30 ഡിഗ്രി സെൽഷ്യസ് വരെ താപനില ഉയരാൻ സാധ്യതയുള്ളപ്പോൾ, കുറഞ്ഞ താപനില അബുദാബിയിൽ 19 ഡിഗ്രി സെൽഷ്യസും ദുബായിൽ 20 ഡിഗ്രി സെൽഷ്യസും ഉൾപ്രദേശങ്ങളിൽ 10 ഡിഗ്രി സെൽഷ്യസും വരെ താഴാൻ സാധ്യതയുണ്ട്. തെക്കുകിഴക്ക് ദിശയിൽ നിന്ന് വടക്കുകിഴക്ക് ദിശയിലേക്കായി നേരിയതോ മിതമായതോ ആയ കാറ്റ് വീശും. മണിക്കൂറിൽ 10 മുതൽ 20 കിലോമീറ്റർ വരെയായിരിക്കും കാറ്റിന്റെ വേഗത, ചില സമയങ്ങളിൽ ഇത് 30 കിലോമീറ്റർ വരെ എത്താൻ സാധ്യതയുണ്ടെന്നും അറിയിച്ചു. അറബിക്കടലിലും ഒമാൻ കടലിലും കടൽ പൊതുവെ ശാന്തമായിരിക്കുമെന്നും എൻസിഎം വ്യക്തമാക്കി.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt