ഖത്തറിൽ ഇൻഡസ്ട്രിയൽ ഏരിയയിൽ നിരവധി റസ്റ്ററന്റുകളിൽ പരിശോധന നടത്തി മന്ത്രാലയം

ഇൻഡസ്ട്രിയൽ ഏരിയയിലെ തൊഴിലാളികൾക്കായി ഭക്ഷണം നൽകുന്ന റസ്റ്റോറന്റുകൾ, കഫറ്റീരിയകൾ, കമ്പനി മെസ്സുകൾ എന്നിവയെ കേന്ദ്രീകരിച്ച് പൊതുജനാരോഗ്യ മന്ത്രാലയം (MoPH) വ്യാപക പരിശോധന കാമ്പയിൻ നടത്തി. 2025 ജൂൺ മുതൽ ഒക്ടോബർ വരെ നീണ്ടുനിന്ന കാമ്പയിന്റെ ലക്ഷ്യം ഭക്ഷ്യസുരക്ഷാ മാനദണ്ഡങ്ങൾ പാലിക്കുന്നുണ്ടോയെന്നും ഭക്ഷണം കൈകാര്യം ചെയ്യുന്നിടങ്ങളിൽ ശുചിത്വം ഉറപ്പാക്കുന്നതുമായിരുന്നുവെന്ന് മന്ത്രാലയം അറിയിച്ചു. ഈ കാലയളവിൽ 479 റെസ്റ്റോറന്റുകളും കഫറ്റീരിയകളും, ഏകദേശം 95,000 തൊഴിലാളികൾക്ക് ഭക്ഷണം നൽകുന്ന 191 കമ്പനി മെസ്സുകളും പരിശോധിച്ചു. ആവശ്യമായ ഇടങ്ങളിൽ മെച്ചപ്പെടുത്തലുകൾ നടത്തി എന്നുറപ്പാക്കാൻ ഓരോ കേന്ദ്രത്തിലും മൂന്നു പ്രാവശ്യം വരെ ഇൻസ്‌പെക്ഷൻ നടത്തി.

പരിശോധനയുടെ ഭാഗമായി 1,813 ഭക്ഷണ സാമ്പിളുകൾ ശേഖരിച്ചുവെന്ന് MoPH അറിയിച്ചു. എല്ലാ സാമ്പിളുകളും ആരോഗ്യ സുരക്ഷാ മാനദണ്ഡങ്ങൾ പാലിക്കുന്നതായും കണ്ടെത്തി. മൊത്തത്തിൽ 1,650-ൽ അധികം ഇൻസ്‌പെക്ഷൻ സന്ദർശനങ്ങളാണ് നടത്തിയതെന്നും, ആദ്യ പരിശോധനയ്ക്ക് ശേഷം 82 ശതമാനത്തിലധികം ഭക്ഷണ കേന്ദ്രങ്ങളുടെ റേറ്റിംഗ് മെച്ചപ്പെട്ടതായും റിപ്പോർട്ട് ചൂണ്ടിക്കാട്ടുന്നു. മന്ത്രാലയത്തിന്റെ “WATHEQ” ഭക്ഷ്യസുരക്ഷാ സംവിധാനത്തിലെ ഡാറ്റപ്രകാരം, കമ്പനികളുടെ ഭക്ഷണ കേന്ദ്രങ്ങളിൽ 44 ശതമാനം ‘മികച്ചത്’ എന്ന റേറ്റിംഗ് നേടി, 85 ശതമാനം കേന്ദ്രങ്ങൾക്കും ‘ഇടത്തരം’ അല്ലെങ്കിൽ അതിലും ഉയർന്ന റേറ്റിംഗ് ലഭിച്ചു. ശുചിത്വവും ഭക്ഷ്യസുരക്ഷാ മാനദണ്ഡങ്ങളും പാലിക്കുന്നതിൽ ഇപ്പോഴും കൂടുതൽ പുരോഗതിക്കുള്ള സാധ്യതകളുണ്ടെന്നും ശേഷിക്കുന്ന കേന്ദ്രങ്ങളിൽ പൂർണ്ണ പരിശോധനയും ഭക്ഷണം കൈകാര്യം ചെയ്യുന്നവർക്കായി പരിശീലന പരിപാടികളും തുടരുമെന്നും MoPH വ്യക്തമാക്കി.ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Cy3g5xfb5OSLA1HSZk7JwK?mode=wwt

നോർക്ക കെയര്‍: പ്രവാസികള്‍ക്ക് രജിസ്റ്റര്‍ ചെയ്യാം; അവസാനിക്കാൻ വിരലിലെണ്ണാവുന്ന ദിവസങ്ങൾ മാത്രം

പ്രവാസി മലയാളികൾക്കായി നോർക്ക റൂട്ട്‌സ് നടപ്പിലാക്കുന്ന സമഗ്ര ആരോഗ്യ–അപകട ഇൻഷുറൻസ് പദ്ധതിയായ നോർക കെയറിൽ എൻറോൾ ചെയ്യാനുള്ള അവസാന തീയതി 2025 നവംബർ 30 ആണ്. സാധുവായ നോർക്ക പ്രവാസി ഐഡി, സ്റ്റുഡന്റ് ഐഡി, എൻആർകെ ഐഡി കാർഡുകൾ ഉള്ള പ്രവാസികൾക്ക് പദ്ധതിയിൽ ചേരാൻ കഴിയും. രജിസ്ട്രേഷൻ നോർക്ക റൂട്ട്‌സിന്റെ ഔദ്യോഗിക വെബ്‌സൈറ്റ് വഴിയോ മൊബൈൽ ആപ്പുകൾ വഴിയോ പൂർത്തിയാക്കാം. പദ്ധതി പ്രകാരം ഒരു കുടുംബത്തിന് (ഭർത്താവ്, ഭാര്യ, 25 വയസ്സിൽ താഴെയുള്ള രണ്ട് മക്കൾ) ₹13,411 പ്രീമിയത്തിൽ അഞ്ച് ലക്ഷം രൂപയുടെ ആരോഗ്യ ഇൻഷുറൻസും 10 ലക്ഷം രൂപയുടെ ഗ്രൂപ്പ് പേഴ്സണൽ അപകട ഇൻഷുറൻസും ലഭിക്കും. 25 വയസ്സിൽ താഴെയുള്ള ഓരോ അധിക കുട്ടിക്കായി ₹4,130 ആണ് പ്രീമിയം. വ്യക്തിഗത ഇൻഷുറൻസിന് (18–70 വയസ്സ്) ₹8,101 രൂപയാണ്. രാജ്യത്തുടനീളം 18,000-ത്തിലധികം ആശുപത്രികളിലും കേരളത്തിലെ 500-ത്തിലധികം ആശുപത്രികളിലും ക്യാഷ്‌ലസ് ചികിത്സ ലഭ്യമാക്കുന്നതാണ് പദ്ധതി. പദ്ധതിയിൽ ചേരാൻ സഹായം ആവശ്യമായവർക്ക് നോർക്ക ആസ്ഥാനത്ത് വീഡിയോ കോൺഫറൻസിങ്ങ് വഴിയുള്ള സഹായ സംവിധാനം ലഭ്യമാണ്. 2025 നവംബർ 30 വരെ എല്ലാ പ്രവൃത്തി ദിവസങ്ങളിലും ഉച്ചയ്ക്ക് മൂന്ന് മുതൽ 3.45 വരെ സഹായം ലഭിക്കും. വീഡിയോ കാൾ വഴി പ്രവേശനം നോർക്ക റൂട്ട്‌സ് വെബ്സൈറ്റിലൂടെ നടക്കുമെന്ന് അധികൃതർ അറിയിച്ചു.ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Cy3g5xfb5OSLA1HSZk7JwK?mode=wwt

ഖത്തറിൽ പരീക്ഷാ സമയത്ത് സ്‌കൂളുകൾക്കായി പുതിയ മാർഗ്ഗനിർദ്ദേശങ്ങൾ

സ്കൂളുകളുടെ പ്രവർത്തനക്ഷമത വർധിപ്പിക്കുകയും പരീക്ഷാകാലത്ത് വിദ്യാർത്ഥികൾക്ക് സുരക്ഷിതവും സുഗമവും ആയ അന്തരീക്ഷം ഉറപ്പാക്കുകയും ചെയ്യുന്നതിനായി വിദ്യാഭ്യാസ, ഉന്നത വിദ്യാഭ്യാസ മന്ത്രാലയം പുതിയ സർക്കുലർ പുറത്തിറക്കി. പരീക്ഷകൾ കഴിഞ്ഞ ഉടൻ വിദ്യാർത്ഥികളെ വിട്ടയക്കുന്നതിനും ഗ്രേഡിംഗ്, തിരുത്തൽ, സർട്ടിഫിക്കേഷൻ നടപടികൾ സമയബന്ധിതമായി, കർശനമായ ഗുണനിലവാര മാനദണ്ഡങ്ങളോടെ പൂർത്തിയാക്കുന്നതിനുമായി നിർദ്ദേശങ്ങൾ സർക്കുലറിൽ ഉൾപ്പെടുത്തിയിട്ടുണ്ട്.

ഔദ്യോഗിക പ്രവൃത്തി ദിവസത്തിന്റെ അവസാന സമയത്തിന് രണ്ട് മണിക്കൂർ മുമ്പ് വരെ സ്കൂൾ ജീവനക്കാർക്ക് ജോലിയിൽ നിന്ന് ഒഴിവാകാൻ അനുവാദം നൽകാമെന്നാണ് മന്ത്രാലയം വ്യക്തമാക്കുന്നത്. എന്നാൽ മുലയൂട്ടുന്ന അമ്മമാർക്കുള്ള പ്രത്യേക കുറവുള്ള ജോലി സമയം ഇതിൽ ഉൾപ്പെടുത്തിയിട്ടില്ല. പ്രത്യേക അനുമതിയില്ലാതെ ദിവസവും രണ്ട് മണിക്കൂറിൽ കൂടുതൽ നേരത്തെ ഒഴിവാക്കൽ അനുവദനീയമല്ലെന്നും സർക്കുലറിൽ പറയുന്നു. വിദ്യാർത്ഥികളും അധ്യാപകരും പരീക്ഷാ കാലത്ത് നേരിടുന്ന സമ്മർദ്ദം കുറച്ച്, അക്കാദമിക് നിലവാരം ഉയർന്ന നിലയിൽ നിലനിർത്തുകയെന്നതാണ് പുതുക്കിയ മാർഗ്ഗനിർദ്ദേശങ്ങളുടെ പ്രധാന ലക്ഷ്യമെന്ന് മന്ത്രാലയം വ്യക്തമാക്കി.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Cy3g5xfb5OSLA1HSZk7JwK?mode=wwt