Month: December 2024

ഹൃദയാഘാതം എന്നത് വളരെയധികം ആളുകള്‍ ഭയപ്പെടുന്ന വളരെയധികം ആളുകളെ ബാധിക്കുന്ന ഒരു ഗുരുതര രോഗാവസ്ഥ തന്നെയാണ്. പലപ്പോഴും ലോകമെമ്പാടും നോക്കുകയാണെങ്കില്‍ ഓരോ ദിവസവും ഹൃദയാഘാതം ഉണ്ടാവുന്നവരുടെ എണ്ണം ദിനംപ്രതി വര്‍ദ്ധിച്ച് കൊണ്ടിരിക്കുകയാണ്. പലപ്പോഴും കൃത്യമായി രോഗാവസ്ഥ നിര്‍ണയിക്കാന്‍ സാധിക്കാത്തതാണ് ഗുരുതരാവസ്ഥയിലേക്കും അവിടെ നിന്ന് മരണത്തിലേക്കും എത്തിയ്ക്കുന്നത്. വളരെ ചെറിയ ലക്ഷണങ്ങള്‍ പോലും ശരീരം പ്രകടിപ്പിക്കുമ്പോള്‍ പലരും അതിനെ അവഗണിച്ച് വിടുന്നു.

എന്നാല്‍ രോഗം പ്രകടമാവുന്നതിന് ദിവസങ്ങള്‍ക്ക് മുന്‍പോ അല്ലെങ്കില്‍ മാസങ്ങള്‍ക്ക് മുന്‍പോ നിങ്ങള്‍ക്ക് പല ലക്ഷണങ്ങളും പ്രകടമായി വരും. പലപ്പോഴും ഇതിനെ പ്രോഡ്രോമല്‍ ലക്ഷണങ്ങള്‍ എന്നാണ് അറിയപ്പെടുന്നത്. ഹൃദയത്തിന്റെ പ്രവര്‍ത്തനം ശരിയായ രീതിയില്‍ അല്ല എന്ന് തിരിച്ചറിയുന്നതിനും കൃത്യ സമയത്ത് ചികിത്സ തേടുന്നതിനും ഇത്തരം ലക്ഷണങ്ങള്‍ സഹായിക്കുന്നു. പലപ്പോഴും അകാരണമായുണ്ടാവുന്ന നെഞ്ച് വേദനയാണ് ആദ്യത്തെ ലക്ഷണമായി കണക്കാക്കുന്നത്. എന്നാല്‍ പഠനങ്ങള്‍ അനുസരിച്ച്, ഹൃദയാഘാതത്തിന് ചികിത്സിക്കുന്ന മിക്ക ആളുകളും കൂടുതലും പ്രോഡ്രോമല്‍ ലക്ഷണങ്ങള്‍ പ്രകടമാവുന്നുണ്ട്. അവ എന്തൊക്കെയെന്ന് നോക്കാം. അത് കൂടാതെ കണ്ണുകളും നമുക്ക് ചില ലക്ഷണങ്ങളെ കാണിച്ച് തരുന്നു.

സാധാരണ ലക്ഷണങ്ങള്‍

ഹൃദയാഘാതത്തിന് മുന്നോടിയായി ശരീരം പ്രകടിപ്പിക്കുന്ന വളരെ പ്രകടമായ ലക്ഷണങ്ങളില്‍ ഒന്ന് നെഞ്ച് വേദന തന്നെയാണ്. ഇത് കൂടാതെ നെഞ്ചിന് ഭാരം അനുഭവപ്പെടുകയും, ഹൃദയമിടിപ്പ് വര്‍ദ്ധിക്കുകയും, ശ്വാസതടസ്സം ഉണ്ടാവുകയും ചെയ്യുന്നു. കൂടാതെ നെഞ്ചിനോട് ചേര്‍ന്നുള്ള ഭാഗങ്ങളില്‍ എല്ലാം കത്തുന്നത് പോലെയുള്ള അനുഭവവും ഉണ്ടാവും. കൂടാതെ വിട്ടുമാറാതെ നില്‍ക്കുന്ന ക്ഷീണവും വളരെ പ്രധാനപ്പെട്ടതാണ്. അതോടൊപ്പം തന്നെ ഉറക്കമില്ലായ്മ, ഉറക്കസംബന്ധമായുണ്ടാവുന്ന പ്രശ്‌നങ്ങള്‍ എന്നിവയെല്ലാം വളരെയധികം ശ്രദ്ധിക്കണം. ഇതെല്ലാം പലപ്പോഴും ഹൃദയാഘാതത്തിന് ഒരാഴ്ചക്ക് മുന്‍പ് തന്നെ പ്രകടമായിവരുന്നു. പലപ്പോഴും ധമനികളില്‍ അടഞ്ഞ് പോയവരില്‍ ഒരു മാസത്തിന് മുന്‍പ് തന്നെ ലക്ഷണങ്ങള്‍ പ്രകടമാവും എന്നാണ് ആരോഗ്യ രംഗത്തെ വിദഗ്ധര്‍ പറയുന്നത്.

കണ്ണുകളില്‍ കാണുന്ന ലക്ഷണങ്ങള്‍

ഹൃദയാഘാതം നിങ്ങളെ ബാധിയ്ക്കാന്‍ പോവുകയാണെന്നതിന്റെ സൂചനയില്‍ പലപ്പോഴും കണ്ണുകളില്‍ ചില ലക്ഷണങ്ങള്‍ കാണിയ്ക്കുന്നു. അതില്‍ ആദ്യത്തെ കാര്യം കണ്ണില്‍ മഞ്ഞ നിറം കാണപ്പെടുന്നു എന്നതാണ്. ശരീരത്തില്‍ ഉയര്‍ന്ന അളവില്‍ ചീത്ത കൊളസ്‌ട്രോള്‍ അഥവാ എല്‍ഡിഎല്‍ ഉണ്ടെന്നത് സൂചിപ്പിക്കുന്നതാണ് ഇത്.

രക്തനിറമുള്ള കണ്ണുകള്‍

എപ്പോഴും രക്ത നിറമുള്ള കണ്ണുകള്‍ ഉള്ളവരില്‍ അല്‍പം കരുതലോടെ ഇരിക്കണം. ഇത് കൂടാതെ കടുത്ത ക്ഷീണവും അല്ലെങ്കില്‍ ഉറക്കമില്ലായ്മയും എല്ലാം ശ്രദ്ധിക്കണം. പലപ്പോഴും രക്തസമ്മര്‍ദ്ദം അമിതമാവുന്നു എന്നതിന്റെ സൂചന കൂടിയാണ് ഇത്. പലപ്പോഴും കണ്ണിലെ രക്തക്കുഴലുകള്‍ വികസിക്കുന്ന അവസ്ഥയില്‍ ശരീരത്തിനും സമ്മര്‍ദ്ദം വര്‍ദ്ധിക്കും. ഇതാണ് കണ്ണില്‍ രക്ത നിറത്തില്‍ കാണപ്പെടുന്നത് എന്നാണ് ആരോഗ്യരംഗത്തെ വിദഗ്ധര്‍ പറയുന്നതും.

കണ്ണുകള്‍ക്ക് ചുറ്റും വീക്കം

ഇത് കൂടാതെ നിങ്ങളുടെ രണ്ട് കണ്ണുകള്‍ക്ക് ചുറ്റും ഉള്ള വീക്കവും നിസ്സാരമല്ല. ഹൃദയ സംബന്ധമായ പ്രശ്‌നങ്ങളുടെ സൂചന കൂടിയാവാം ഇത്. ശരീരത്തില്‍ ദ്രാവകത്തിന്റെ അളവിലുണ്ടാവുന്ന ഏറ്റക്കുറച്ചിലാണ് ഇത് സൂചിപ്പിക്കുന്നത്. ഇതിനോടനുബന്ധിച്ച് ഹൃദയാരോഗ്യം മികച്ചതാണ് എന്ന് ഉറപ്പ് വരുത്തേണ്ടതാണ്. കൂടാതെ ഇതിനോട് ചേര്‍ന്ന് കണ്ണിന് വേദന തോന്നുന്നുണ്ടെങ്കിലും വളരെയധികം ശ്രദ്ധിക്കണം. ഇത് വ്യക്തമായ കാരണങ്ങളില്ലാതെയാണെങ്കില്‍ വളരെയധികം ശ്രദ്ധിക്കണം. ശരിയായ രക്തപ്രവാഹത്തിന്റെ അഭാവമാണ് ഇതിന് പിന്നില്‍.

വിട്ടുമാറാത്ത തലവേദന

വിട്ടുമാറാത്ത തലവേദനയും വളരെയധികം ശ്രദ്ധിക്കണം. ഹൃദയ സംബന്ധമായ പ്രശ്‌നങ്ങളുടെ സൂചനായായിരിക്കാം ഇത്തരം തലവേദനകള്‍. ഇവ പലപ്പോഴും കാഴ്ച പ്രശ്‌നങ്ങളിലേക്കും നിങ്ങളെ എത്തിക്കുന്നു. മുകളില്‍ പറഞ്ഞ ലക്ഷണങ്ങള്‍ സ്ത്രീകളിലും പുരുഷന്‍മാരിലും വ്യത്യാസപ്പെട്ടിരിക്കുന്നു. പലപ്പോഴും പുരുഷന്‍മാരിലാണ് സ്ത്രീകളെ അപേക്ഷിച്ച് ഹൃദയാഘാതം കൂടുതലുണ്ടാവുന്നത്. എന്നാല്‍ മരണ സാധ്യത കൂടുതലുള്ളത് സ്ത്രീകളിലാണ്. ഹൃദയാഘാതം സംഭവിച്ച ഒരു വ്യക്തിക്ക് അത് സ്ത്രീയാണെങ്കില്‍ ഉറക്കസംബന്ധമായ പ്രശ്‌നങ്ങള്‍ 50%ത്തിലധികം കാണപ്പെടുന്നു. എന്നാല്‍ പുരുഷന്‍മാരില്‍ ഇത് 32% മാത്രമേ കാണപ്പെടുന്നുള്ളൂ എന്നാണ് ഗവേഷണങ്ങള്‍ പറയുന്നത്.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

