Pravasiinfo

നിക്ഷേപത്തിലേയ്ക്ക് എത്തുമ്പോൾ ഏവരും ആദ്യം നോക്കുന്നത് റിട്ടേൺ തന്നെ. ഇന്ത്യൻ ഓഹരി വിപണികളുടെ റിസ്‌ക് എടുക്കാൻ താൽപ്പര്യമില്ലാത്ത ഏവരും തെരഞ്ഞെടുക്കുന്ന ഓപ്ഷൻ ഫിക്‌സഡ് ഡൊപ്പോസിറ്റുകൾ അഥവാ സ്ഥിര നിക്ഷേപങ്ങളാണ്. കൊവിഡിനു ശേഷം രാജ്യത്തെ നിക്ഷേപ നിരക്കുകൾ മുകളിലാണ്. എന്നാൽ അധികം വൈകാതെ ആർബിഐ നിരക്കു കുറ്‌യ്ക്കൽ ആരംഭിക്കുമെന്ന് ഉറപ്പാണ്. ഇതോടെ സ്ഥിര നിക്ഷേപ പലിശയും ആകർഷകമല്ലാതാകും. പണപ്പെരുപ്പം ഇപ്പോഴും വെല്ലുവിളിയായി തുടരുന്നുവെന്ന് മറക്കരുത്.

പണപ്പെരുപ്പം ഒരു വശത്തും, മറുവശത്ത് നിരക്ക് കുറയ്ക്കലും പരിഗണിക്കുമ്പോൾ നിക്ഷേപകർ മറ്റു മാർഗങ്ങൾ തേടേണ്ടി വരുമെന്ന് ഉറപ്പാണ്. ഇവിടെയാണ് സർക്കാർ ബോണ്ടുകൾ വ്യത്യസ്തമാകുന്നത്. പലർക്കും സർക്കാർ ബോണ്ടുകളെ പറ്റി വേണ്ടത്ര അറിവില്ലെന്നതാണ് പ്രശ്‌നം. ഇന്ത്യയിലെ കേന്ദ്ര- സംസ്ഥാന സർക്കാരുകൾ ബോണ്ടുകൾ പുറത്തിറക്കുന്നുണ്ട്.

ധനസമ്പാദനം തന്നെയാണ് സർക്കാർ ബോ്ണ്ടുകൾ വഴി ലക്ഷ്യമിടുന്നത്. ഒരു സാമ്പത്തിക പ്രശ്‌നം, അല്ലെങ്കിൽ അടിസ്ഥാന സൗകര്യ വികസനത്തിന് പണം ആവശ്യമായി വരുമ്പോൾ സർക്കാരുകൾ ബോണ്ടുകൾ ഇറക്കുന്നു. ഇവ സർക്കാരാണ് ഇറക്കുന്നത്. അതിനാൽ തന്നെ ഉയർന്ന സുരക്ഷ വാഗ്ാദനം ചെയ്യുന്നു. ഇതു ബോണ്ട് പുറത്തിറക്കുന്ന സർക്കാരും നിക്ഷേപകനും തമ്മിലുള്ള ഒരു കരാറാണ്. ഒരു നിശ്ചിത തീയതിയിൽ ബോണ്ടിന്റെ അടിസ്ഥാന തുക തിരികെ നൽകാമെന്നും നിക്ഷേപകരുടെ കൈവശമുള്ള ബോണ്ടിന്റെ മുഖവിലയ്ക്ക് പലിശ നൽകാമെന്നുമുള്ള വാഗ്ദാനം.

ഇന്ത്യയിലെ ഏറ്റവും മികച്ച 10 സർക്കാർ ബോണ്ടുകളാണ് താഴെ പറയുന്നത്.

