സായിദ് രാജ്യാന്തര വിമാനത്താവളത്തിൽ വിമാന കമ്പനികളുടെ ബുക്കിങ് സീറ്റ് ശേഷിയിൽ 16.6 ശതമാനം വളർച്ച. പ്രതിവർഷം 4.5 കോടി യാത്രക്കാരെ സ്വീകരിക്കാൻ കഴിയും എന്നതാണ് വിമാനത്താവളത്തിന്റെ പ്രത്യേകത. ഒരേ സമയം 79 വിമാനങ്ങൾക്ക് പറന്നിറങ്ങാനാകും. ഈ വർഷം രണ്ടാം പാദത്തോടെ 1.2 കോടി സീറ്റു ശേഷി അബുദാബിയുമായി ബന്ധിപ്പിച്ചുള്ള സർവീസുകൾക്കുണ്ടാകും. കഴിഞ്ഞ വർഷം ഇത് 80.8 ലക്ഷമായിരുന്നു. വൺവേ സീറ്റ് ശേഷി ഈ വർഷം മുൻ വർഷത്തെ അപേക്ഷിച്ച് 14.8 ശതമാനം വർധിക്കും. 2024 ൽ അബുദാബി വിമാനത്താവളം 2.94 യാത്രക്കാരാണ് ഉപയോഗിച്ചത്.
മുൻവർഷത്തെ അപേക്ഷിച്ച് 28 ശതമാനം വർധന. നിലവിൽ 125 വിമാനത്താവളങ്ങളിലേക്ക് ഇവിടെ നിന്ന് സർവീസുണ്ട്. 2024 ൽ മാത്രം പുതിയ 29 വിമാനത്താവളങ്ങളിലേക്ക് അബുദാബിയിൽ നിന്നു സർവീസുകൾ ആരംഭിച്ചു. പത്ത് പുതിയ വിമാനക്കമ്പനികളും സർവീസിൽ കണ്ണി ചേർന്നു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/Dkr4HqQL4ZcCnF60iKb3SK?mode=ac_t