റമസാൻ: യുഎഇയിൽ പൊതുഗതാഗത, പാർക്കിങ് സമയം പുതുക്കി

റമദാൻ മാസത്തോടനുബന്ധിച്ച് അബുദാബിയിലെ പൊതുഗതാഗത സംവിധാനങ്ങളുടെയും പാർക്കിങ് സേവനങ്ങളുടെയും സമയക്രമത്തിൽ മാറ്റം പ്രഖ്യാപിച്ചു. ഗതാഗത തിരക്ക് ഒഴിവാക്കാൻ ‘ദർബ്’ ആപ്പ് ഉപയോഗിക്കണമെന്ന് അബുദാബി മൊബിലിറ്റ) പൊതുജനങ്ങളോട് അഭ്യർഥിച്ചു.

▪ പാർക്കിങ്

തിങ്കൾ മുതൽ ശനി വരെ രാവിലെ 8.00 മുതൽ അർധരാത്രി 12.00 വരെ പാർക്കിങ് ഫീസ് ബാധകമാണ്. ഞായറാഴ്ചകളും പൊതു അവധി ദിവസങ്ങളും സൗജന്യമായിരിക്കും.

▪ ടോൾ ഗേറ്റ്

തിങ്കൾ മുതൽ ശനി വരെ തിരക്കേറിയ സമയങ്ങളിൽ മാത്രം ടോൾ ഈടാക്കും — രാവിലെ 8.00 മുതൽ 10.00 വരെയും വൈകിട്ട് 4.00 മുതൽ 6.00 വരെയും. മറ്റു സമയങ്ങളിലും ഞായറാഴ്ചകളും പൊതു അവധി ദിവസങ്ങളിലും ടോൾ സൗജന്യം.

▪ ബസ് സർവീസുകൾ

അബുദാബി നഗരത്തിലും പരിസര പ്രദേശങ്ങളിലും ബസ് സർവീസ് രാവിലെ 6.00 മുതൽ പുലർച്ചെ 1.00 വരെ ലഭ്യമാണ്. 24 മണിക്കൂർ സർവീസ് പതിവുപോലെ തുടരും.
അൽഐൻ, അൽദഫ്ര മേഖലകളിൽ പുലർച്ചെ 1.00 വരെയാണ് സർവീസ്. ‘ബസ് ഓൺ ഡിമാൻഡ്’യും അബുദാബി എക്സ്പ്രസ് ബസും രാവിലെ 6.00 മുതൽ രാത്രി 11.00 വരെ ഓടും. വാരാന്ത്യങ്ങളിൽ എക്സ്പ്രസ് സർവീസ് പുലർച്ചെ 1.00 വരെ നീട്ടും.

▪ ഹാപ്പിനസ് സെന്ററുകൾ

അബുദാബിയിലെയും അൽഐനിലെയും ഉപഭോക്തൃ സേവന കേന്ദ്രങ്ങൾ (ഹാപ്പിനസ് സെന്റർ) തിങ്കൾ മുതൽ വ്യാഴം വരെ രാവിലെ 9.00 മുതൽ ഉച്ചയ്ക്ക് 2.30 വരെ പ്രവർത്തിക്കും. വെള്ളിയാഴ്ചകളിൽ രാവിലെ 9.00 മുതൽ ഉച്ചയ്ക്ക് 12.00 വരെ മാത്രം സേവനം ലഭിക്കും.

ഓൺലൈൻ സേവനങ്ങൾ ആഴ്ചയിലെ ഏഴു ദിവസവും 24 മണിക്കൂറും ലഭ്യമാണ്. കൂടുതൽ വിവരങ്ങൾക്ക് ബന്ധപ്പെട്ട ഹെൽപ്‌ലൈൻ നമ്പറുകളിൽ ബന്ധപ്പെടാമെന്ന് അധികൃതർ അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt

റമസാനിൽ വിലക്കയറ്റത്തിന് ‘ബ്രേക്ക്’! വിപണിയിൽ പിടിമുറുക്കി യുഎഇ; ഓരോ സാധനത്തിനും വിലവിവരപ്പട്ടിക നിർബന്ധം

റമസാൻ മാസത്തെ മുന്നോടിയായി വിപണിയിലെ വിലക്കയറ്റം തടയാൻ ശക്തമായ ഇടപെടലുമായി യുഎഇ സാമ്പത്തിക മന്ത്രാലയം രംഗത്ത്. കൃത്രിമ ക്ഷാമം സൃഷ്ടിക്കുന്ന പ്രവണതകൾക്കും അനാവശ്യമായ വില വർധനയ്ക്കും കർശന നിയന്ത്രണങ്ങളാണ് പ്രഖ്യാപിച്ചത്. 1,000 ചതുരശ്ര മീറ്ററിലധികം വിസ്തീർണമുള്ള എല്ലാ റീട്ടെയിൽ കടകളിലും ഓരോ ഉൽപ്പന്നത്തിന്റെയും ആകെ വിലയ്ക്കൊപ്പം യൂണിറ്റ് വില (ഉദാഹരണത്തിന് കിലോയ്ക്ക് എത്ര) വ്യക്തമായി പ്രദർശിപ്പിക്കണമെന്ന് മന്ത്രാലയം നിർദേശിച്ചു. ഉപഭോക്താക്കൾക്ക് വ്യക്തമായ വില താരതമ്യം സാധ്യമാക്കുക എന്നതാണ് ലക്ഷ്യം. ഓൺലൈൻ വ്യാപാര സ്ഥാപനങ്ങൾക്കും ഈ നിർദേശം ബാധകമാണ്. അബ്ദുല്ല ബിൻ തൗഖ് അൽ മർറി യുഎഇ സാമ്പത്തിക-വിനോദസഞ്ചാര മന്ത്രിയും ഉപഭോക്തൃ സംരക്ഷണ സമിതി അധ്യക്ഷനും, രാജ്യത്തെ ഭക്ഷ്യശേഖരം സുരക്ഷിതമാണെന്നും ദീർഘകാല വിതരണത്തിൽ തടസ്സമുണ്ടാകില്ലെന്നും വ്യക്തമാക്കി. വിപണിയിലെ അവശ്യവസ്തുക്കളുടെ ലഭ്യതയും വിലസ്ഥിരതയും വിലയിരുത്താൻ അദ്ദേഹം എമിറേറ്റ്‌സ് കോ-ഓപറേറ്റീവ് സൊസൈറ്റി, സ്പിന്നീസ് തുടങ്ങിയ പ്രധാന ഔട്ട്‌ലെറ്റുകൾ സന്ദർശിച്ചു. 2022 ലെ കാബിനറ്റ് പ്രമേയം (നമ്പർ 120) പ്രകാരം, ഉൽപ്പന്നങ്ങളുടെ ആകെ വിലയ്ക്കൊപ്പം യൂണിറ്റ് വിലയും നിർബന്ധമായും പ്രദർശിപ്പിക്കണം. നിയമലംഘനം കണ്ടെത്തിയാൽ പൊതുജനങ്ങൾക്ക് പരാതി നൽകാം.

ഇതിനോടകം തന്നെ പാചകഎണ്ണ, മുട്ട, പാൽ ഉൽപ്പന്നങ്ങൾ, അരി, പഞ്ചസാര, ചിക്കൻ, ഗോതമ്പ് തുടങ്ങിയ അടിസ്ഥാന സാധനങ്ങൾക്ക് മുൻകൂർ അനുമതിയില്ലാതെ വില വർധിപ്പിക്കുന്നത് മന്ത്രാലയം നിരോധിച്ചിട്ടുണ്ട്. റമസാൻ പ്രത്യേക ഓഫറുകളും ഡിസ്കൗണ്ടുകളും യാഥാർഥ്യമാണോയെന്ന് ഉറപ്പാക്കാൻ വിപണിയിൽ നേരിട്ടുള്ള നിരീക്ഷണവും തുടരും. വിപണിയിൽ ന്യായമായ മത്സരം ഉറപ്പാക്കുകയും അനാവശ്യ വിലക്കയറ്റം തടയുകയും ചെയ്യുക എന്നതാണ് ഈ നടപടികളുടെ പ്രധാന ലക്ഷ്യമെന്ന് മന്ത്രി വ്യക്തമാക്കി. റമസാൻ മാസപ്പിറവി നിരീക്ഷണത്തിനായി ചൊവ്വാഴ്ച കമ്മിറ്റി യോഗം ചേരാനിരിക്കെയാണ് മന്ത്രാലയത്തിന്റെ ഈ അടിയന്തര ഇടപെടൽ.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/DfsJVtpVohVHb4aFdLbW46?mode=wwt