ശരീരഭാരം കുറയ്ക്കാന്‍ ഡയറ്റിന്റെ ഭാഗമായി പലരും അമിതമായി പഴങ്ങള്‍ കഴിക്കുന്നത് കാണാം. പഴങ്ങളില്‍ ധാരാളം പോഷകങ്ങള്‍ അടങ്ങിയിരിക്കുന്നതിനാല്‍, ശരീരത്തിന് നല്ലതാണ് എന്ന ധാരണയിലാണ് പലരും പഴങ്ങള്‍ കഴിക്കുന്നത്. മൂന്ന് നേരവും പഴങ്ങള്‍ മാത്രം ഭക്ഷിച്ച് ശരീരഭാരം കുറയ്ക്കാന്‍ ശ്രമിക്കുന്നവരും ഉണ്ട്. എന്നാല്‍, പഴങ്ങള്‍ അമിതമായാലും പ്രശ്‌നക്കാര്‍ തന്നെയാണ്. നിരവധി ദോഷവശങ്ങള്‍ പഴങ്ങള്‍ക്കും ഉണ്ട്. അവ എന്തെല്ലാമെന്ന് നോക്കാം.

പഴങ്ങളും ഗുണങ്ങളും

ഓരോ പഴങ്ങള്‍ക്കും വ്യത്യസ്ത ഗുണങ്ങളാണ് അടങ്ങിയരിക്കുന്നത്. നല്ല പുളിയുള്ള പഴങ്ങള്‍ എടുത്താല്‍, പ്രത്യേകിച്ച്, ഓറഞ്ച്, മുന്തിരി, കിവി എന്നിവയില്‍ ആന്റിഓക്‌സിഡന്റ്‌സ്, വിറ്റമിന്‍ സി എന്നിവയെല്ലാം ധാരാളം അടങ്ങിയിരിക്കുന്നത് കാണാം. അതുപോലെ, അവക്കാഡോ, ആപ്പിള്‍ എന്നിവയില്‍ ധാരാളം നാരുകളും, ഒമേഗ 3 ഫാറ്റി ആസിഡ് എന്നിവയും അടങ്ങിയിരിക്കുന്നു. വാഴപ്പഴം എടുത്താല്‍ അതില്‍ ധാരാളം വിറ്റമിന്‍ ബി6, വിറ്റമിന്‍ സി, മഗാനീഷ്യം, പൊട്ടാസ്യം എന്നിവയെല്ലാം കാണാം. ഇത്തരത്തില്‍ ഓരോ പഴങ്ങള്‍ എടുത്താല്‍, അതിലെല്ലാം ഓരോ പോഷകങ്ങളും അടങ്ങിയിരിക്കുന്നു.

ശരീരഭാരം കുറയ്ക്കാന്‍ പഴങ്ങള്‍

ശരീരത്തില്‍ നിന്നും കൊഴുപ്പ് കുറയ്ക്കാന്‍ പഴങ്ങള്‍ സഹായിക്കും. പ്രത്യേകിച്ച്, ഡയറ്റില്‍ തണ്ണിമത്തന്‍ ചേര്‍ക്കുന്നത്, ശരീരത്തിലേയ്ക്ക് നാരുകള്‍ സമൃദ്ധമായി എത്തുന്നതിനും, വെള്ളത്തിന്റെ അംശം ധാരാളം ലഭിക്കുന്നതിനും സഹായിക്കുന്നുണ്ട്. അതിനാല്‍ തന്നെ വയര്‍ വേഗത്തില്‍ നിറഞ്ഞ അനുഭൂതി ഉണ്ടാകുന്നു. ശരീരഭാരം കുറയ്ക്കാന്‍ ഇവ സഹായിക്കുന്നു. അവക്കാഡോ കഴിക്കുന്നതും ശരീരത്തിലേയ്ക്ക് ഹെല്‍ത്തി ഫാറ്റ് എത്തുന്നതിനും, പോഷകങ്ങള്‍ എത്തുന്നതിനും സഹായിക്കുന്നു. പപ്പായ, പൈനാപ്പിള്‍, പേരയ്ക്ക എന്നിവയെല്ലാം തന്നെ ശരീരഭാരം കുറയ്ക്കാന്‍ വളരെയധികം സഹായിക്കുന്ന പഴങ്ങളാണ്. കൃത്യമായ അളവില്‍ കഴിച്ചാല്‍ ശരീരത്തില്‍ നിന്നും അമിതമായിട്ടുള്ള കൊഴുപ്പിനെ നീക്കം ചെയ്യുന്നു. വിശപ്പ് കുറയ്ക്കാന്‍ സഹായിക്കുന്നു. ശരീരത്തിന് വേണ്ട പോഷകങ്ങള്‍ നല്‍കാനും സഹായിക്കുന്നതാണ്.

അമിതമായാല്‍ വിഷം

പഴങ്ങള്‍ കഴിച്ചാല്‍ ശരീരത്തിന് നിരവധി ഗുണങ്ങള്‍ ലഭിക്കും എന്നത് സത്യം. എന്നാല്‍, ഇതേ പഴങ്ങള്‍ അമിതമായി കഴിച്ചാല്‍ വിപരീതഫലമായിരിക്കും നിങ്ങള്‍ക്ക് ലഭിക്കുക. ഏതൊരു വസ്തുവും അമിതമായി ശരീരത്തില്‍ എത്തുന്നത് നല്ലതല്ല. വെള്ളം പോലും അമിതമായി കുടിച്ചാല്‍ നിരവധി ദോഷഫലമാണ് നല്‍കുന്നത്. പഴങ്ങളില്‍ തന്നെ സിട്രിക് പഴങ്ങള്‍ അമിതമായി കഴിച്ചാല്‍ ചര്‍മ്മം വരണ്ട് പോകുന്നതിന് കാരണമാണ്. തൊണ്ടയില്‍ കരകരപ്പ്, അസിഡിറ്റി പ്രശ്‌നങ്ങള്‍ എന്നിവ വര്‍ദ്ധിക്കുന്നതിന് ഇവ കാരണമാകുന്നു. അതുപോലെ, ആപ്പിള്‍, പഴം, പപ്പായ എന്നിങ്ങനെ മധുരം അമിതമായി അടങ്ങിയ പഴങ്ങള്‍ അമിതമായി ശരീരത്തില്‍ എത്തുമ്പോള്‍ രക്തത്തിലെ പഞ്ചസ്സാരയുടെ അളവ് വര്‍ദ്ധിക്കുന്നതിന് കാരണമാകുന്നു. ശരീരഭാരം വര്‍ദ്ധിക്കുന്നിതിനും ഇതൊരു കാരണമാണ്. കൂടാതെ, ഷുഗര്‍ പോലെയുള്ള ആരോഗ്യ പ്രശ്‌നങ്ങള്‍ വരുന്നതിനും ഇത് കാരണമാകുന്നു. കൂടാതെ, പഴങ്ങള്‍ മാത്രം കഴിക്കുന്നവരില്‍ ദഹന പ്രശ്‌നങ്ങള്‍ വര്‍ദ്ധിക്കാനുള്ള സാധ്യതയും വളരെയധികമാണ്. ഇത് അസിഡിറ്റി പോലെയുള്ള പ്രശ്‌നങ്ങള്‍, വയറിളക്കം എന്നിവ വര്‍ദ്ധിപ്പിക്കുന്നു.

കഴിക്കേണ്ട ശരിയായ വിധം

മിതമായ രീതിയില്‍ നിങ്ങളുടെ ആരോഗ്യത്തിന് ചേരുന്ന വിധത്തില്‍ പഴങ്ങള്‍ കഴിക്കാന്‍ ശ്രദ്ധിക്കുക. പ്രത്യേകിച്ച്, അമിതവണ്ണം ഉള്ളവര്‍, ശരീരഭാരം കുറയ്ക്കാന്‍ ശ്രമിക്കുന്നവര്‍ ഒരു ഡയറ്റീഷ്യന്റെ അഭിപ്രായത്തോടെ മിതമായ രീതിയില്‍ പഴങ്ങള്‍ കഴിക്കാന്‍ ശ്രദ്ധിക്കുക.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

ഓരോ ദിവസത്തെയും ആരോഗ്യത്തിനും,ഉണർവിനും പ്രഭാത ഭക്ഷണം വളരെയധികം പങ്ക് വഹിക്കുന്നു. രാവിലെ നന്നായി ഭക്ഷണം കഴിച്ചാൽ ആ ഊർജ്ജം ദിവസം മുഴുവൻ നിലനിൽക്കും. മാറുന്ന കാലവും മാറുന്ന ഭക്ഷണ രീതിയും മൂലം നിരവധി വിദേശ ഭക്ഷണങ്ങൾ നാട്ടിൽ പ്രചാരത്തിലായി കഴിഞ്ഞു. എന്നാൽ ഇവയിൽ ചിലത് പ്രഭാതത്തിൽ കഴിക്കാൻ പാടില്ലാത്ത ചില ഭക്ഷണങ്ങളാണ്. ഇതറിയാത്തവർ അത് കഴിക്കുന്നു ഇത്തരത്തിൽ തെറ്റായ ഭക്ഷണക്രമം ക്യാൻസർ ഉൾപ്പടെയുള്ള മാരകരോഗങ്ങൾ വരുത്തിവെക്കും. അതിനാൽ ഏവരുടെയും അറിവിലേക്കായി പ്രഭാതത്തിൽ കഴിക്കാൻ പാടില്ലാത്ത ചില ഭക്ഷണങ്ങൾ ഏതൊക്കെയാണെന് ചുവടെ ചേർക്കുന്നു.

1. ചോക്ലേറ്റ് കേക്ക്
   അമിതമായ മധുരം അടങ്ങിയിട്ടുള്ള ഇത്തരം കേക്കുകൾ രാവിലെ കഴിച്ചാൽ ശാരീരികക്ഷമത നിലനിർത്താൻ ആഗ്രഹിക്കുന്നവർക്ക് വിപരീതഫലമാകും ലഭിക്കുക. അമിതവണ്ണം ഉൾപ്പടെയുള്ള പ്രശ്‌നങ്ങളും ഉണ്ടാകും

2 പാൻകേക്ക്
അമിതമായ മധുരമുള്ളതിനാൽ പാൻകേക്കിൽ പ്രത്യേകിച്ച് പോഷകമൂല്യമുള്ള ഒന്നും അടങ്ങിയിട്ടില്ല. ഇതും അമിതവണ്ണം, പ്രമേഹം തുടങ്ങിയ പ്രശ്നങ്ങൾക്ക് കാരണമാകും.

3. ഫ്രൈഡ് ബ്രഡ്
   മുട്ടയോ വെണ്ണയോ ഉപയോഗിച്ച് ബ്രഡ് പൊരിച്ചെടുക്കുന്നത് ആരോഗ്യത്തിന് ഒട്ടും നല്ലതല്ല. അതിനാൽ ഇത് കഴിച്ചാൽ അമിതവണ്ണവും പൊണ്ണത്തടിയും ഉണ്ടാകുന്നു

4.ടീകേക്ക്
കാരറ്റ്, വാൽനട്ട്, ബദാം, വാഴപ്പഴം എന്നിവ ഉപയോഗിച്ചാണ് ടീകേക്ക് ഉണ്ടാക്കുന്നതെങ്കിലും രാവിലെ കഴിക്കുന്നത് അത്ര നല്ലതല്ല. ല്ല അളവിൽ മധുരം അടങ്ങിയിട്ടുള്ളതിനാൽ പ്രമേഹത്തിന് കാരണമാകുന്നു

5.പ്രിസർവേറ്റിവ്

വിപണിയിൽ ലഭിക്കുന്ന പാക്കേജ്ഡ് ഫുഡിൽ അധികവും വിവിധതരം പ്രിസർവേറ്റിവ് ഉപയോഗിച്ചിട്ടുള്ളതാണ്. ഇത് ഗുരുതരമായ ആരോഗ്യപ്രശ്‌നങ്ങൾ ക്ഷണിച്ചുവരുത്താവുന്നവയാണ്. അതിനാൽ ഇത്തരം ഭക്ഷണം രാവിലെ കഴിക്കാതിരിക്കാൻ ശ്രദ്ധിക്കുക.

അതിനാൽ എപ്പോഴും ആവിയിൽ പുഴുങ്ങിയ പലഹാരങ്ങൾ പ്രഭാത ഭക്ഷണമായി കഴിക്കുന്നതാണ് ആരോഗ്യത്തിന് നല്ലത്. ഇഡലി, ഇടിയപ്പം, പുട്ട്, പുഴുങ്ങിയ നേന്ത്രപ്പഴം എന്നിവ വളരെ നല്ലതാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

2025 ല്‍ വിവിധ ഉപകരണങ്ങളില്‍ വാട്സാപ്പ് നിശ്ചലമാകും. അടുത്തവര്‍ഷം മെയ് അഞ്ച് മുതൽ, 15.1-നേക്കാൾ പഴയ ഐഒഎസ് പതിപ്പുകൾ പ്രവർത്തിക്കുന്ന ഐഫോണുകളില്‍ വാട്സാപ്പ് പ്രവര്‍ത്തിക്കില്ല. ഐഫോണ്‍ 5എസ്, ഐഫോണ്‍ 6, ഐഫോണ്‍ 6 പ്ലസ് എന്നിവയുൾപ്പെടെ പഴയ ഐഫോണ്‍ മോഡലുകളുള്ള ഉപയോക്താക്കൾക്ക് അവരുടെ ഉപകരണങ്ങളിൽ വാട്സാപ്പ് ഉപയോഗിക്കാൻ കഴിയില്ല. നിലവിൽ, ആൻഡ്രോയിഡ് 5.0ലും പുതിയ പതിപ്പുകളിലും പ്രവർത്തിക്കുന്ന ഉപകരണങ്ങളും ഐഒഎസ് 12ലും അതിനുശേഷമുള്ള പതിപ്പുകളിലും പ്രവർത്തിക്കുന്ന ഐഫോണുകളെയും വാട്സാപ്പ് പിന്തുണയ്ക്കുന്നു. എന്നിരുന്നാലും, ഏറ്റവും പുതിയ സാങ്കേതിക മുന്നേറ്റങ്ങളുമായി ഒത്തുചേരാനുള്ള ശ്രമങ്ങളുടെ ഭാഗമായി പഴയ ഓപ്പറേറ്റിങ് സിസ്റ്റങ്ങൾക്കുള്ള പിന്തുണ വാട്സാപ്പ് നിർത്തലാക്കും. അതേസമയം, ആൻഡ്രോയിഡ് ഉപയോക്താക്കളെ ഈ അപ്‌ഡേറ്റ് ബാധിക്കില്ല. സാധാരണ പോലെ വാട്സാപ്പ് ഉപയോഗിക്കുന്നത് തുടരാം. പുതിയ ഐഫോണ്‍ മോഡലുകളുള്ള ഉപയോക്താക്കൾക്ക് ഐഒഎസ് 15.1ലേക്കോ അതിനുമുകളിലോ അപ്‌ഡേറ്റ് ചെയ്യാനാകുന്നവർക്ക് ലഭ്യമായ ഏറ്റവും പുതിയ സോഫ്‌റ്റ്‌വെയർ അപ്‌ഡേറ്റുകൾ പ്രവർത്തിപ്പിക്കുന്നിടത്തോളം ആപ്പിലേക്ക് ആക്‌സസ് ഉണ്ടായിരിക്കും. ആപ്പിൻ്റെ പ്രകടനം ഒപ്റ്റിമൈസ് ചെയ്യുക, മൊബൈൽ സാങ്കേതികവിദ്യയിലെ ഏറ്റവും പുതിയ ഫീച്ചറുകൾ, നൂതനതകൾ എന്നിവയുമായി പൊരുത്തപ്പെടുന്നുണ്ടെന്ന് ഉറപ്പാക്കുക എന്ന ലക്ഷ്യത്തോടെയാണ് ഈ നീക്കമെന്ന് വാട്ട്‌സ്ആപ്പ് ഊന്നിപ്പറഞ്ഞു. പഴയ ഉപകരണങ്ങൾക്കുള്ള പിന്തുണ നിർത്തുന്നത്, ആധുനിക സംവിധാനങ്ങളുമായി പൊരുത്തപ്പെടുന്നതിൽ ശ്രദ്ധ കേന്ദ്രീകരിക്കാൻ പ്ലാറ്റ്‌ഫോമിനെ അനുവദിക്കുമെന്ന് വാട്സാപ്പിൻ്റെ ഔദ്യോഗിക വെബ്‌സൈറ്റ് വിശദീകരിക്കുന്നു. അതിനാൽ ഇതിന് പുതിയവയെ പിന്തുണയ്‌ക്കാനും സാങ്കേതികവിദ്യയിലെ ഏറ്റവും പുതിയ മുന്നേറ്റങ്ങൾ നിലനിർത്താനും കഴിയും.

വാട്സാപ്പ് ഇനി പിന്തുണയ്ക്കുന്നില്ലെങ്കിൽ എന്ത് സംഭവിക്കും

2025 മെയ് സമയപരിധിക്ക് ശേഷവും വാട്സാപ്പ് ഉപയോഗിക്കുന്നത് തുടരാൻ നിങ്ങൾ ഒന്നുകിൽ പുതിയ ഐഫോണിലേക്ക് അപ്‌ഗ്രേഡ് ചെയ്യണം അല്ലെങ്കിൽ ഏറ്റവും പുതിയ ഐഒഎസ് പതിപ്പിലേക്ക് (സാധ്യമെങ്കിൽ) അപ്‌ഡേറ്റ് ചെയ്യേണ്ടതുണ്ട്. വാട്ട്‌സ്ആപ്പ് അതിൻ്റെ വെബ്‌സൈറ്റിൽ പ്രസ്താവിച്ചു, “ഞങ്ങൾ നിങ്ങളുടെ ഓപ്പറേറ്റിംഗ് സിസ്റ്റത്തെ പിന്തുണയ്‌ക്കുന്നത് നിർത്തുന്നതിന് മുമ്പ്, നിങ്ങളെ വാട്ട്‌സ്ആപ്പിൽ അറിയിക്കുകയും അപ്‌ഗ്രേഡ് ചെയ്യാൻ നിരവധി തവണ ഓർമ്മപ്പെടുത്തുകയും ചെയ്യും. പുതിയ ഐഫോണ്‍ മോഡലുകളുള്ളവർക്ക്, 15.1-നേക്കാൾ മുമ്പാണ് ഐഒഎസ് പതിപ്പ് പ്രവർത്തിപ്പിക്കുന്നതെങ്കിൽപ്പോലും നിങ്ങൾക്ക് ഏറ്റവും പുതിയ ഐഒഎസ് പതിപ്പിലേക്ക് അപ്‌ഡേറ്റ് ചെയ്യാനും മാറ്റം പ്രാബല്യത്തിൽ വന്നാൽ വാട്സാപ്പ് ഉപയോഗിക്കുന്നത് തുടരാനും കഴിയും. അപ്‌ഡേറ്റ് ചെയ്യുന്നതിന്, നിങ്ങളുടെ ഐഫോണിൽ ക്രമീകരണങ്ങൾ > പൊതുവായ > സോഫ്റ്റ്‌വെയർ അപ്‌ഡേറ്റ് എന്നതിലേക്ക് പോകുക.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

യുഎഇയിലെ പ്രവാസികള്‍ക്കും താമസക്കാര്‍ക്കും ഒരുപോലെ പ്രധാനപ്പെട്ടതും ആവശ്യമുള്ളതുമാണ് എമിറേററ്സ് ഐഡി. ഇലക്ട്രോണിക് ചിപ്പ് ഈ കാര്‍ഡില്‍ ഘടിപ്പിച്ചിട്ടുണ്ടാകും. കാര്‍ഡ് ഉടമയുടെ എല്ലാ വിവരങ്ങളും ഈ കാര്‍ഡില്‍ ഉണ്ടാകും. അംഗീകൃത അധികാരികള്‍ക്ക് അത് പരിശോധിക്കാന്‍ കഴിയും. എമിറേറ്റ്സ് ഐഡി രാജ്യത്തുടനീളം തിരിച്ചറിയല്‍ രേഖയായും മറ്റ് ആവശ്യങ്ങള്‍ക്കും ഉപയോഗിച്ചുവരുന്നു. എമിറേറ്റ്സ് ഐഡിയുടെ മറ്റ് ഗുണങ്ങള്‍ അറിയാം…

രാജ്യത്ത് എളുപ്പത്തില്‍ എന്‍ട്രി , എക്സിറ്റ് (പ്രവേശിക്കാനും പുറത്തുകടക്കാനും)- രാജ്യത്തെ ഇമിഗ്രേഷന്‍, എമിഗ്രേഷന്‍ നടപടിക്രമങ്ങള്‍ കാര്യക്ഷമമാണ്. എമിറേറ്റ്സ് ഐഡി ഇല്ലാത്തവര്‍ക്കും എളുപ്പത്തില്‍ ഈ പ്രക്രിയകള്‍ പൂര്‍ത്തിയാകും. എന്നാല്‍, എമിറേറ്റ്സ് ഐഡി ഒരു മുന്‍തൂക്കം നല്‍കുന്നു. യുഎഇയിലെ താമസക്കാർക്ക് അവരുടെ മുഖം സ്‌കാൻ ഉപയോഗിച്ച് ഇ-ഗേറ്റുകളിലൂടെ ബോർഡിങ് പാസ് ഉപയോഗിച്ച് രാജ്യത്ത് പ്രവേശിക്കാനും പുറത്തുപോകാനും കഴിയും.

