ദുബായ് സ്വർണ്ണ വിപണിയിൽ വില കുതിച്ചുയർന്ന് പുതിയ റെക്കോർഡുകൾ സൃഷ്ടിക്കുന്നു. തുടർച്ചയായ മൂന്ന് ആഴ്ചകളുടെ ഉയർച്ചയ്‌ക്ക് ശേഷം, വ്യാഴാഴ്ച സ്വർണ്ണവില ചരിത്രത്തിലാദ്യമായി ഗ്രാമിന് 500 ദിർഹം എന്ന നിരക്കിനെ പിന്നിട്ടു. രാവിലെ 24 കാരറ്റ് സ്വർണ്ണത്തിന് 508.25 ദിർഹമാണ് രേഖപ്പെടുത്തിയത്. ബുധനാഴ്ച വൈകുന്നേരത്തെ 504.75 ദിർഹത്തിൽ നിന്ന് ശ്രദ്ധേയമായ ഉയർച്ചയാണിത്. 22 കാരറ്റ് സ്വർണ്ണവിലയും കൂടിവന്ന് ഗ്രാമിന് 470.50 ദിർഹമായി. കഴിഞ്ഞ വ്യാഴാഴ്ച 440 ദിർഹം എന്ന താഴ്ന്ന നിരക്കിൽ നിന്ന് വിപണി ശക്തമായി മടങ്ങിയെത്തിയതിന്റെ തെളിവാണ് ഈ വർധന. ആഗോളതലത്തിൽ സ്വർണ്ണവില 2,155 ഡോളർ എന്ന നിർണായക പ്രതിരോധ നിരക്ക് കടന്നതിനുശേഷമാണ് ഈ കുതിച്ചുചാട്ടം ഉണ്ടായത്. യുഎസ് ഫെഡറൽ റിസർവ് പലിശനിരക്ക് കുറയ്ക്കുമെന്ന പ്രതീക്ഷ നിക്ഷേപകരെ സ്വർണത്തിലേക്ക് നയിച്ച പ്രധാന ഘടകമാണ്. പലിശ നിരക്ക് താഴുന്നത് ഡോളറെ ദുർബലമാക്കുകയും സ്വർണത്തെ കൂടുതൽ ആകർശകവും സുരക്ഷിതവുമായ നിക്ഷേപമാക്കുകയും ചെയ്യുന്നു.

വില കുത്തനെ ഉയർന്നിട്ടും, ദുബായ് റീട്ടെയിൽ വിപണിയിൽ ഉപഭോക്താക്കൾ സ്വർണവാങ്ങൽ തുടർക്കഥയാക്കുകയാണ്. ആഗോള സാമ്പത്തിക അനിശ്ചിതത്വങ്ങളെ നേരിടാനുള്ള സുരക്ഷിത നിക്ഷേപവഴിയെന്ന നിലയിലാണ് സ്വർണത്തെ അവർ കാണുന്നത്. വിപണിയിലെ ഈ പ്രവണത സ്വർണം പ്രതിസന്ധിക്കാലങ്ങളിൽ എപ്പോഴും വിശ്വസനീയ നിക്ഷേപമാണെന്നതിനുള്ള വ്യക്തമായ സൂചനയാണെന്ന് വിദഗ്ധർ വിലയിരുത്തുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

യുഎഇയിലെ മൃഗസംരക്ഷണ കേന്ദ്രത്തിൽ വൻ തീപിടുത്തം

യുഎഇയിലെ മൃഗസംരക്ഷണ കേന്ദ്രത്തിൽ വൻ തീപിടുത്തം. അൽദൈദിലെ മൃഗ സംരക്ഷണ കേന്ദ്രത്തിലാണ് തീപിടുത്തം ഉണ്ടായത്. ഷാർജ സിവിൽ ഡിഫൻസ് അഗ്നിശമന സേനാംഗങ്ങൾ ഉടൻ സംഭവ സ്ഥലത്തെത്തി തീ നിയന്ത്രണ വിധേയമാക്കി. തീപിടുത്തത്തെ തുടർന്ന് പ്രദേശമാകെ പുകപടലങ്ങൾ ഉയർന്നിരുന്നു. നിലവിൽ തീ പൂർണ്ണമായും നിയന്ത്രണവിധേയമായെന്നും തീപിടുത്തത്തിന്റെ കാരണം കണ്ടെത്താനുള്ള അന്വേഷണം ആരംഭിച്ചതായും അധികൃതർ വ്യക്തമാക്കി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

