വ്യോമയാന രംഗത്ത് അവസരങ്ങളുടെ വാതിൽ തുറന്ന് യുഎഇ വിമാന കമ്പനികൾ. കൈനിറയെ തൊഴിലവസരങ്ങളുമായി ഉദ്യോഗാർത്ഥികളെ ക്ഷണിക്കുകയാണ് വിവിധ എയർലൈനുകൾ. എമിറേറ്റ്സ്, ഇത്തിഹാദ്, ഫ്ലൈദുബൈ, എയർ അറേബ്യ എന്നീ എയർലൈനുകളാണ് ഔദ്യോഗിക വെബ്സൈറ്റുകളിലൂടെ തൊഴിലവസരങ്ങൾ പ്രഖ്യാപിച്ചിരിക്കുന്നത്. ക്യാബിൻ ക്രൂ, പൈലറ്റ്, എഞ്ചിനീയർമാർ, സപ്പോർട്ട് സ്റ്റാഫ് എന്നിങ്ങനെ വിവിധ തസ്തികകളിലാണ് തൊഴിലവസരങ്ങളുള്ളത്.
എമിറേറ്റ്സ് എയർലൈൻസ് ദുബൈയിൽ റിക്രൂട്ട്മെൻറ് സംഘടിപ്പിക്കുന്നുണ്ട്.
മെയിൻറനൻസ് ടെക്നീഷ്യൻസ്
ക്യാബിൻ ക്രൂ റിക്രൂട്ട്മെൻറ് അഡ്വൈസർമാർ
എയർപോർട്ട് സർവീസ് ഏജൻറുമാർ
ബിസിനസ് സപ്പോർട്ട് ഓഫീസർമാർ
പോർട്ടർമാർ
സെയിൽസ് സപ്പോർട്ട് ഏജൻറുമാർ
പൈലറ്റുമാർ എന്നീ ഒഴിവുകളാണ് എമിറേറ്റ്സ് റിപ്പോർട്ട് ചെയ്തിട്ടുള്ളത്.
ക്യാബിൻ ക്രൂ തൊഴിലവസരങ്ങളും എമിറേറ്റ്സ് എയർലൈൻസ് റിപ്പോർട്ട് ചെയ്തിട്ടുണ്ട്. ക്യാബിൻ ക്രൂവായി തെരഞ്ഞെടുക്കപ്പെടുന്നവർക്ക് അ‍ടിസ്ഥാന ശമ്പളം – പ്രതിമാസം 4,430 ദിർഹം.
ഫ്ലൈയിങ് പേ- 63.75 ദിർഹം / മണിക്കൂർ (80-100 മണിക്കൂർ, അല്ലെങ്കിൽ മാസം)
ശരാശരി ആകെ മാസ ശമ്പളം – 10,170 ദിർഹം.
ശമ്പളത്തിന് പുറമെ ലേഓവറുകൾക്ക് ഹോട്ടൽ താമസം, എയർപോർട്ടിലേക്കുള്ള ഗതാഗത സൗകര്യം, അന്താരാഷ്ട്ര ഭക്ഷണ അലവൻസുകൾ എന്നിവ ഉണ്ടായിരിക്കും.
ഇത്തിഹാദ്
ഇത്തിഹാദ് എയർവേയ്സിൽ 70 ഒഴിവുകളാണ് ഉള്ളത്. ക്യാബിൻ ക്രൂ, പൈലറ്റ്, ക്യാപ്റ്റൻ, സെയിൽസ് ഓഫീസർമാർ എന്നീ തസ്തികകളിലാണ് തൊഴിലവസരങ്ങളുള്ളത്. ഫ്ലൈദുബൈയിലും നിരവധി തൊഴിലവസരങ്ങളുണ്ട്. ഉദ്യോഗാർത്ഥികൾ എയർലൈൻറെ ഔദ്യോഗിക കരിയർ പോർട്ടൽ വഴി അപേക്ഷകൾ അയയക്കണമെന്ന് ഫ്ലൈ ദുബൈ അറിയിച്ചു. ക്യാബിൻ ക്രൂ, പൈലറ്റ്, ഗ്രൗണ്ട് ഓപ്പറേഷൻസ്, എഞ്ചിനീയറിങ് എന്നീ വിഭാഗങ്ങളിലാണ് എയർ അറേബ്യയിൽ തൊഴിലവസരങ്ങളുള്ളത്. വിശദ വിവരങ്ങൾക്ക് ഈ എയർലൈനുകളുടെ വെബ്സൈറ്റുകൾ സന്ദർശിക്കുക.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t