തമിഴ്‌നാട് ജനറേഷൻ ആൻഡ് ഡിസ്ട്രിബ്യൂഷൻ കോർപ്പറേഷൻ ലിമിറ്റഡ്

കൂപ്പൺ റേറ്റ്: 9.72%
വരുമാനം: 13.50%
ക്രെഡിറ്റ് റേറ്റിംഗ്: എ

കർണാടക സ്‌റ്റേറ്റ് ഫിനാൻഷ്യൽ കോർപ്പറേഷൻ

കൂപ്പൺ റേറ്റ്: 9.24%
വരുമാനം: 12.08%
ക്രെഡിറ്റ് റേറ്റിംഗ്: എഎ

വെസ്റ്റ് ബംഗാൾ സ്‌റ്റേറ്റ് ഇലക്ട്രിക്‌സിറ്റി ഡിസ്ട്രിബ്യൂഷൺ കമ്പനി

കൂപ്പൺ റേറ്റ്: 9.34%
വരുമാനം: 11.95%
ക്രെഡിറ്റ് റേറ്റിംഗ്: എ

ഇൻഡെൽ മണി ലിമിറ്റഡ്

കൂപ്പൺ റേറ്റ്: 0%
വരുമാനം: 11.88%
ക്രെഡിറ്റ് റേറ്റിംഗ്: ബിബിബി

പഞ്ചാബ് ഇൻഫ്രസ്ട്രക്ച്ചർ ഡെവലപ്‌മെന്റ് ബോർഡ്

കൂപ്പൺ റേറ്റ്: 0.40%
വരുമാനം: 11.70%
ക്രെഡിറ്റ് റേറ്റിംഗ്: ബിബിബി

രാജസ്ഥാൻ രാജ്യ വിദ്യുത് പ്രസരൺ നിഗം ലിമിറ്റഡ്

കൂപ്പൺ റേറ്റ്: 0%
വരുമാനം: 11%
ക്രെഡിറ്റ് റേറ്റിംഗ്: എ

തമിഴ്‌നാട് ജനറേഷൻ ആൻഡ് ഡിസ്ട്രിബ്യൂഷൻ കോർപ്പറേഷൻ ലിമിറ്റഡ് (ഡിഫറന്റ് ബോണ്ട്)

കൂപ്പൺ റേറ്റ്: 10%
വരുമാനം: 10.73%
ക്രെഡിറ്റ് റേറ്റിംഗ്: എ

വെസ്റ്റ് ബംഗാൾ സ്‌റ്റേറ്റ് ഇലക്ട്രിക്‌സിറ്റി ഡിസ്ട്രിബ്യൂഷൺ കമ്പനി (ഡിഫറന്റ് ബോണ്ട്)

കൂപ്പൺ റേറ്റ്: 10.85%
വരുമാനം: 10.71%
ക്രെഡിറ്റ് റേറ്റിംഗ്: എ

ഗ്രേറ്റർ ഹൈദരാബാദ് മുൻസിപ്പൽ കോർപ്പറേഷൻ

കൂപ്പൺ റേറ്റ്: 9.38%
വരുമാനം: 10.55%
ക്രെഡിറ്റ് റേറ്റിംഗ്: എഎ

എന്താണ് കൂപ്പൺ റേറ്റ്?

ബോണ്ടിന്റെ മുഖവിലയ്ക്ക് ആനുപാതികമായി ബോണ്ട് ഉടമകൾക്ക് നൽകുന്ന വാർഷിക പലിശ നിരക്കാണ് കൂപ്പൺ നിരക്ക്. ഇത് ബോണ്ടിന്റെ കാലയളവിന് സമാനമായി നിലനിൽക്കുന്ന ഒരു നിശ്ചിത നിരക്കാണ്. പ്രതിവർഷം അടച്ച കൂപ്പണുകളുടെ ആകെ തുകയെ ബോണ്ടിന്റെ മുഖവിലകൊണ്ട് ഹരിച്ചാൽ കൂപ്പൺ റേറ്റ് ലഭിക്കും.

ബോണ്ട് യീൽഡ് എന്നാൽ ഒരു നിക്ഷേപകന് ബോണ്ടിൽ നിന്നു ലഭിക്കുന്ന വരുമാനം ആണ്. മറ്റൊരു രീതിയിൽ പറഞ്ഞാൽ അത് മൂലധന നിക്ഷേപത്തിന്റെ വരുമാനമാണ്. ബോണ്ടിന്റെ വിലയുമായി താരതമ്യപ്പെടുത്തി ഒരു നിക്ഷേപകന് ലഭിക്കുന്ന പലിശ പേയ്‌മെന്റുകളും, പ്രിൻസിപ്പലും കണക്കാക്കിയാണ് യീൽഡ് കണക്കാക്കുന്നത്. ബോണ്ട് യീൽഡ് ബോണ്ട് വിലയിൽ നിന്ന് വ്യത്യസ്തമാണെന്ന് പ്രത്യേകം ഓർക്കുക. ഇവ രണ്ടും വിപരീത ബന്ധം പുലർത്തുന്നു. അതായത് ബോണ്ടിന്റെ വില കൂടുമ്പോൾ യീൽഡ് കുറയും.