ഡിജിറ്റൽ ദിർഹം: യുഎഇയിൽ ശമ്പളവും പേയ്മെന്റുകളും ഇനി ഇ-കറൻസിയിൽ? പുതിയ നിയമം പ്രാബല്യത്തിൽ

യുഎഇയിൽ ഡിജിറ്റൽ ദിർഹത്തെ ഔദ്യോഗിക കറൻസിയായി അംഗീകരിച്ചുകൊണ്ടുള്ള പുതിയ നിയമം പ്രാബല്യത്തിൽ വന്നു. ഫെഡറൽ ഡിക്രി നിയമം നമ്പർ (6) ഓഫ് 2025 അനുസരിച്ച്, ഇനി മുതൽ യുഎഇ ദിർഹം നോട്ടുകൾ, നാണയങ്ങൾ, ഡിജിറ്റൽ രൂപങ്ങൾ എന്നിവയായി നിലനിൽക്കും. ഇതോടെ, ഡിജിറ്റൽ ദിർഹം പുറത്തിറക്കുന്നതിനും നിയന്ത്രിക്കുന്നതിനുമുള്ള വ്യക്തമായ നിയമപരമായ അടിസ്ഥാനമാണ് സെൻട്രൽ ബാങ്ക് ഓഫ് യുഎഇക്കു (CBUAE) ലഭിക്കുന്നത്. നിയമത്തിന്റെ വിശദമായ നടപ്പാക്കൽ ചട്ടങ്ങൾ ഉടൻ പ്രസിദ്ധീകരിക്കും.

ശമ്പളവും വാങ്ങലുകളും ഉൾപ്പെടെ വ്യാപക ഉപയോഗത്തിന് വഴി തുറക്കും

ഡിജിറ്റൽ ദിർഹം ഭാവിയിൽ ശമ്പളം, റീട്ടെയിൽ വാങ്ങലുകൾ, പണമയക്കൽ എന്നിവയ്‌ക്കായി സാധാരണയായി ഉപയോഗിക്കപ്പെടാനിടയുണ്ടെന്ന് അൽ തമീമി & കമ്പനിയിലെ പങ്കാളി അലി അവാദ് വ്യക്തമാക്കി.

യുഎഇയിലെ ആദ്യ സർക്കാർ ഇടപാട് ഡിജിറ്റൽ ദിർഹം ഉപയോഗിച്ച് പൂർത്തിയായി

കഴിഞ്ഞ ചൊവ്വാഴ്ച, ധനകാര്യ മന്ത്രാലയവും ദുബായ് ധനകാര്യ വകുപ്പും CBUAE യുമായി ചേർന്ന് ഡിജിറ്റൽ ദിർഹം ഉപയോഗിച്ച് യുഎഇയിലെ ആദ്യത്തെ സർക്കാർ ധനകാര്യ ഇടപാട് വിജയകരമായി പൂർത്തിയാക്കി.
പേയ്മെന്റ് പ്രക്രിയകൾ ലളിതമാക്കുകയും, ഇടപാട് ചെലവ് കുറയ്ക്കുകയും, തൽക്ഷണ തീർപ്പാക്കൽ സാധ്യമാക്കുകയും ചെയ്യുന്നതാണ് ഡിജിറ്റൽ ദിർഹത്തിന്റെ പ്രാധാന്യം.

ഘട്ടം ഘട്ടമായി അവതരിപ്പിക്കും

ഡിജിറ്റൽ ദിർഹം ഘട്ടം ഘട്ടമായി പുറത്തിറക്കാനുള്ള പദ്ധതിയാണ് CBUAE മുന്നോട്ട് വെച്ചിരിക്കുന്നത്. ഇത് യുഎഇയുടെ പേയ്മെന്റ് സിസ്റ്റത്തിന്റെ കാര്യക്ഷമതയും ധനനയത്തിന്റെ ശക്തിയും വർധിപ്പിക്കുമെന്ന് പ്രതീക്ഷിക്കുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt