
യുഎഇ ലോട്ടറിക്ക് അടിമയാകുന്ന സാഹചര്യം വരുമോ? ഈ നിയന്ത്രണ ടൂളുകളെ കുറിച്ച് അറിയാം
കഴിഞ്ഞ ദിവസം അവതരിപ്പിക്കപ്പെട്ട പുതിയ നിയന്ത്രിത ലോട്ടറിയെ കുറിച്ച് നിരവധി ചര്ച്ചകളാണ് യുഎഇയിൽ നടക്കുന്നത്. ജുലൈ മാസത്തിൽ യുഎഇയിലെ ജനറൽ കൊമേഴ്ഷ്യൽ ഗെയിമിങ് റെഗുലേറ്ററി അതോറിറ്റിയുടെ ലൈസന്സ് നേടിയ ഗെയിം എൽഎൽസി എന്ന കമ്പനിയാണ് കോടിക്കണക്കിന് ദിര്ഹത്തിന്റെ സമ്മാനങ്ങളുമായി യുഎഇ ലോട്ടറി ആരംഭിച്ചത്. theuaelottery.ae എന്ന വെബ്സൈറ്റിൽ സൈൻ അപ്പ് ചെയ്ത് യുഎഇ താമസക്കാര്ക്ക് ലോട്ടറിയിൽ പങ്കെടുക്കാവുന്നതാണ്. ഈ വെബ്സൈറ്റിൽ സൈനപ്പ് ചെയ്യുന്നവര്ക്ക് ഉത്തരവാദിത്വത്തോടെയുള്ള ഗെയിമിങിന്റെ പ്രാധാന്യം വിശദീകരിക്കുന്ന ഇ-മെയിൽ കമ്പനി അയക്കുന്നുണ്ട്. പ്രശ്നങ്ങള് സൃഷ്ടിക്കുന്ന തരത്തിലുള്ള ഗെയിമിങ് പെരുമാറ്റങ്ങളിൽ നിന്ന് ലോട്ടറിയിൽ പങ്കെടുക്കുന്നവരെ സംരക്ഷിക്കുന്നതിനുള്ള നിര്ദേശങ്ങളാണ് ഇ-മെയിലിൽ ഉള്പ്പെടുത്തിയിരിക്കുന്നതെന്ന് ഗെയിം എല്എല്സി ഖലീജ് ടൈംസിനോട് പറഞ്ഞു. പ്രശ്നങ്ങള് സൃഷ്ടിക്കുന്ന ഗെയിമിങ് എന്നാൽ ഒരു നിയന്ത്രണവും ഉത്തരവാദിത്വവുമില്ലാതെ ലോട്ടറിക്ക് അടിമപ്പെടുന്ന സാഹചര്യമാണെന്ന് അതോറിറ്റി വ്യക്തമാക്കുന്നു. ഈ സാഹചര്യത്തിൽ ശ്രദ്ധിക്കേണ്ട കാര്യങ്ങളും യുഎഇ ലോട്ടറിക്ക് അടിമപ്പെടാതിരിക്കാന് ഒരു വ്യക്തിക്ക് എടുക്കാന് സാധിക്കുന്ന മുന്കരുതലുകളും എന്തൊക്കെയാണെന്ന് അധികൃതര് വ്യക്തമാക്കുന്നുണ്ട്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/LWqc0pyIjCiL7UFAQ73h8Z
Comments (0)