വിസ രഹിത യാത്ര- യുഎഇ നിവാസികൾക്ക് ലോകമെമ്പാടുമുള്ള നിരവധി ജനപ്രിയ ലക്ഷ്യസ്ഥാനങ്ങളിലേക്ക് വിസ-ഫ്രീ അല്ലെങ്കിൽ വിസ-ഓൺ-അറൈവൽ ഉപയോഗിച്ച് യാത്ര ചെയ്യാനാകും.

ഇന്ധനത്തിന് പണമടയ്ക്കാം- രാജ്യത്തെ പെട്രോൾ സ്റ്റേഷനുകളിൽ എമിറേറ്റ്സ് ഐഡി ഉപയോഗിച്ച് ഇന്ധനത്തിന് പണമടയ്ക്കാം. അടുത്ത തവണ ഒരു അഡ്‌നോക് സ്റ്റേഷനിൽ ഇന്ധനം നിറയ്ക്കുകയാണെങ്കിൽ, ഒരു അഡ്‌നോക് വാലറ്റിനായി രജിസ്റ്റർ ചെയ്യണം. നിങ്ങളുടെ എമിറേറ്റ്‌സ് ഐഡി വാലറ്റുമായി ലിങ്ക് ചെയ്‌ത് അതിൽ ഫണ്ട് ലോഡ് ചെയ്യാം. അതിനാൽ, ഭാവിയിൽ, നിങ്ങളുടെ ക്രെഡിറ്റ് കാർഡ് സ്വൈപ്പ് ചെയ്യുന്നതിനുപകരം, ഇന്ധനത്തിന് പണമടയ്ക്കാൻ എമിറേറ്റ്സ് ഐഡി ഉപയോഗിക്കാം.

ആരോഗ്യ ഇൻഷുറൻസ് കാർഡ് ഇല്ലേ? ഒരു പ്രശ്നവുമില്ല!– ആരോഗ്യ പരിരക്ഷ ലഭിക്കുന്നതിന് എമിറേറ്റ്സ് ഐഡി ഉപയോഗിക്കാം.

വിസ നില പരിശോധിക്കാം- എമിറേറ്റ്സ് ഐഡി ഉപയോഗിച്ച് വിസ സ്റ്റാറ്റസ് ഓൺലൈനായി പരിശോധിക്കാം. ജിഡിആർഎഫ്എ (GDRFA ദുബായ്) അല്ലെങ്കിൽ ഐസിപി (ICP യുഎഇ) വെബ്‌സൈറ്റിൽ നിങ്ങളുടെ തിരിച്ചറിയൽ കാർഡ് ഉപയോഗിക്കാം.

യാത്രാ നിരോധനം പരിശോധിക്കാം- ദുബായ് പോലീസ് ആപ്ലിക്കേഷൻ അല്ലെങ്കിൽ ഐസിപി വെബ്സൈറ്റ് ഉപയോഗിച്ച് നിങ്ങൾക്ക് യാത്രാ നിരോധനം കിട്ടിയിട്ടുണ്ടോയെന്ന് ഓൺലൈനായി പരിശോധിക്കാം. സേവന വിഭാഗത്തിലേക്ക് പോയി യാത്രാ നിരോധന ഓപ്ഷൻ തെരഞ്ഞെടുക്കുക, തുടർന്ന് നിങ്ങൾക്ക് യാത്രാ നിരോധനമുണ്ടോയെന്ന് പരിശോധിക്കാൻ എമിറേറ്റ്സ് ഐഡി വിശദാംശങ്ങൾ നൽകുക.

സർക്കാർ സേവനങ്ങൾ ഓൺലൈനായി പരിശോധിക്കാം– ഒരു താമസക്കാരന് എമിറേറ്റ്സ് ഐഡി ലഭിച്ചുകഴിഞ്ഞാൽ സർക്കാർ സേവനങ്ങൾ ആക്സസ് ചെയ്യുന്നത് വളരെ എളുപ്പമാകും. ഹ്യൂമൻ റിസോഴ്‌സസ് ആൻഡ് എമിറേറ്റൈസേഷൻ മന്ത്രാലയത്തിൽ നിന്നും ആഭ്യന്തര മന്ത്രാലയത്തിൽ നിന്നുമുള്ള സേവനങ്ങൾ ഉൾപ്പെടെ നിരവധി ഓൺലൈൻ പോർട്ടലുകളിൽ ഒന്ന് താമസക്കാർക്ക് ഉപയോഗിക്കാം.

ഡ്രൈവിങ് ലൈസൻസ് നേടാം– ഡ്രൈവിങ് ലൈസൻസ് നേടുന്നതിന് അപേക്ഷിക്കുന്നതും കർശനമായ പരിശോധനകൾ നൽകുന്നതും യുഎഇയിൽ എളുപ്പമുള്ള കാര്യമല്ല. എന്നിരുന്നാലും, ഒരു പ്രാദേശിക ഡ്രൈവിങ് ലൈസൻസ് ലഭിക്കുന്നതിന് ഒരു അപേക്ഷകന് എമിറേറ്റ്സ് ഐഡി ഉണ്ടായിരിക്കണം.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

വിദേശയാത്ര നടത്തുന്നവര്‍ക്ക് ജാഗ്രതാ നിര്‍ദേശങ്ങളുമായി നോര്‍ക്ക. അപ്രതീക്ഷിത കഷ്ട-നഷ്ടങ്ങള്‍ നേരിടുന്നതിനും സംരക്ഷണത്തിനും ട്രാവല്‍ ഇന്‍ഷൂറന്‍സ് എടുക്കുന്നത് ഉറപ്പാക്കണമെന്ന് നോര്‍ക്ക നിര്‍ദേശം നല്‍കി. വിദേശയാത്രയില്‍ അപ്രതീക്ഷിതമായി ഉണ്ടായേക്കാവുന്ന ചികിത്സാ ചെലവ് സ്വന്തം നിലയില്‍ കണ്ടെത്തുക പ്രയാസകരമായിരിക്കും. ഇത്തരം സാഹചര്യങ്ങളില്‍ ഇന്‍ഷുറന്‍സ് കവറേജിലൂടെ സഹായിക്കും. സന്ദര്‍ശകവിസ, വ്യാപാരം, പഠനം, ചികിത്സ, വിനോദം, ഡെസ്റ്റിനേഷന്‍ വെഡ്ഡിങ് തുടങ്ങിയ ആവശ്യങ്ങള്‍ക്ക് വിദേശത്തേക്ക് കുറച്ച് കാലത്തേക്ക് മാത്രം സന്ദര്‍ശനം നടത്തുന്നവരെ ഉദ്ധേശിച്ചുള്ളതാണ് ട്രാവല്‍ ഇന്‍ഷുറന്‍സ്. ഇന്‍ഷുറന്‍സ് പരിരക്ഷ മറ്റ് സാഹചര്യങ്ങളിലും കിട്ടും. ബാഗേജ് മോഷണം, ബാഗേജ് വൈകിയെത്തുക, സ്വരാജ്യത്തേക്ക് തിരിച്ചയയ്ക്കുക, ഫ്‌ളൈറ്റ് റദ്ദാകുക, യാത്രയില്‍ കാലതാമസം ഉണ്ടാകുക, മൃതദേഹം നാട്ടിലെത്തിക്കുക തുടങ്ങിയ സാഹചര്യത്തില്‍ ഇന്‍ഷുറന്‍സ് പരിരക്ഷ ലഭിക്കും. പാസ്‌പോര്‍ട്ട് നഷ്ടമാകുന്ന സാഹചര്യത്തില്‍ പരാതി നല്‍കുന്നത് മുതല്‍ പുതിയതിന് അപേക്ഷിക്കുന്നത് വരെ നിരവധി സാഹചര്യങ്ങളെ നേരിടുന്നതിന് ഇന്‍ഷുറന്‍സ് കവറേജ് സഹായകമാകുമെന്ന് നോര്‍ക്ക അറിയിച്ചു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z

എണ്ണക്കമ്പനികൾ വ്യോമയാന ഇന്ധനത്തിന്റെ വില വര്‍ധിപ്പിച്ചതോടെ വിമാന ടിക്കറ്റ് നിരക്ക് വര്‍ധിപ്പിക്കാനൊരുങ്ങി വിമാനക്കമ്പനികള്‍. ഏവിയേഷൻ ടർബൈൻ ഇന്ധനത്തിന്റെ (എടിഎഫ്) വില കിലോലിറ്ററിന് 1,318 രൂപ നേരത്തെ വർധിപ്പിച്ചിരുന്നു. ഒരുമാസത്തിന് പിന്നാലെ ഡിസംബറില്‍ വീണ്ടും ഇന്ധനവില വർധിപ്പിച്ചതോടെയാണ് വിമാനക്കമ്പനികള്‍ വില വര്‍ധിപ്പിക്കാന്‍ ആലോചിക്കുന്നത്.3.3 ശതമാനത്തിന്റെ വളർച്ചയാണ് എടിഎഫിന്റെ വിലയിൽ ഒരുമാസം കൊണ്ട് ഉണ്ടായത്. ഡൽഹിയിൽ ഒരു കിലോലിറ്റർ എടിഎഫിന് 91,856.84 രൂപയും കൊൽക്കത്തയിൽ 94,551.63 രൂപയും മുംബൈയിൽ 85,861.02 രൂപയും ചെന്നൈയിൽ 95,231.49 രൂപയുമാണ് ഇന്നത്തെ വില.

ഒക്ടോബർ ഒന്നിന് കിലോലിറ്ററിന് 5,883 രൂപയും സെപ്റ്റംബർ ഒന്നിന് 4,495.5 രൂപയും കുറച്ചിരുന്നു. പിന്നീട് നവംബർ മാസത്തിൽ ഇന്ധന വില 1318 രൂപയും ഡിസംബർ ഒന്നിന് 2941 രൂപയും വില വർധിപ്പിക്കുകയായിരുന്നു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z